విశ్వక్ సేన్.. వ్వాటే లైనప్!

యంగ్ హీరో విశ్వక్ సేన్ ఈ ఏడాది గామి, గ్యాంగ్స్ ఆఫ్ గోదావరి సినిమాలతో ప్రేక్షకుల ముందుకి వచ్చారు. గామి సినిమా బ్రేక్ ఈవెన్ కలెక్షన్స్ అందుకొని కమర్షియల్ సక్సెస్ అయ్యింది. గ్యాంగ్స్ ఆఫ్ గోదావరి సినిమా కూడా పర్వాలేదు అనే టాక్ తెచ్చుకుంది. గ్యాంగ్స్ ఆఫ్ గోదావరి సినిమాలో విశ్వక్ సేన్ నెగిటివ్ షేడ్స్ ఉన్న క్యారెక్టర్ లో నటించగా నటుడిగా అతనికి మంచి గుర్తింపు తీసుకు వచ్చింది.

ఇక నెక్స్ట్ విశ్వక్ నుంచి మరిన్ని క్రేజీ ప్రాజెక్టులు రాబోతున్నాయి. అతని లైనప్ లో ఉన్న నాలుగు సినిమాలు వేటికవే చాలా డిఫరెంట్ గా ఉండబోతున్నట్లు తెలుస్తోంది. ఒకసారి వాటిపై ఒక లుక్కేస్తే.. ప్రస్తుతం రవితేజ ముళ్ళపూడి దర్శకత్వంలో విశ్వక్ సేన్ చేసిన మెకానిక్ రాకీ మూవీ రిలీజ్ కి రెడీ అవుతోంది. అక్టోబర్ 31న ఈ చిత్రం థియేటర్స్ లోకి రాబోతోంది.

మీనాక్షి చౌదరి మెకానిక్ రాకీ మూవీలో హీరోయిన్ గా నటిస్తోంది. ఇదిలా ఉంటే ఈ చిత్రం తర్వాత మరో మూడు సినిమాలు విశ్వక్ సేన్ లైన్ అప్ లో ఉన్నాయి. ఆ మూడు కూడా అఫీషియల్ గా ఎనౌన్స్ అయ్యాయి. వాటిలో లైలా మూవీ ఇప్పటికే సెట్స్ పైకి వెళ్లినట్లు తెలుస్తోంది. రామ్ నారాయణ దర్శకత్వంలో ఈ సినిమా సిద్ధమవుతోంది. బట్టల రామస్వామి సినిమాతో రామ్ నారాయణ దర్శకుడిగా పరిచయమయ్యారు.

ఈ చిత్రం తర్వాత లాంగ్ గ్యాప్ తీసుకుని ప్రస్తుతం లైలా సినిమాతో బిగ్ స్క్రీన్ పై ప్రూవ్ చేసుకోవడానికి రెడీ అవుతున్నారు. నెక్స్ట్ గంటా శ్రీధర్ దర్శకత్వంలో విశ్వక్ సేన్ మూవీ ఉండబోతోంది. ఈ చిత్రంలో విశ్వక్ సేన్ పవర్ ఫుల్ పోలీస్ ఆఫీసర్ గా కనిపించబోతున్నారు. విలేజ్ బ్యాక్ డ్రాప్ లో యాక్షన్ డ్రామాతో ఈ సినిమా తెరకెక్కనున్నట్లు తెలుస్తోంది. VS14 వర్కింగ్ టైటిల్ తో రీసెంట్ గా ఈ మూవీ ఫ్రీ లుక్ పోస్టర్ రిలీజ్ చేశారు.

దీని తర్వాత జాతి రత్నాలు ఫేమ్ కెవి అనుదీప్ దర్శకత్వంలో విశ్వక్ సేన్ మూవీ రానుంది. పీపుల్స్ మీడియా ఫ్యాక్టరీ ఈ చిత్రాన్ని భారీ బడ్జెట్ తో నిర్మించబోతోంది. అవుట్ అండ్ అవుట్ కామెడీ ఎంటర్టైనర్ గా ఈ సినిమా కథాంశం ఉంటుందనే టాక్ వినిపిస్తోంది. ఈ అప్ కమింగ్ ప్రాజెక్ట్స్ పై అఫీషియల్ అనౌన్స్మెంట్స్ ఇప్పటికే వచ్చాయి. ఇవి కాకుండా గ్యాంగ్ ఆఫ్ గోదావరి ఫేమ్ కృష్ణ చైతన్య దర్శకత్వంలోనే మరో మూవీ కూడా విశ్వక్ సేన్ చేసే ఆలోచనలో ఉన్నట్టు. దీనిపై ఇంకా స్పష్టత రావాల్సి ఉంది. మెకానిక్ రాకీ కాకుండా ప్రస్తుతం విశ్వక్ సేన్ కమిట్ అయిన మూడు చిత్రాలు 2025 లో ప్రేక్షకుల ముందుకి వచ్చే అవకాశం ఉందనే టాక్ వినిపిస్తోంది.