'హనీమూన్ ఎక్స్‌ ప్రెస్' ఫన్నీ అండ్ రొమాంటిక్‌ : అమల

యాక్టర్ చైతన్య రావ్, హీరోయిన్ హెబ్బా పటేల్ జంటగా హనీమూన్ ఎక్స్ ప్రెస్ సినిమా చేస్తున్న విషయం తెలిసిందే. ఫ్యూచరిస్టిక్ రొమాంటిక్ కామెడీ గా డైరెక్టర్ బాలశేఖరుని తెరకెక్కిస్తున్న ఈ చిత్రాన్ని న్యూ రీల్ ఇండియా బ్యానర్ పై కేకేఆర్, బాలరాజ్ నిర్మిస్తున్నారు. ఇప్పటికే ఈ సినిమా నుంచి విడుదలైన సాంగ్స్ మంచి రెస్పాన్స్ అందుకుంటున్నాయి. జూన్ 21వ తేదీన ఈ మూవీ వరల్డ్ వైడ్ గా థియేటర్లలో రిలీజ్ కానుంది.

కొన్ని రోజుల క్రితం.. టాలీవుడ్ కింగ్ నాగార్జున రిలీజ్ చేసిన హనీమూన్ ఎక్స్ ప్రెస్ ఫస్ట్ లుక్ మంచి రెస్పాన్స్ అందుకుంది. ఇప్పుడు ఈ మూవీ టీజర్ ను అమల అక్కినేని రిలీజ్ చేశారు. పేరెంట్స్ ఎరేంజ్ మ్యారేజ్ చేసిన తర్వాత ఓ జంట జర్నీయే ఈ సినిమాగా తెలుస్తోంది. తనికెళ్ల భరణి, సుహాసిని కీలక పాత్రల్లో నటిస్తున్న ఈ మూవీ టీజర్.. ఆద్యంతం నవ్వులు పూయిస్తూ ఆకట్టుకుంటోంది. సినిమాలో మంచి కామెడీ ఉన్నట్లు తెలుస్తోంది.

అయితే టీజర్ రిలీజ్ చేశాక అమల మాట్లాడారు. "బాలశేఖరుని చాలా కాలంగా అమెరికాలో యాక్టింగ్ అండ్ స్క్రీన్ ప్లే ప్రొఫెసర్ గా వర్క్ చేశారు. ఆయన ఎప్పటి నుంచో తెలుగు సినిమా తీయాలనుకున్నారు. ఆయన కల హనీమూన్ ఎక్స్ ప్రెస్ తో నెరవేరుతున్నందుకు హ్యాపీగా ఉంది. టీచింగ్ బాధ్యత.. సినిమా తీయడం సవాల్. మా స్టాఫ్, స్టూడెంట్స్ ను హనీమూన్ ఎక్స్ ప్రెస్ లో తీసుకున్నందుకు కూడా సంతోషంగా ఉంది" అని అమల తెలిపారు.

"హనీమూన్ ఎక్స్ ప్రెస్ టీజర్ ఫన్నీగా, రొమాంటిక్ గా అలరిస్తోంది. ప్రస్తుత సమాజంలోని రొమాంటిక్, వివాహ బంధాలను గురించి ఒక బలమైన కథను చూపించబోతున్నట్లు టీజర్ ద్వారా తెలుస్తోంది. జూన్ 21వ తేదీన గ్రాండ్ గా సినిమా రిలీజ్ కానుంది. బాలాశేఖరుని అండ్ టీమ్ కు ఆల్ ది బెస్ట్. తెలుగు ప్రేక్షకులు ఈ సినిమాను కచ్చితంగా ఆదరించి, విజయాన్ని అందిస్తారని కోరుకుంటున్నాను" అని అమల అక్కినేని తెలిపారు.

అన్నపూర్ణ స్టూడియోస్ తనకు చాలా స్పెషల్ అని డైరెక్టర్ బాలా తెలిపారు. "అమెరికా నుంచి అమల గారు, నాగార్జున గారు నన్ను ఇండియాకు తీసుకొచ్చారు. వాళ్ల ప్రోత్సాహంతో దర్శకుడిగా నా ఫస్ట్ తెలుగు మూవీ తీస్తున్నా. అక్కినేని కుటుంబం నుంచి లభిస్తున్న ఈ సపోర్ట్ కు హనీమూన్ ఎక్స్ ప్రెస్ మూవీ టీమ్ తరఫున కృతజ్ఞతలు. టీ సిరీస్ మ్యూజిక్ ద్వారా రిలీజ్ చేసిన నాలుగు సాంగ్స్ కు గుడ్ రెస్పాన్స్ వస్తోంది" అని చెప్పారు.