కొడుకు బ‌ర్త్ డేలో ప్ర‌త్య‌క్ష‌మైన‌ ఇలియానా భ‌ర్త‌

అందాల క‌థానాయిక‌ ఇలియానా డిక్రూజ్ ర‌హ‌స్యంగా విదేశీ ప్రియుడు మైఖేల్ డోల‌న్‌ తో డేటింగ్ చేసిన సంగ‌తి తెలిసిందే. 2023లో ఈ జంట‌కు కోవా పీనిక్స్ జ‌న్మించాడు. ఇప్పుడు ఇలియానా కుమారుడు కోవా ఫీనిక్స్ డోలన్ తన మొదటి పుట్టినరోజును జరుపుకోగా.. ఈవెంట్ నుంచి కొన్ని ఫోటోలు అంత‌ర్జాలంలోకి వ‌చ్చాయి.

ఇన్‌స్టాగ్రామ్‌లో ఇలియానా తన భ‌ర్త‌ మైఖేల్ డోలన్, వార‌సుడు కోవా ఇద్ద‌రితో ఉన్న‌ప్ప‌టి ఫోటో ఒక‌టి షేర్ చేయ‌గా అది వైర‌ల్ గా మారింది. ఈ ఫోటోలో ఇలియానా ప్రింటెడ్ బ్లూ డ్రెస్ ధరించగా, మైఖేల్ తెల్లటి షర్ట్- ప్యాంటులో కనిపించాడు. కోవా కెమెరా నుండి దూరంగా చూస్తూ కనిపించాడు.

ఇలియానా 1ఆగస్ట్ 2023న కోవా ఫీనిక్స్ డోలన్ అనే మగబిడ్డకు జ‌న్మ‌నిచ్చారు. అప్పటి నుండి తన సోషల్ మీడియా ల్లో చిన్నారి కోవాకు సంబంధించిన ఫోటోలు వీడియోల‌ను షేర్ చేస్తూ అందరి హృదయాలను దోచుకుంటోంది. ఆగ‌స్టు 1తో ఇలియానా కుమారునికి ఒక సంవత్సరం నిండింది. బ‌ర్త్ డే వేడుక నుంచి తాజాగా కొన్ని ఫోటోల‌ను ఇల్లీ షేర్ చేసింది.

ఈ పోటోల్లో చిన్నారి కోవా పుట్టినరోజు వెన్యూ డెకరేష‌న్స్ ని పరిశీలిస్తున్నప్పుడు కెమెరా కంటికి చిక్కాడు. కోవా వెన్యూ వ‌ద్ద ఆట‌లు ఆడుకుంటున్న ఈ ఫోటోలు ఎంతో క్యూట్ గా ల‌వబుల్గా క‌నిపిస్తున్నాయి. అతడు టేబుల్‌పై కూర్చుని లేదా ఆ చోటు అంతా క‌లియ‌తిరుగుతూ క‌నిపించాదు. కోవా తల్లిదండ్రులు అతని వెనుక నిలబడి ఉన్నారు. అంతేకాదు కోవాను ఇలియానా ప్రేమ‌గా సాకుతున్న ఫోటోలు హృదయాలను గెలుచుకుంటున్నాయి.

ఇక కెరీర్ మ్యాట‌ర్ కి వ‌స్తే ఇలియానా ది బిగ్ బుల్ త‌ర్వాత చెప్పుకోద‌గ్గ సినిమాలో న‌టించ‌లేదు. ఇటు తెలుగు త‌మిళంలో అవ‌కాశాల కోసం ప్ర‌య‌త్నించినా ఆశించ‌న‌వేవీ ద‌క్క‌లేదు. ప్ర‌స్తుతం ఎక్కువ స‌మ‌యాన్ని త‌న కోవా ఆల‌నా పాల‌నా చూసుకునేందుకు విలువైన స‌మ‌యాన్ని కేటాయిస్తోంది.