మ‌హేష్ ఫ్యామిలీ లాస్ట్ వెకేషన్ ఇదే!

సూప‌ర్ స్టార్ మ‌హేష్ ఫ్యామిలీ వెకేష‌న్ల గురించి చెప్పాల్సిన ప‌నిలేదు. ఏడాదిలో ఓ ప‌దిసార్లైనా వేకేష‌న్ల‌కు వెళ్ల‌డం అల‌వాటు. కొత్త సినిమా ప్రారంభానికి ముందు..పూర్త‌యిన త‌ర్వాత‌...షూటింగ్ మ‌ధ్య‌లో గ్యాప్ వచ్చినా? పిల్ల‌ల స్కూల్ కాలేజీల‌కు హాలీడేస్ వ‌చ్చినా విదేశాల‌కు ఎగిరిపోతారు. మొత్తంగా ఓ ప‌దిసార్లైనా వేకేష‌న్లు ప్లాన్ చేసుకుంటారు. మ‌హేష్ ఫ్యామిలీ వెకేష‌న్లు మిస్ అయింది? ఎప్పుడైనా ఉంది అంటే అది కోవిడ్ స‌మ‌యంలోనే.

అయితే మ‌హేష్ హీరోగా రాజ‌మౌళి ద‌ర్శ‌క‌త్వంలో సినిమా ప్రారంభ‌మైన త‌ర్వాత ఇలా వెకేష‌న్ల‌కు వెళ్ల‌డానికి ఛాన్స్ ఉండ‌దు. రాజ‌మౌళి షూటింగ్ ప్రారంభిస్తే పూర్తిగా బాండ్ అయి ప‌నిచేయాల్సి ఉంటుంది. మ‌ధ్య‌లో వెకేష‌న్లు.. విశ్రాంతి అంటే కుద‌ర‌దు. షూటింగ్ వ‌చ్చే ఏడాది జ‌న‌వ‌రి నుంచి మొద‌ల‌వుతుంది. ప్ర‌స్తుతం మ‌హేష్ రాజ‌మౌళి సినిమా ప‌నుల్లోనే ఉన్నారు. అవ‌స‌రం మేర వ‌ర్క్ షాపుల‌కు హాజ‌ర‌వుతున్నారు.

ప్ర‌స్తుతానికి మ‌రీ అంత ఒత్తిడి లేదు. రిలాక్స్ గానే ప‌నిచేసుకుంటూ వెళ్తున్నారు. దీంతో మ‌హేష్ చివ‌రి వెకేష‌న్ డిసెంబ‌ర్ 31 అయ్యే అవ‌కాశం ఉంది. న్యూ ఇయ‌ర్ సెల‌బ్రేష‌న్ల‌ను ప్ర‌తీ ఏడాది దుబాయ్ లో సెల‌బ్రేట్ చేసుకోవ‌డం మ‌హేష్ ఫ్యామిలీకి అల‌వాటు. వాళ్ల‌తో పాటు మ‌హేష్‌, న‌మ్ర‌త స్నేహితులు కూడా ఈ పార్టీలో పాల్గొంటారు. దుబాయ్ ఈవెంట్ పూర్త‌యిన త‌ర్వాత స‌మ‌యం ఉంది అనుకుంటే? అక్క‌డ నుంచి ఇత‌ర దేశాల‌కు వెళ్తారు. లేదంటే తిరిగి ఇండియాకి వ‌చ్చేస్తారు.

కానీ మ‌హేష్ చివ‌రి వెకేష‌న్ మాత్రం ఇదే. ఎస్ ఎస్ ఎంబీ 29 షూటింగ్ జ‌న‌వ‌రిలో ప్రారంభ‌మైపోతుంది. అప్ప‌టి నుంచి మ‌హేష్ కి ఖాళీ ఉండ‌దు. రాజ‌మౌళి బ్రేక్ తీసుకునే వ‌ర‌కూ ఆయ‌న‌తో పాటు మ‌హేష్ వెంట ఉండాల్సిందే. రాజ‌మౌళి బస ఏర్పాటు కూడా అప్పుడ‌ప్పుడు ఆన్ సెట్స్ లోనే రెడీ చేసుకుంటారు. ఇంటికి-సెట్ కి అవ‌న‌స‌ర‌మైన ట్రావెలింగ్ ఎందుక‌ని అలా సెట్ చేసుకుంటారు. అవ‌స‌రం మేర హీరో కూడా అప్పుడ‌ప్పుడు వాళ్ల‌తో పాటు ఉండిపోవాల్సి ఉంటుంది. రాజ‌మౌళి హీరో అంటే అంత డెడికేట్ గా ప‌నిచేయాల్సి ఉంటుంది. కాబ‌ట్టి 2025 నుంచి మ‌హేష్ ఫ్యామిలీ వెకేష‌న్లు మిస్ అయ్యే అవ‌కాశం ఉంది. న‌మ్ర‌త‌..గౌత‌మ్..సితార మాత్ర‌మే వెకేష‌న్ల‌కు వెళ్లే అవ‌కాశం ఉంది.