ప్రేయ‌సికి హృతిక్ నిజ‌మైన చీర్ లీడ‌ర్
By: Tupaki Desk | 16 Oct 2023 5:08 AM GMT
హృతిక్ రోషన్-సబా ఆజాద్ ఏడాది కాలంగా డేటింగ్‌లో ఉన్న సంగ‌తి తెలిసిందే. ఈ జంట తమ బంధాన్ని ఫోటోలు, వీడియోల రూపంలో అధికారికం చేశారు. కానీ ఇటీవ‌ల ఒకరి గురించి ఒకరు బహిరంగంగా మాట్లాడుకోవడం మానుకున్నారు. అప్పుడ‌ప్పుడు వెకేష‌న్స్ కి వెళుతూ సెల‌బ్రేష‌న్స్ కి సంబంధించిన ఫోటోలు వీడియోల‌ను సోష‌ల్ మీడియాల్లో షేర్ చేస్తూ అభిమానుల‌ను చిల్ చేస్తున్నారు. చేయి చేయి కలిపి అనేక బహిరంగ ప్రదర్శనలు చేశారు. ఆ విధంగా వారు సంబంధంలో ఉన్నట్లు పరోక్షంగా అంగీకరించారు. ఇటీవలి ఇంటర్వ్యూలో సబా తన భాగస్వామి (హృతిక్) ని ఉద్దేశించి తన అతిపెద్ద చీర్‌లీడర్ అని కూడా చెప్పింది.
సబా ఏ ఉద్ధేశంతో ఆ మాట అందో తెలీదు కానీ.. ఇప్పుడు మరోసారి హృతిక్ తన ప్రేయ‌సికి అతిపెద్ద ఛీర్‌లీడర్ అని మరోసారి నిరూపించాడు. ఇటీవ‌ల లాక్మే ఫ్యాష‌న్ వీక్ లో సబా ర్యాంప్‌పై నడిచింది. సబా తనదైన శైలిలో యూనిక్ ప్రదర్శనతో వేదికపైకి వచ్చింది. నటిగానే కాకుండా, సబా గాయని గాను సుప‌రిచితం. ఆమె నసీరుద్దీన్ షా కుమారుడు ఇమాద్ షాతో ఒక బ్యాండ్‌ను కలిగి ఉంది. సబా అత‌డితో గతంలో డేటింగ్ చేస్తున్నట్లు పుకార్లు వచ్చాయి. సబా మెరిసే త్రీ-పీస్ దుస్తులలో చాలా ప్ర‌త్యేకంగా కనిపించింది.
ఈ వేదిక‌పై సబా పాడటం ప్రారంభించింది. పూర్తిగా తనదైన శైలి ప్రదర్శనతో మెరిపించింది. వేదిక‌పై పిచ్చి పిచ్చిగా డ్యాన్సులు చేస్తున్న సబా వీడియోలు కూడా వైర‌ల్ అయ్యాయి. దీంతో నీకేమైనా పిచ్చా.. మెంట‌ల్ కి చికిత్స చేయించుకో అంటూ కొంద‌రు నెటిజ‌నులు తీవ్రంగా కామెంట్ చేసారు. స‌బాపై ట్రోలింగ్ ఆగ‌లేదు. కొంద‌రు నెటిజ‌నులు ఆమె డ్రగ్స్ తీసుకుంటున్నారని కూడా వ్యాఖ్యానించారు. మ‌రికొందరు ఆమెకు చికిత్స అవసరమని చెప్పారు.
అయితే ఈ ట్రోల్స్‌కు సబా దీటైన సమాధానం ఇచ్చింది. ఒక నెటిజ‌న్ 'నీకు పిచ్చి పట్టిందా?' అని ఈ ఫోటోల‌పై కామెంట్ చేయ‌గా సబా మ‌న‌స్థాపం చెందింది. ''అవును జాఫర్!! నేను పిచ్చిదానిని కావచ్చు.. బహుశా ప్రపంచం నిజంగా నీలాంటి వ్యక్తులతో నిండి ఉంది ప్రపంచంలోకి ద్వేషం తప్ప మరేమీ పంపరు .. తెర వెనుక కూర్చున్న మీలాగే- మీ వారసత్వాన్ని పెంచి పోషిస్తున్నారు'' అని స‌మాధాన‌మిచ్చారు సబా.
ఆన్ లైన్ ట్రోలింగుకి భిన్నంగా హృతిక్ తన ప్రేయ‌సిపై ప్రేమ‌ను కురిపించ‌డం ద్వారా అంద‌రికీ స‌మాధాన‌మిచ్చాడు. హృతిక్ ఎంచుకున్న‌ది మేలైన మార్గ‌మ‌ని నిరూప‌ణ అయింది. ఇంత‌కీ హృతిక్ ఏమ‌ని కాంప్లిమెంట్ ఇచ్చాడు అంటే... కానీ హృతిక్ సబా వీడియోను షేర్ చేసి దానికి హార్ట్ ఈమోజీని జోడించారు. ''పాట‌కు లొంగుబాటు! అందుకే మెరుపు!''అంటూ సింపుల్ క్యాప్ష‌న్ తో ప్ర‌శంసించాడు.
ఇప్పుడు హృతిక్ తాను సబాకు అతి పెద్ద చీర్‌లీడర్ అని నిరూపించుకున్నాడు. కెరీర్ మ్యాట‌ర్ కి వ‌స్తే..సబా చివరిగా OTTలో 'హూ ఈజ్ యువర్ గైనక్'లో కనిపించారు. హృతిక్ రోషన్ న‌టిస్తున్న ఫైట‌ర్ విడుద‌ల కావాల్సి ఉంది.
