హృతిక్‌పై బావ‌మ‌రిది ప్రేమ నిజంగా షాకింగే

స‌హ‌జంగా కుటుంబంలో గొడ‌వ‌లతో భార్యాభ‌ర్త‌ల‌ విడాకులు అయ్యాక స‌న్నివేశం ఎలా ఉంటుందో ఊహించ‌గ‌లిగేదే. ఇరు కుటుంబాల న‌డుమ దూరం కొన‌సాగుతుంది. కానీ విడిపోయాక కూడా క‌లిసే ఉండే బాప‌తు చాలా అరుదు. అలాంటి స్నేహాలు బాలీవుడ్ కుటుంబాల్లో ఇటీవ‌ల‌ చూస్తున్నాం. హై ఎండ్ అల్ట్రా రిచ్ కుటుంబాల్లో మాత్రం అరుదుగా ఇది సాధ్యమ‌ని నిరూప‌ణ అవుతోంది.

హృతిక్ రోషన్- సుస్సానే ఖాన్ విడాకుల తర్వాత ఊహించిన దానికి విరుద్ధంగా ఆ ఇద్ద‌రూ ఎంతో స్నేహంగా ఉన్నారు. అంతేకాదు.. సుజానే ఖాన్ సోద‌రుడు, నటుడు జాయెద్ ఖాన్ హృతిక్‌తో సన్నిహితంగా ఉన్నాడు. ఇటీవలి ఇంటర్వ్యూలో కుటుంబ మార్పుల గురించి ప్ర‌స్థావించిన అత‌డు.. హృతిక్ రోషన్‌తో ఇప్ప‌టికీ కొనసాగుతున్న బలమైన బంధం గురించి స్పష్టం చేశాడు. హృతిక్ రోషన్ - సబా ఆజాద్‌ల సంబంధంపైనా తన ఆలోచనలను షేర్ చేసాడు. హృతిక్ తో త‌న‌ సంబంధం కాలక్రమేణా ప్రభావితం కాకుండా సానుకూలంగా ఉందని చెప్పాడు.

ఇటీవల జూమ్ ఇంటర్వ్యూలో జాయెద్ ఖాన్ తన సోదరి సుస్సేన్ ఖాన్ - హృతిక్ రోషన్ మధ్య విడాకుల తర్వాత తన కుటుంబ వ్య‌వ‌హారాల‌పై ఓపెన్ గా మాట్లాడారు. హృతిక్ ఆ బ్రేక‌ప్ త‌ర్వాత సబా ఆజాద్‌తో డేటింగ్ ప్రారంభించాడు.. సుస్సానే కూడా బిజినెస్ మేన్ అర్స్లాన్ గోనితో సంబంధంలో ఉంది. జాయెద్ ఎంతో జోవియ‌ల్ గా హాస్యభరితంగా మాట్లాడేస్తూ.. వారి కుటుంబ సమావేశాలను ప్రసిద్ధ అమెరికన్ సిట్‌కామ్ 'మోడరన్ ఫ్యామిలీ'తో పోల్చాడు. మేము స‌రికొత్త ఆధునిక కుటుంబంలా ఉన్నాము. ఇది ఒక వెర్రిలా ఉంది. అందరి నుండి విపరీతమైన ఆమోదం ల‌భించింది. అయితే ఆ ద‌శ‌కు చేరుకోవడానికి కొంత సమయం పట్టింది.. కానీ ఇప్పుడు కలిసి ఉండటంతో అందంగా ఉంది. మేము అందరం కలిసి పార్టీ చేసుకుంటాము. మేము ఒకే పైకప్పు క్రింద కలిసి ఒకే బంతితో ఆడుకుంటాం.. అని కూడా అన్నాడు.

జాయెద్ హృతిక్‌తో తన శాశ్వత బంధం గురించి కూడా మాట్లాడాడు. సలహా కోసం ఇప్ప‌టికీ హృతిక్ కి ఫోన్ చేస్తాన‌ని అన్నాడు. నేను న‌టించిన‌వి ఇష్టపడని వీడియోల‌ గురించి ఎప్పుడైనా నాకు క‌చ్చితంగా నిర్ణ‌యం తెలియకపోతే నేను దుగ్గు (హృతిక్ రోషన్)కి ఫోన్ చేసి అతడి అభిప్రాయాన్ని అడుగుతాను. అతడు చాలా మంచివాడు. అలాగే ఎవరైనా మ‌న‌తో స్నేహం కోసం న‌టించాల్సిన అవ‌స‌రం ఉండనవసరం లేనప్పుడు, వారు మ‌న‌కు విషయాలను నిష్పక్షపాతంగా చెబుతారు. అతడు అలాంటి వ్యక్తి. నేను అతడిని నిజంగా ప్రేమిస్తున్నాను'' అని తెలిపాడు. సోద‌రి నుంచి హృతిక్ విడిపోయినా కానీ త‌న‌తో ఎలాంటి వివాదాలు లేవ‌ని అన్నాడు. ''మేము ఎప్పుడూ విడిపోలేదు. నిజానికి ఆ సమయంలో అన్నదమ్ములు చేయాల్సినవన్నీ చేశాం. విడిపోయినా లేదా క‌లిసి ఉన్నా మేం ఎల్లప్పుడూ ఒకేలా ఉంటాము.. ఎందుకంటే ఎండ్ ఆఫ్ ది డే అతడి పిల్లలు నా పిల్లలు. వారు నా చేతుల్లో పెరిగారు. వీటన్నింటికీ మనం చాలా పరిణతి చెందాము. ఇంకా ముఖ్యమైన విషయాలు ఉన్నాయి. ఇది వారి ఎంపిక ...ఏం జరగాలి.. జరిగింది... అనేది మ‌నం చూడాలి అంతే'' అని అన్నారు.

డిసెంబర్ 2000లో వివాహం చేసుకున్న హృతిక్ - సుస్సానే 2006లో వారి మొదటి కుమారుడు హ్రేహాన్‌ను, 2008లో వారి రెండవ కుమారుడు హృదాన్‌ను స్వాగతించారు. అనంత‌రం వారు విడిపోయారు. ఇదిలా ఉంటే, సుమారు ఏడాదిన్నర క్రితం హృతిక్ రోషన్ - సబా ఆజాద్ తమ సంబంధాన్ని అధికారికంగా ప్రకటించారు. ఈ జంట బ‌హిరంగంగా ప్రతి ఈవెంట్‌లో కలిసి కనిపించడం ప్రారంభించారు. వారు తమ సంబంధాన్ని బహిరంగంగా ధృవీకరించనప్పటికీ క‌లిసి కెమెరాల‌కు ఫోజులిచ్చారు. కొంతకాలం క్రితం హృతిక్‌తో డేటింగ్ చేస్తున్నందున తన వాయిస్ ఓవర్ ఆఫర్‌లు త‌గ్గిపోయాయని స‌బా అజాద్ ఆవేద‌న చెందింది. విజయవంతమైన బాలీవుడ్ స్టార్‌తో ఉన్న సంబంధం కారణంగా తాను పని చేయాల్సిన అవసరం లేదని భావించిన వారిని స‌బా విమర్శించింది. ఆ త‌ర్వాత బాలీవుడ్ మీడియా ఈ ఇద్ద‌రి మ‌ధ్యా క‌ల‌త‌లు మొద‌ల‌య్యాయ‌ని క‌థ‌నాలు రాస్తోంది. హృతిక్ మ‌ళ్లీ ఒంట‌రిగా క‌నిపిస్తున్నాడ‌ని వార్త‌లు వినిపిస్తున్నాయి.