అర్జున్ రెడ్డి యానిమల్ కలిస్తే.. సందీప్ వంగ నెక్స్ట్ లెవెల్ ప్లాన్..!

అందరు తీసేలా సినిమాలు చేస్తే అందులో కిక్కేం ఉంటుంది అందరికీ భిన్నంగా సినిమాలు చేస్తేనే డిఫరెంట్ గా ఉంటుందని అదే తన అస్త్రంగా చేసుకుని సినిమాలు చేస్తున్నాడు యువ దర్శకుడు సందీప్ రెడ్డి వంగ. మొదటి సినిమా అర్జున్ రెడ్డితోనే షాక్ ఇచ్చిన అతను అదే సినిమా బాలీవుడ్ లో తీసి అక్కడ అదే సక్సెస్ అందుకున్నాడు. ఇక తన లేటెస్ట్ మూవీ యానిమల్ సక్సెస్ టాక్ తెలిసిందే. రణ్ బీర్ కపూర్, రష్మిక మందన్న కలిసి నటించిన ఈ సినిమా బ్లాక్ బస్టర్ హిట్ అయ్యింది. సినిమా 900 కోట్ల పైన వసూళ్లను రాబట్టింది.

డైరెక్టర్ గా సందీప్ వంగ టాలెంట్ ఏంటన్నది యానిమల్ రిజల్ట్ తో మరోసారి ప్రూవ్ అయ్యింది. ఇక ఈ సినిమా తర్వాత సందీప్ వంగ తో సినిమాలు చేసేందుకు హీరోలంతా వెయిటింగ్ లో ఉన్నారు. యానిమల్ ఎండింగ్ లో యానిమల్ పార్క్ అనే సినిమా ప్రకటించారు. ఆ సినిమా ఎప్పుడు వస్తుంది అన్నది తెలియాల్సి ఉంది. అయితే ప్రభాస్ తో సందీప్ వంగ స్పిరిట్ ముందు వరుసలో ఉంది. ఆ తర్వాత అల్లు అర్జున్ తో సినిమా కూడా ఉంది.

అయితే అర్జున్ రెడ్డి హీరో విజయ్ దేవరకొండతో సందీప్ వంగ సినిమా ఒకటి ప్లానింగ్ లో ఉంది. అర్జున్ రెడ్డి కాంబో సినిమా అంటే తెలుగు ఆడియన్స్ కి అంచనాలు డబుల్ అయ్యాయి. అయితే ఈ మ్యాడ్ నెస్ మరింత పెంచేందుకు ఆ సినిమాలో యానిమల్ ని పెట్టే ఆలోచనలో ఉన్నాడట సందీప్ వంగ. విజయ్ దేవరకొండ, రణ్ బీర్ కపూర్ ఇద్దరూ కలిసి ఒకే సినిమాలో ఉంటే ఇక ఆ సినిమా రేంజ్ వేరేలా ఉంటుంది.

విజయ్ తో చేసే సినిమా సంథింగ్ స్పెషల్ గా ఉండాలని ప్లాన్ చేస్తున్న సందీప్ వంగ అర్జున్ రెడ్డి తో యానిమల్ కాంబోని సెట్ చేస్తున్నాడట. అదే జరిగితే మాత్రం ఆడియన్స్ కి మరోసారి ఐ ఫీస్ట్ అన్నట్టే. యానిమల్ తర్వాత సందీప్ వంగతో పనిచేసేందుకు బాలీవుడ్ స్టార్స్ కూడా ఆసక్తిగా ఉన్నారని తెలుస్తుంది. అయితే సందీప్ సినిమాల లైనప్ చాలా పెద్దగా ఉండటం వల్ల వారి ఆఫర్ ని కాదనాల్సి వస్తుందట. అర్జున్ రెడ్ది, యానిమల్ రెండు సినిమాలు విధ్వంసాలే అన్నట్టు చేసిన సందీప్ వంగ రానున్న సినిమాలతో ఇంకెంత ప్లానింగ్ తో వస్తున్నాడన్నది ఆడియన్స్ కి ఆసక్తి కలిగేలా చేస్తుంది.