భారతదేశపు అత్యంత సంపన్న క‌థానాయిక‌

స్టార్ హీరోల ఆదాయంతో పోలిస్తే క‌థానాయిక‌ల ఆదాయం చాలా త‌క్కువ‌. ప‌రిశ్ర‌మ ఏదైనా కానీ ఏలేది హీరోలే. హీరోయిన్ల ముఖ విలువ మార్కెట్ రేంజ్ త‌క్కువ‌. గ్లామ‌ర్ రంగంలో ఇది విచిత్ర‌మైన ప‌రిస్థితి. ఆర్జ‌న ప‌రంగా హీరోల‌కు ధీటుగా హీరోయిన్లు సంపాదించడం అనేది అరుదు. కానీ చాలా మంది నటీమణులు ఇప్పుడు అగ్ర హీరోల‌ కంటే ధనవంతులుగా ఉన్నారు. భారతదేశానికి చెందిన అత్యంత ధనిక నటి నిజానికి తన భర్త కంటే మూడు రెట్లు ధనవంతురాలు. త‌న భ‌ర్త కంటే చాలా మంది హీరోల కంటే పెద్ద స్టార్. త‌న ఆస్తి విలువ ఏకంగా రూ. 862 కోట్లు. హీరో అయిన త‌న‌ భర్త కంటే మూడు రెట్లు ఎక్కువ

రూ. 862 కోట్ల (105 మిలియన్ల డాల‌ర్ల‌కు పైగా) నికర ఆస్తి విలువతో ఐశ్వర్య రాయ్ భారతదేశంలో అత్యంత ధనిక నటిగా ఉన్నారు. చాలామంది త‌న‌ సహచరులు, జూనియర్ల కంటే ధ‌నికురాలు. ఆదాయ ఆర్జ‌న‌లో ద‌శాబ్ధాలు హ‌వా సాగించిన న‌టి. భారతదేశంలోని ఇతర సంపన్న నటీమణులంతా త‌న కంటే చాలా కింది స్థాయిలో ఉన్నారు.

అనేక మిలియన్ డాలర్ల అంతర్జాతీయ బ్రాండ్ డీల్‌లతో పాటు బాలీవుడ్, తమిళ సినిమా, హాలీవుడ్‌లో ఐశ్వ‌ర్యారాయ్ హిట్ సినిమాల్లో న‌టించింది. ఐశ్వర్య ఒక్కో సినిమాకు 10-15 కోట్లు తీసుకుంటుందని సమాచారం. గత సంవత్సరం తమిళ బ్లాక్‌బస్టర్ రెండు భాగాల పొన్నియిన్ సెల్వన్ కోసం 15 కోట్ల రూపాయలు వసూలు చేసింది. బ్రాండ్ షూట్‌ల కోసం రోజుకు 6-7 కోట్లు సంపాదిస్తుంది.

భర్త అభిషేక్ బచ్చన్ కంటే ఐశ్వర్యరాయ్ మూడు రెట్లు ధనవంతురాలు. ఐశ్వర్య రాయ్ రూ. 862-కోట్ల నికర ఆస్తుల‌తో దేశంలో నంబ‌ర్ వ‌న్ హీరోయిన్ గా వెలుగొందుతున్నారు. భారతదేశంలో అత్యంత ధనిక నటిగా మాత్రమే కాకుండా భారతదేశంలోని అనేక మంది హీరోల కంటే ధనవంతురాలిగా హోదాను క‌లిగి ఉన్నారు. తన భర్త అభిషేక్ బచ్చన్ కంటే మూడు రెట్లు ధనవంతురాలు. అభిషేక్ నికర ఆస్తుల‌ విలువ రూ. 280 కోట్లు.

భార‌త దేశ అగ్ర హీరోలు రణబీర్ కపూర్ -రూ. 345 కోట్లు, ప్రభాస్ -రూ. 200 కోట్లు, రణ్‌వీర్ సింగ్ (రూ. 500 కోట్లు) నిక‌ర ఆదాయాల‌ను క‌లిగి ఉన్నారు. వారి కంటే ఐష్ రేంజ్ ఎక్కువ‌. ప్రియాంక చోప్రా-రూ. 650 కోట్లు, అలియా భట్ రూ. 550 కోట్లు, దీపికా పదుకొనే రూ. 500 కోట్లు, కరీనా కపూర్ రూ. 485 కోట్లు, కత్రినా కైఫ్ రూ. 250 కోట్లు, నయనతార రూ. 200 కోట్లు ఆర్జ‌న‌తో మెరుస్తున్నారు. వీరంద‌రి కంటే కూడా ఐశ్వ‌ర్యారాయ్ ఆస్తి విలువ చాలా ఎక్కువ‌.