నేను కూడా ఆయ‌న తాలూకా అంటూ హైప‌ర్ ఆది!

పిఠాపురం లో ప‌వ‌న్ క‌ళ్యాణ్ గెల‌వ‌డం కంటే ముందే 'నేను పిఠాపురం ఎమ్మెల్యే తాలూకా' అంటూ బైక్ నెంబ‌ర్ ప్లేట్ల‌పై నెంబ‌ర్ తీసేసి ప‌వ‌న్ బ్రాండ్ ని వేసేసారు. అవి నెట్టింట ఎంత‌లా వైర‌ల్ అయ్యాయో తెలిసిందే. ఇక 70వేల మెజార్టీతో గెలిచిన త‌ర్వాత సైనికుల అనందానికి అవ‌దుల్లేవ్. మాట‌ల్లేవ్.. మాట్లాడు కోవ‌డాల్లేవ్ అంటూ సోష‌ల్ మీడియాలో అభిమానంతో పెద్ద ర‌చ్చే చేసారు.

ఇది జ‌న‌సైనికుల ఆనంద‌మైతే తాజాగా క‌మెడియ‌న్ హైప‌ర్ ఆది 'నేను కూడా డీసీఎమ్ ప‌వ‌న్ క‌ళ్యాణ్ తాలూకా' అంటూ మ‌రోసారి ముందుకొచ్చాడు. ఎన్నిక‌ల్లో ఎన్డీయే కూట‌మి విజ‌యం సాధించ‌డంతో పీపూల్ మీడియా ఫ్యాక్ట‌రీ అధినేత విశ్వ‌ప్ర‌సాద్ విజ‌యోత్స‌వ వేడుక నిర్వ‌హించిన సంగ‌తి తెలిసిందే. ఈ సంద‌ర్భంగా హాజ‌రైన ఆది త‌న సంతోషాన్ని వ్య‌క్తం చేసాడు.

'కూట‌మి విజ‌యం చెప్ప‌లేని సంతోషాన్ని ఇస్తుంది. కూట‌మి అనే సినిమా 164 రోజులు ఆడింద‌ని, అందుకే ఈ స‌క్సెస్ మీట్ అని అన్నాడు. కుమారుడు త‌న త‌ల్లికి మొద‌టి సంపాద‌న‌తో చీర కొనిపెట్టిన‌ప్పుడు, బైక్ పై తండ్రిని కూర్చోబెట్టుకుని తీసుకెళ్లిన‌ప్పుడు ఎంత ఆనందం క‌లుగుతుందో ప‌వ‌న్ గెలిచిన‌ప్పుడు ప్ర‌తీ సైనికుడికి అంతే ఆనందం చూసాను.

లంక ద‌హ‌నం త‌ర్వాత హ‌నుమంతుడు వెళ్లి శ్రీరాముడి పాదాలు ప‌ట్టుకున్న‌ట్లు, ఎన్నిక‌ల్లో విజ‌యం త‌ర్వాత చిరంజీవి ప‌వ‌న్ క‌ళ్యాణ్ ద‌గ్గ‌ర‌కు అలా వెళ్లారు. అంత‌కంటే ఎమోష‌న‌ల్ మూవ్ మెంట్ ఏమీ ఉంటుంది' అని ఆనందం వ్య‌క్తం చేసాడు. ఆది జ‌బ‌ర్ద‌స్త్ తో ఫేమ‌స్ అయిన సంగ‌తి తెలిసిందే. అక్క‌డ నుంచి మ‌రిన్ని బుల్లి తెర షోలు చేసి మంచి గుర్తింపు ద‌క్కించుకున్నాడు.

ప్ర‌స్తుతం సినిమాల్లో కూడా బాగానే అవ‌కాశాలు అందుకుంటున్నాడు. ఇక పై మెగా కాంపౌండ్ లో ఎక్కువ‌గా అవ‌కాశాలు వ‌స్తాయ‌ని ఎదురు చూస్తున్నాడు. ఎన్నిక‌ల స‌మ‌యంలో పిఠాపురంలో ప‌వ‌న్ క‌ళ్యాణ్ త‌రుపున ఆది ప్ర‌చారం చేసిన సంగ‌తి తెలిసిందే. ఇంకా రాంప్ర‌సాద్, గెట‌ప్ శ్రీను జ‌బ‌ర్ద‌స్త్ గ్యాంగ్ అంతా కూడా ప‌లు నియోజ‌క వ‌ర్గాల్లో ప్ర‌చారం చేసి మెగాక్యాంప్ మెప్పు పొందారు.