ఈసారి ఎన్ని ఎఫైర్ల‌తో బ‌య‌ట‌కు వ‌స్తాడో!

కొంత కాలంగా బాలీవుడ్ ప్ర‌శాంతంగా ఉంది. ఎక్క‌డా ఎలాంటి అల‌జ‌డి వాతావ‌ర‌ణం క‌నిపించ‌లేదు. ప‌బ్లిక్ గా ఎలాంటి ఎఫైర్ వార్త‌ల‌పై ఎక్క‌డా చర్చ జ‌ర‌గ‌లేదు. అంతా ఎవ‌రి ప‌నుల్లో వాళ్లు బిజీ అయ్యారు. త‌మ ప‌ని తప్ప మ‌రో ఆలోచ‌న లేకుండా అక్క‌డ సెల‌బ్రిటీలు స‌హా జ‌నం ఉన్నారు. ఆ ప్ర‌శాంత‌తే టాలీవుడ్ మీడియాలోనూ క‌నిపించింది. ఎందుకో తెలుసా? క‌ర‌ణ్ జోహార్ `కాఫీ విత్ క‌ర‌ణ్ టాక్` లేక‌పోవ‌డం వ‌ల్ల‌.

లేదంటే? నెట్టింట ర‌చ్చ‌..చ‌ర్చ ఎలా ఉంటుందో చెప్పాల్సి ప‌నిలేదు. సెల‌బ్రిటీల వ్య‌క్తిగ‌త విష‌యాల్లోకి దూర‌డం..లేదంటే వాళ్ల‌లో వాళ్ల‌కే ఎదో కిరికిరి పెట్టి నానా యాగీ చేయ‌డం క‌ర‌ణ్ కాపీ షో స్టైల్ అన్న‌ది తెలిసిందే. అయితే కొన్ని నెల‌లుగా ఇలాంటి వాతావ‌ర‌ణం లేదు. ఆయ‌న సినిమాల్లో బిజీ అవ్వ‌డం తో కొత్త సీజ‌న్ కి కూడా ఎక్కువ స‌మయం తీసుకున్నాడు. అయితే ఇక ఆస‌మ‌యం మ‌ళ్లీ వ‌చ్చేస్తుంది.

ఇంకెంతో దూరంలో లేదు. వ‌చ్చేస్తున్నా..వచ్చేస్తున్నా..మీ జీవితాల్లోకి వ‌చ్చేస్తున్నా అంటూ క‌ర‌ణ్ మేక‌ప్ వేసుకుని కాపీ తాగ‌డానికి రెడీ అవుతున్నాడు. ఎనిమిదవ సీజన్ త్వరలో ప్రారంభమవుతుంది. ఈ సీజ‌న్ లో బాలీవుడ్ క‌పుల్స్ రణవీర్ సింగ్ - దీపికా పదుకొనే తో ప్రారంభిస్తున్న‌ట్లు స‌మాచ‌రాం. ఇప్ప‌టివ‌ర‌కూ ఈ జోడీ కర‌ణ్ టాక్ షోలో పాల్గొన‌లేదు. క‌ర‌ణ్ తో కాపీ పంచుకోవ‌డం ఇదే తొలిసారి.

ఇంకా ఇదే షోలో కొంత మంది తెలుగు స్టార్స్ కూడా పాల్గొంటారని వార్తలు వస్తున్నాయి. ఎన్టీఆర్.. రామ్ చరణ్ పాల్గొంటారని జోరుగా ప్రచారం సాగుతోంది. ఇప్ప‌టికే ముంబైలో షూటింగ్ ప్రారంభ‌మైంద‌ని స‌మాచారం. అయితే సెల‌బ్రిటీలు ఎవ‌రు పాల్గొంటున్నారు? అన్న దానిపై స‌రైన క్లారిటీ లేదు. ఇంత‌వ‌ర‌కూ కర‌ణ్ కూడా దీనిపై ఎలాంటి వివ‌ర‌ణ కూడా ఇవ్వ‌లేదు. వాస్త‌వానికి టాక్ షోకి గుడ్ బై చెబుతున్న‌ట్లు గ‌తంలోనే వార్త‌లొచ్చాయి. కానీ అవ‌న్ని పుకార్ల‌ని తాజా సీజ‌న్ తో తెలుస్తుంది.