బ్రహ్మానందం యానిమల్ అయితే అంతేగా
అతడు నేటిత‌రంలా నెట్టింట్లో చురుగ్గా లేడు కానీ అతడికి సంబంధించిన మీమ్స్ చాలా వైరల్‌గా మారాయి.
By: Tupaki Desk | 9 Dec 2023 4:42 PM GMT
'యానిమల్'లో బ్రహ్మానందం హీరో అయితే.. ఊహించుకోవ‌డానికే త‌మాషాగా ఉంది క‌దూ? కానీ ఇక్క‌డ బ్రహ్మానందం ఇన్ అండ్ యాజ్ `యానిమల్` మూవీకి సంబంధించిన స్పూఫ్ వీడియో సంచ‌ల‌నంగా మారింది.
సోషల్ మీడియాలో హాస్య న‌టుడు బ్రహ్మానందానికి ఉన్న క్రేజ్ గురించి ప్రత్యేకంగా చెప్పనక్కర్లేదు. అతడు నేటిత‌రంలా నెట్టింట్లో చురుగ్గా లేడు కానీ అతడికి సంబంధించిన మీమ్స్ చాలా వైరల్‌గా మారాయి. సినిమాపైనే కాదు ఏ టాపిక్ ట్రెండింగ్ అయినా బ్రహ్మానందంపై మీమ్స్ రెడీ అవ్వాల్సిందే. బ్ర‌హ్మీ ఎంట్రీ ఇస్తే చాలు.. సీరియస్ టాపిక్ అయినా.. పగలబడి నవ్వుతాం. అది అత‌డి ప్ర‌త్యేక‌త.
ప్ర‌పంచంలోనే అరుదైన క‌మెడియ‌న్ గా పాపుల‌రైన గిన్నిస్ బుక్ హోల్డ‌ర్ బ్రహ్మానందంకు సంబంధించిన ఓ స్పూఫ్ వీడియో సోషల్ మీడియాలో వైరల్ అవుతోంది. ఇది `యానిమల్` సినిమాకు సంబంధించిన స్పూఫ్ వీడియో. రణబీర్ కపూర్- రష్మిక జంటగా నటించిన యానిమల్ చిత్రం డిసెంబర్ 1న విడుదలైంది. తొలిరోజు పాజిటివ్ రివ్యూలు అందుకొని విమర్శకుల ప్రశంసలు అందుకుంది. ప్రస్తుతం ఈ సినిమా బాక్సాఫీస్‌ను షేక్ చేస్తోంది. ఇప్పటికే రూ. 600 కోట్లకు పైగా వసూలు చేసింది.
ఈ చిత్రంలో రణబీర్ కపూర్, అనిల్ కపూర్ తండ్రీకొడుకులుగా నటించారు. ఈ సినిమా ట్రైలర్‌లో రణబీర్‌తో కాకుండా బ్రహ్మీతో ఓ వీడియోను రూపొందించారు. బ్రహ్మానందం నటించిన చాలా సినిమాల్లోని సన్నివేశాల్లో బిట్స్‌ని దీనికోసం ఉపయోగించారు. అనిల్ కపూర్ పాత్రకు బదులుగా నాజర్‌ని చూపించారు. బ్రహ్మానందం, నాజర్‌లు తండ్రీకొడుకులైతే.. యానిమల్ సినిమా ఇలాగే ఉంటుందని సోషల్ మీడియాలో వీడియో షేర్ చేశారు. యానిమల్ లోని కొన్ని సన్నివేశాలకు తగ్గట్టుగా బ్రహ్మానందం సినిమాల్లోని సీన్స్‌ని సెట్‌ చేసుకున్నారు. దీన్ని ఎవరు సృష్టించారో కానీ వీడియో అందరినీ నవ్విస్తోంది. ఈ వీడియో చూసి మీరు కూడా క‌డుపుబ్బా నవ్వుకోవ‌చ్చు. బ్రహ్మానందం యానిమల్ అయితే అంతేగా! అంటూ ఈ వీడియోని చూసిన చాలా మంది ఫ‌న్ ని క్రియేట్ చేస్తున్నారు.
