ఆ హిట్ సాంగ్ ని `విశ్వంభ‌ర`లోనూ ప్లాన్ చేసారా?
మెగాస్టార్ చిరంజీవి పుట్టిన రోజు సంద‌ర్భంగా ఇంద్ర రీ-రిలీజ్ అయిన సంగ‌తి తెలిసిందే.
By: Tupaki Desk | 27 Aug 2024 5:59 AM GMT
మెగాస్టార్ చిరంజీవి పుట్టిన రోజు సంద‌ర్భంగా ఇంద్ర రీ-రిలీజ్ అయిన సంగ‌తి తెలిసిందే. రెండ‌వ‌సారి రిలీజ్ లోనూ సినిమాకి మంచి రెస్పాన్స్ వ‌చ్చింది. విడుద‌లైన అన్ని చోట్లా చిరు అభిమానులు ఇంద్ర‌ని ఆస్వాదించారు. అంతే కాదు పోస్ట‌ర్ల‌కు ఎదురుగా నిలిబ‌డి సెల్పీలు, ఫోటోలు దిగారు. అటుపై వాటిని సోష‌ల్ మీడియా ఖాతాల్లో పోస్ట్ చేసి ఆ నాటి సంగ‌తుల్ని గుర్తు చేసుకున్నారు.
ఇంద్ర మ్యూజిక‌ల్ గా అప్ప‌ట్లో సంచ‌ల‌న హిట్ అయింది. మ‌ణిశ‌ర్మ మ్యూజిక్ అందించిన సినిమాలో అన్ని పాట‌లు చార్ బ్లాస్ట‌ర్ అయ్యాయి. ఇలా సినిమా రీ-రిలీజ్ లోనూ మంచి వ‌సూళ్లు రాబ‌ట్ట‌డం ప‌ట్ల చిరంజీవి సైతం సంతోషం వ్య‌క్తం చేసారు. ఈ సంద‌ర్భంగా మెగా అభిమానుల‌కు ఆనాటి టేస్ట్ ఒక‌టి అందివ్వ బోతున్న‌ట్లు రివీల్ చేసారు. `ఇంద్ర`లో `భం భం భోలే` సాంగ్ మంచి హిట్ అయిన సంగ‌తి తెలిసిందే.
స‌రిగ్గా అలాంటి పాట ఒక‌టి విశ్వంభ‌ర‌లోనూ ఉంటుంద‌ని చిరంజీవి లీక్ చేసారు. క‌థాగ‌మ‌నంగా అలాంటి పాట సినిమాలో ఉంటుంద‌ని తెలిపారు. ద‌ర్శ‌కుడు వ‌శిష్ట అలాంటి పాట కావాల‌ని సంగీత ద‌ర్శ‌కుడు కీర‌వాణిని కోరిన‌ట్లు చిరంజీవి తెలిపారు. కీర‌వాణి కూడా ఇస్తాన‌ని ప్రామిస్ చేసిన‌ట్లు చెబుతున్నారు. మ‌రి కీర‌వాణి కంపోజ్ చేస్తున్న ఆ పాట ఎలా ఉంటుంది? సాహిత్యం ఎలాం ఉంటుంది? అన్న‌ది చూడాలి.
కీర‌వాణి ఇప్ప‌టికే ఎన్నో హిట్ ఆల్బ‌మ్స్ అందించారు. `బాహుబ‌లి`, `ఆర్ ఆర్ ఆర్` లాంటి సినిమాల‌తో పాన్ ఇండియాలోనే ఎంతో ఫేమ‌స్ అయ్యారు. చివ‌రికి నాటు నాటు పాట‌కి ఆస్కార్ కూడా వరించిన సంగ‌తి తెలిసిందే. ఇలా ఇంత గొప్ప ట్రాక్ రికార్డు ఉన్న కీర‌వాణి చిరంజీవి కోసం ఆ మాత్రం చేయ‌లేరా? ఏంటి? ఈ చిత్రాన్ని యూవీ క్రియేషన్స్ భారీ బ‌డ్జెట్ తో నిర్మిస్తోంది. చిరంజీవితో నిర్మించ‌డం ఇదే తొలిసారి. వచ్చే ఏడాది సంక్రాంతి కానుకగా జనవరి 10న గ్రాండ్ గా సినిమా రిలీజ్ అవుతుంది.
