హృతిక్ రోషన్ గేమ్ ఛేంజర్ మూవీ క్రిష్ సీక్వెలేనా?

బాలీవుడ్ స్టార్ హీరో హృతిక్ రోష‌న్ ప్ర‌స్తుతం భారీ యాక్ష‌న్ ఎంట‌ర్ టైన‌ర్ `ఫైట‌ర్`లో న‌టిస్తున్న సంగ‌తి తెలిసిందే. భార‌త‌దేశంలో తొలి ఏరియ‌ల్ వ్యూ చిత్ర‌మిది. యుద్ధ విమానాల‌తో సావాసం సాహ‌సాల‌ నేప‌థ్యంలో హృతిక్ భారీ ప్ర‌యోగం చేస్తున్నాడు. వార్ ఫేం సిద్ధార్థ్ ఆనంద్ ఈ చిత్రానికి ద‌ర్శ‌క‌త్వం వ‌హిస్తున్నారు. ఈ చిత్రంలో ఆర్.ఆర్.ఆర్ స్టార్ ఎన్టీఆర్ ఒక కీల‌క పాత్ర‌ను పోషిస్తున్న సంగ‌తి తెలిసిందే. ఫైట‌ర్ త‌ర్వాత అత‌డు ఎలాంటి సినిమాలో న‌టిస్తాడు? అన్న‌దానిపై స‌రైన క్లారిటీ లేదు.

ఇంత‌లోనే ప్ర‌ముఖ మీడియా బ్రేకింగ్ న్యూస్ అంటూ అందించిన క‌థ‌నం అభిమానుల్లో ఉత్సాహం నింపుతోంది. ఎవ‌రికీ అంతుచిక్కని హృతిక్ రోషన్ ఎట్టకేలకు ఎంతో ఆసక్తిగా వేచి చూస్తున్న అభిమానుల‌కు శుభ‌వార్త‌ను అందించేందుకు సిద్ధ‌మ‌వుతున్నాడు. వినోద పరిశ్రమ అంతటా షాక్‌వేవ్‌లను పంపడానికి ప్రపంచవ్యాప్తంగా అభిమానులపై శాశ్వత ప్రభావాన్ని చూపడానికి అత‌డు ఘ‌న‌మైన‌ ప్రకటన చేయ‌నున్నారు. మిమ్మల్ని మీరు సిద్ధం చేసుకోండి! అంటూ ప్ర‌చారం మొద‌లైంది.

ఊహించండి.. ఇలాగే కొనసాగండి..మరింత తెలుసుకోవడానికి వేచి ఉండండి... అంటూ ఊరించ‌డం కొస‌మెరుపు. బాలీవుడ్ సూపర్ స్టార్ హృతిక్ కి సన్నిహిత వర్గాల వివ‌రాల ప్ర‌కారం.. ఈసారి గ్రీక్ గాడ్ ని పూర్తిగా కొత్త పాత్రలో చూపించే ప్రాజెక్ట్ కి స‌న్నాహాలు చేస్తున్నార‌ని తెలుస్తోంది. ఇప్ప‌టికే దీనిపై ఇండస్ట్రీ వర్గాల్లో ఉత్కంఠ నెలకొంది. ఈ కొత్త వెంచర్ ఏమిటి? కొత్త సినిమానా? డ్యాన్స్ వీడియో లేదా మరేదైనానా? లేక హృతిక్ ద‌ర్శ‌కుడిగా ఆరంగేట్రం చేస్తారా? అంటూ ఈ సంచలనాత్మక ప్రాజెక్ట్ పై అంచనాలు ఆల్ టైమ్ హైలో ఉన్నాయి.

తన అసమానమైన ప్రతిభకు విజన్‌కి పేరుగాంచిన హృతిక్ రోషన్ హద్దులు చెరిపేసే విన్యాసాల‌కు మ‌రోసారి శ్రీ‌కారం చుడుతున్నాడా? ఈసారి మునుపెన్నడూ చూడ‌ని భారీ ప్రాజెక్ట్ కోసం ప్ర‌ణాళిక‌లు సిద్ధం చేస్తున్నాడా? అంటూ సందేహాలు వ్య‌క్త‌మ‌వుతున్నాయి. ఇప్ప‌టికే సోషల్ మీడియాల్లో ర‌క‌ర‌కాల‌ ఊహాగానాలు సిద్ధాంతాలతో బోలెడంత సందడి నెల‌కొంది. ప్రతి ఒక్కరూ హృతిక్ తాజా ప్రకటన పరిమాణాన్ని అర్థంచేసుకోవడానికి ప్రయత్నిస్తున్నారు.

ఇంత‌కీ హృతిక్ గేమ్ మార్చే ఆ సినిమా ఏదై ఉంటుంది? చాలా కాలంగా ప్ర‌య‌త్నాల్లో ఉన్న క్రిష్ 4 గురించి అధికారిక ప్ర‌క‌ట‌న వెలువ‌రిస్తారా? అంటూ అభిమానులు ఉత్సాహంగా వేచి చూస్తున్నారు. మ‌రోవైపు హృతిక్ రోష‌న్ తాత‌గారైన రోష‌న్ 106వ జ‌యంతి సంద‌ర్భంగా ఎంతో ఉద్వేగానికి లోన‌వుతూ చేసిన వ్యాఖ్య‌లు హాట్ టాపిక్ గా మారుతున్నాయి. అలాగే దాదూజీ (తాత‌గారు) రోష‌న్ పాట‌ల‌ను ఆయ‌న సంగీత ద‌ర్శ‌క‌త్వం లో వ‌చ్చిన క్లాసిక్ ట్యూన్స్ గురించి హృతిక్ ప్ర‌స్థావించారు. త్వ‌ర‌లోనే త‌న నుంచి అద్భుత‌మైన ప్ర‌క‌ట‌న వెలువ‌డుతుంద‌ని హృతిక్ ఊరించాడు.