పవన్ మూవీ గురించి బాలీవుడ్‌ స్టార్‌ కామెంట్స్‌

పవన్ కళ్యాణ్ ప్రస్తుతం చేస్తున్న సినిమా ల్లో 'ఓజీ' సినిమా ఒకటి అనే విషయం తెల్సిందే. సాహో సుజీత్ దర్శకత్వంలో రూపొందుతున్న ఈ సినిమా లో పవన్ కళ్యాణ్ ను విభిన్నమైన పాత్రలో చేయబోతున్నట్లుగా మేకర్స్ నమ్మకంగా చెబుతున్నారు. మాఫియా బ్యాక్‌ డ్రాప్ తో ఈ సినిమాను రూపొందిస్తున్నట్లుగా ఇప్పటికే క్లారిటీ వచ్చింది.

ఇక ఈ సినిమాలో పలువురు ప్రముఖ నటీనటులు కనిపించబోతున్నారు. ముఖ్యంగా బాలీవుడ్‌ స్టార్‌ ఇమ్రాన్‌ హష్మీ మొదటి సారి తెలుగు సినిమా లో ఓజీ ద్వారా కనిపించబోతున్నాడు. సుజీత్ పట్టుబట్టి, కాస్త ఎక్కువ పారితోషికం అయినా పర్వాలేదు అంటూ ఆయనను తీసుకుని వచ్చాడు.. ఈ సినిమాలోని పాత్రకు ఆయనను ఒప్పించాడు అంటూ సమాచారం అందుతోంది

ఓజీ సినిమా గురించి ఇమ్రాన్‌ తాజాగా ఒక మీడియా సంస్థకు ఇచ్చిన ఇంటర్వ్యూలో ఆసక్తికర కామెంట్స్ చేయడం జరిగింది. ఓజీ సినిమా అనేది చాలా ప్రతిష్టాత్మకమైన సినిమాగా సుజీత్ రూపొందిస్తున్నాడు. సినిమా కోసం సుజీత్‌ ఒక విభిన్నమైన ప్రపంచాన్ని క్రియేట్‌ చేశాడు. ఆ ప్రపంచంలో తన పాత్ర చాలా బాగుంటుందనే నమ్మకంను వ్యక్తం చేయడం జరిగింది.

తెలుగు ప్రేక్షకులకు నేను ఎవరో తెలిసి ఉండకపోవచ్చు. కానీ ఈ సినిమా తో కచ్చితంగా నేను వారికి ఎప్పటికీ గుర్తుండి పోతాను అన్నట్లుగా ఇమ్రాన్‌ హష్మీ ధీమా వ్యక్తం చేశాడు. ఈ సినిమా లో పవన్ కు జోడీగా ప్రియాంక అరుల్‌ మోహన్‌ నటిస్తోంది. దానయ్య ఈ సినిమా ను భారీ బడ్జెట్‌ తో నిర్మిస్తున్న విషయం తెల్సిందే.