వైజాగ్..విజ‌య‌వాడ‌లో సేనాప‌తి వేట!
విశ్వ‌న‌టుడు క‌మ‌ల్ హాస‌న్-శంక‌ర్ కాంబినేష‌న్ లో భారీ అంచ‌నాల మ‌ధ్య `భార‌తీయుడు-2` తెర‌కెక్కుతోన్న సంగ‌తి తెలిసిందే.
By: Tupaki Desk | 8 Nov 2023 6:20 AM GMT
విశ్వ‌న‌టుడు క‌మ‌ల్ హాస‌న్-శంక‌ర్ కాంబినేష‌న్ లో భారీ అంచ‌నాల మ‌ధ్య `భార‌తీయుడు-2` తెర‌కెక్కుతోన్న సంగ‌తి తెలిసిందే. ఇప్ప‌టికే రిలీజ్ అయిన ప్ర‌చార చిత్రాలు సినిమాపై అంచ‌నాలు స్కైని ట‌చ్ చేసేలా చేసాయి. క‌మ‌ల్ సేనిపతి లుక్..నాటి సేనాప‌తికి ఏమాత్రం తీసిపోలేదు. లుక్ తోనే సినిమాకి స‌గం హైప్ వ‌చ్చేసింది. అటుపై స్టోరీతో ఎలాంటి మ్యాజిక్ క్రియేట్ చేస్తారు? అన్న‌ది త‌ర్వాత సంగ‌తి.
తాజాగా ఈసినిమా నుంచి ఓ వ‌ర్కింగ్ స్టిల్ ని శంక‌ర్ అభిమానుల‌తో పంచుకున్నారు. సెట్స్ లో శంక‌ర్-క‌మ‌ల్ హాస‌న్ సీన్ వివ‌రిస్తోన్న స‌మ‌యంలో తీసిన పిక్ ఇది. ఇందులో సేనాప‌తి లుక్ లో క‌మ‌ల్ క‌నిపిస్తు న్నారు. తెల్ల పంచె..చొక్కా.. భుజాన ట‌వ‌ల్ ధ‌రించి..హ్యాండ్ బ‌ట‌న్ పెట్టుకుంటోన్న స‌మ‌యంలో తీసిన పిక్ ఇది. ఆ ప‌క్క‌నే శంక‌ర్ సీన్ వివ‌రిస్తున్నారు. ఈ ఫోటోని ఉద్దేశించి శంక‌ర్ ఓ ఇంట్రెస్టింగ్ పోస్ట్ కూడా పెట్టారు.
సేనాప‌తిని తిరిగి తీసుకురావ‌డానికి మీతో మ‌ళ్లీ ప‌నిచేసే అవ‌కాశం రావ‌డం అద్భుతంగా ఉంది. మీరు మమ్మ‌ల్ని అల‌రిస్తూనే ఉంటారని ఆశిస్తున్నాను` అని రాసుకొచ్చారు. క‌మ‌ల్ హాస‌న్ గురించి శంక‌ర్ ఈ మ‌ధ్య కాలంలో చేసిన ఒకే ఒక్క ట్వీట్ ఇది. ఇటీవ‌ల క‌మ‌ల్ హాస‌న్ ప‌లు సినిమాల‌తో ప్రేక్ష‌కుల ముందుకొచ్చారు. కానీ వాటి వేటిని ఉద్దేశించి శంక‌ర్ ఎలాంటి కామెంట్ చేయ‌లేదు. చాలా గ్యాప్ త‌ర్వాత సేనాప‌తి లుక్ ప‌ట్ల తానెంత ఎగ్జైట్ మెంట్ కి గుర‌వుతున్నారు? అన్న‌ది పోస్ట్ ని బట్టి తెలుస్తుంది.
ఇక ఈ సినిమా కొత్త షెడ్యూల్ వ‌చ్చే వారం నుంచి మొద‌లు కానుంది. ఈ షెడ్యూల్ ఏపీలో జ‌ర‌గ‌డం విశేషం. విజ‌య‌వాడ..విశాఖ‌ప‌ట్ట‌ణం ప్రాంతాల్లో రెండు వారాల పాటు ఈ షెడ్యూల్ జ‌ర‌గ‌నుంది. ఇందులో కీల‌క స‌న్నివేశాలు తెలుస్తోంది. క‌మ‌ల్ పాటు ప్ర‌ధాన పాత్ర‌ధారులంతా షెడ్యూల్ లో భాగం కానున్నారు. ఏడాది చివ‌ర‌క‌ల్లా షూటింగ్ పూర్తిచేయ‌నున్న‌ట్లు తెలుస్తోంది. మిగ‌తా ప‌నులు కూడా పూర్తిచేసి వ‌చ్చే ఏడాది రిలీజ్ చేయ‌నున్న‌ట్లు తెలుస్తోంది.
