ఆ బడా సినిమాల మధ్య పోటీ తప్పదా?

కోలీవుడ్ లో పాన్ ఇండియా లెవల్ లో తెరకెక్కుతోన్న రెండు భారీ బడ్జెట్ చిత్రాలు కంగువ, ఇండియన్ 2. శివ దర్శకత్వంలో సూర్య హీరోగా కంగువ మూవీ సిద్ధం అవుతోంది. ఈ సినిమాలో సూర్య వారియర్ గా కనిపిస్తున్నాడు. పీరియాడికల్ జోనర్ లో కంప్లీట్ ఫిక్షనల్ కాన్సెప్ట్ తో ఈ సినిమా తెరకెక్కుతోంది. శంకర్ దర్శకత్వంలో సోషల్ మెసేజ్ తో కమల్ హాసన్ హీరోగా ఇండియన్ 2 తెరకెక్కుతోంది.

ఇండియన్ 2 గతంలో వచ్చిన ఇండియన్ కి సీక్వెల్ గా ఉండబోతోంది. అయితే కంగువ మాత్రం స్ట్రైట్ చిత్రంగా రాబోతోంది. ఈ రెండు సినిమాలపైన తమిళనాట భారీ అంచనాలు నెలకొని ఉన్నాయి. తెలుగు రాష్ట్రాలలో కూడా ఈ ఇద్దరు హీరోలకి మంచి మార్కెట్ ఉంది. కంగువ సినిమాని ఏప్రిల్ 11న రిలీజ్ చేయడానికి మేకర్స్ డిసైడ్ అయ్యారు. త్వరలో ఈ రిలీజ్ డేట్ ని అఫీషియల్ గా ఎనౌన్స్ చేసే అవకాశం ఉంది.

అలాగే ఇండియన్ 2 మూవీని కూడా ఏప్రిల్ లోనే రిలీజ్ చేయాలని శంకర్ ఫిక్స్ అయ్యారు. డేట్ కన్ఫర్మ్ చేయకపోయిన ఏప్రిల్ లో రావడం అయితే పక్కా అని తెలుస్తోంది. అయితే కంగువ, ఇండియన్ 2 సినిమాలు రెండు ఒకేసారి రిలీజ్ అయితే మాత్రం బిగ్ ఫైట్ కచ్చితంగా ఉంటుందని ఇండస్ట్రీ వర్గాలలో వినిపిస్తోంది. ఒక వేళ వాయిదా పడిన వారం రోజుల గ్యాప్ లోనే అవ్వొచ్చని అనుకుంటున్నారు.

ఇప్పటికే ఏప్రిల్ లో టాలీవుడ్ నుంచి దేవర, ఓజీ సినిమాలు అయ్యే అవకాశాలు ఉన్నాయి. ఓజీ సంగతి క్లారిటీ లేకపోయినా దేవర అయితే ఏప్రిల్ రిలీజ్ పక్కా. మరికొన్ని పెద్ద సినిమాలు ఆ నెలలోనే ప్రేక్షకుల ముందుకి రావడానికి రెడీ అవుతున్నాయి. ఒక వేళ అలా వస్తే మాత్రం పాన్ ఇండియా బ్రాండ్ కారణంగా ఈ సినిమాల మధ్య గట్టిపోటీ ఉండే అవకాశం ఉంది.

అదే జరిగితే ఏ సినిమాకి రికార్డ్ స్థాయిలో ఓపెనింగ్స్ రాకపోవచ్చు. అలాగే పెద్ద సినిమాలు థియేటర్స్ తో పాటు కలెక్షన్స్ ని పంచుకుంటాయి. అప్పుడు సినిమా హిట్ టాక్ తెచ్చుకున్న ఎక్కువ కలెక్షన్స్ ఎక్స్ పెక్ట్ చేయలేని పరిస్థితి నెలకొనే అవకాశం ఉంటుంది.