డంకీ ఫస్ట్ సాంగ్ ఎలా ఉంది..!

బాలీవుడ్ బాద్షా షారుఖ్ ఖాన్ ఈ ఇయర్ ఆల్రెడీ రెండు సూపర్ హిట్స్ అందుకున్నారు. ఇయర్ మొదట్లో పఠాన్ తో హిట్టు కొట్టిన షారుఖ్ రీసెంట్ గా జవాన్ అంటూ వచ్చి మరో సక్సెస్ తన ఖాతాలో వేసుకున్నారు. ఇప్పుడు మరో సినిమాతో ప్రేక్షకుల ముందుకు రాబోతున్నారు. షారుఖ్ ఖాన్ హీరోగా రాజ్ కుమార్ హిరాణి దర్శకత్వంలో తెరకెక్కిన సినిమా డంకీ. ఈ సినిమా నుంచి ఫస్ట్ సాంగ్ రిలీజ్ చేశారు మేకర్స్. డంకీ డ్రాప్ 2 లుట్ పుట్ గయా అంటూ వచ్చిన తొలి సాంగ్ రొమాంటిక్ గా అనిపిస్తుంది. మను హాత్డీల ప్రేమ ప్రయాణాన్ని తెలియచేస్తూ ఈ సాంగ్ ఉంది. ఈ సినిమాకు ప్రీతం సంగీతం అందించగా ఈ సాంగ్ ని అర్జిత్ సింగ్ పాడారు.

గణేష్ ఆచార్య ఈ సాంగ్ కి కొరియోగ్రఫీ చేశారు. రొమాంటిక్ ఫీల్ తో వచ్చిన ఈ సాంగ్ ప్రేక్షకులను అలరిస్తుంది. రాజ్ కుమారి హిరాణి సినిమాలు బాలీవుడ్ ఆడియన్స్ ని విశేషంగా ఆకట్టుకుంటాయి. డంకీ కూడా ఆయన నుంచి వస్తున్న మరో అద్భుతమైన సినిమా అని చెప్పొచ్చు. సినిమాలో కామెడీ, ఎమోషన్స్ అన్ని కలిసి ఉంటాయని తెలుస్తుంది.

ఇక ఈ సినిమా కథ విషయానికి వస్తే నలుగురు స్నేహితులకు సంబంధించిన కథగా డంకీ వస్తుంది. వారి కలలను నిజం చేసుకునేందుకు విదేశాలకు వెళ్లాలని అనుకుంటారు. ఈ క్రమంలో వారు ఎలాంటి ఇబ్బందులు ఎదుర్కొన్నారనేదే ఈ సినిమా కథ.

షారుఖ్ డంకీలో తాప్సీ ఫీమేల్ లీడ్ గా నటిస్తుంది. విక్కీ కౌశల్, విక్రం కొచ్చర్, అనీల్ గ్రోవర్ కూడా ఈ సినిమాలో నటిస్తున్నారు. ఏ జియో స్టూడియోస్, రెడ్ చిల్లీస్ ఎంటర్టైన్మెంట్, రాజ్ కుమార్ హిరాణి ఫిలింస్ బ్యానర్ లో ఈ సినిమా వస్తుంది. రాజ్ కుమార్ హిరాణి, గౌరీ ఖాన్ ఈ సినిమాను నిర్మిస్తున్నారు. ఈ సినిమా డిసెంబర్ 21న రిలీజ్ లాక్ చేశారు. బ్యాక్ టు బ్యాక్ రెండు హిట్లు అందుకున్న షారుఖ్ డంకీ తో హ్యాట్రిక్ హిట్ టార్గెట్ పెట్టుకున్నాడు. సినిమా టీజర్ తో పాటుగా రిలీజైన సాంగ్ చూస్తే కచ్చితంగా షారుఖ్ మరో హిట్ కొట్టేస్తాడని అనిపిస్తుంది. దశాబ్ద కాలంగా హిట్ కోసం ప్రయత్నాలు చేస్తున్న షారుఖ్ వరుస హిట్లతో ఫుల్ జోష్ లో ఉన్నాడు.