ఖాన్‌లకు బాడీ గార్డ్‌లు ఎంత ఛార్జ్ చేస్తారు?

సల్మాన్ ఖాన్, షారుఖ్ ఖాన్, అమితాబ్ బచ్చన్, దీపికా పదుకొణె మొదలైన బాలీవుడ్ సూపర్‌స్టార్‌లు విపరీతమైన అభిమానులను కలిగి ఉన్నారు. వారు బహిరంగ ప్ర‌దేశాల్లోకి అడుగు పెట్టేటప్పుడు మరింత జాగ్రత్తగా ఉండాలి. అందుకే వారు తమ అంగరక్షకులను 24/7 తమతోనే ర‌క్ష‌ణ‌గా తెస్తారు. వారి సంర‌క్షణ కోసం భారీ మొత్తం చెల్లిస్తారు. కోట్ల‌లో వీళ్ల ఆదాయం ఉందనేది ఆశ్చ‌ర్య‌ప‌రుస్తుంది.

షారుఖ్ ఖాన్ బాలీవుడ్‌లో అత్యంత ధనవంతుడు. అతనితో 24/7 అంగరక్షకుడు ఉన్నాడు. తన బాడీగార్డ్‌కు బాలీవుడ్‌లోని ఇతర స్టార్‌ల కంటే అత్యధిక మొత్తం చెల్లిస్తున్నాడు. అతని అంగరక్షకుడు, రవి సింగ్ సంవత్సరానికి రూ. 3 కోట్లు ఇంటికి తీసుకువెళుతున్నాడని, అతని నెలవారీ జీతం దాదాపు రూ. 25 లక్షలు ఉంటుంద‌ని స‌మాచారం.

షారుఖ్ ఖాన్ బహిరంగ ప్ర‌దేశాల‌కు వెళితే.. ఆ స‌మయంలో జాగ్రత్తగా చూసుకునే బాధ్యత ర‌వి సింగ్‌దే. కింగ్ ఖాన్ కోసం 10 సంవత్సరాలకు పైగా అత‌డు బాడీ గార్డ్ గా పనిచేస్తున్నాడు. అతడు SRK భద్రతకు బాధ్యత వహించడమే కాకుండా, సుహానా ఖాన్ - ఆర్యన్ ఖాన్ ల‌తో కొన్నిసార్లు బహిరంగ ప్రదర్శనలలో కాపాడుతూ కూడా కనిపించాడు.

అత్యధిక పారితోషికం పొందే ఇతర ప్రముఖుల బాడీగార్డ్‌లలో సల్మాన్ ఖాన్ బాడీగార్డ్ షేరా పేరు వినిపిస్తోంది. భాయ్ తో దాదాపు 29 సంవత్సరాలుగా అత‌డు ర‌క్ష‌కుడిగా ఉన్నారు. నెలకు దాదాపు రూ. 15 లక్షలు సంపాదిస్తారు. సంవత్సరానికి దాదాపు 2 కోట్లు అత‌డి ఆదాయం. అక్షయ్ కుమార్ బాడీగార్డ్ శ్రేయ్ థేలే ఏడాదికి రూ.1.2 కోట్లు తీసుకుంటున్నట్లు సమాచారం. అమీర్ ఖాన్ బాడీగార్డ్ యువరాజ్ ఘోర్పడే వార్షిక వేతనం రూ. 2 కోట్లు.