ఎన్టీఆర్‌ 'వార్‌' ఫైట్‌ కంప్లీట్‌.. ఇక వార్‌ సాంగ్‌

ఎన్టీఆర్‌ ఇటీవల దేవర సినిమాతో ప్రేక్షకుల ముందుకు వచ్చాడు. కొరటాల శివ దర్శకత్వంలో రూపొందిన దేవర సినిమా బాక్సాఫీస్‌ వద్ద భారీ వసూళ్లు సాధించడంతో టాలీవుడ్‌ టాప్ 5 చిత్రాల జాబితాలో చేరి పోయింది. దేవర సినిమా సాధించిన వసూళ్లతో నిర్మాతలకు పంట పండిందని విశ్లేషకులు అభిప్రాయం వ్యక్తం చేస్తున్నారు. ఆ విషయం పక్కన పెడితే ప్రస్తుతం ఎన్టీఆర్‌ దేవర నుంచి పూర్తిగా బయటకు వచ్చేసి వార్‌ 2 సినిమా షూటింగ్‌ లో పాల్గొంటున్నాడు. దేవర సినిమా ప్రమోషన్ కార్యక్రమాలు పూర్తి అయిన వెంటనే వార్‌ 2 షూటింగ్‌ కోసం ముంబై వెళ్లిన ఎన్టీఆర్‌ నిన్న మొన్నటి వరకు హృతిక్‌ రోషన్ తో కలిసి భారీ యాక్షన్‌ సీక్వెన్స్ షూట్‌ లో పాల్గొన్నాడు.

వార్‌ 2 నుంచి ఎన్టీఆర్‌ కి సంబంధించిన లీక్ ఫోటో ఒకటి వైరల్‌ అయింది. యాక్షన్ సన్నివేశాల కోసం ఎన్టీఆర్‌ ఎంతగా కష్టపడుతున్నాడో చూపించే విధంగా ఆ ఫోటో ఉంది. ఎన్టీఆర్‌, హృతిక్ రోషన్‌ ల మధ్య భీకరమైన యాక్షన్‌ సన్నివేశాన్ని చిత్రీకరించిన దర్శకుడు అయాన్ ముఖర్జీ ఇప్పుడు పాట చిత్రీకరణకు సిద్ధం అయ్యాడట. ఇద్దరూ డాన్స్‌ లో కింగ్‌ అని నిరూపించుకున్నారు. గతంలో ఇద్దరి డాన్స్ ల గురించి ఎంతో చర్చ జరిగింది. ఇప్పటికీ వీరిద్దరు కింగ్‌ ఆఫ్ ఇండియన్‌ మూవీ డాన్స్ అనడంలో సందేహం లేదు. అలాంటి ఇద్దరు కలిసి ఒకే పాటకు సింగిల్‌ ఫ్రేమ్‌ లో డాన్స్ లు చేస్తే ఎలా ఉంటుందో ప్రత్యేకంగా చెప్పనక్కర్లేదు.

ప్రస్తుతం వార్‌ 2 కి సంబంధించిన పాట చిత్రీకరణకు ఏర్పాట్లు జరుగుతున్నాయని, భారీ సెట్‌ లో ఈ పాట చిత్రీకరణ ఉంటుందని మేకర్స్‌ చెబుతున్నారు. ఎన్టీఆర్‌, హృతిక్ రోషన్ ఇప్పటికే పాట కోసం ప్రాక్టీస్ మొదలు పెట్టారట. ప్రముఖ కొరియోగ్రాఫర్‌ ఈ పాటకు కొరియోగ్రపీ అందిస్తున్నారు. మూడు రోజుల పాటు పాట చిత్రీకరణ చేసే విధంగా దర్శకుడు అయాన్ ముఖర్జీ ప్లాన్‌ చేశారట. ఈ సినిమాకి యాక్షన్ సీక్వెన్స్‌లతో పాటు వీరిద్దరు కలిసి చేస్తున్న పాటలోని డాన్స్ హైలైట్‌ గా నిలుస్తుందని మేకర్స్ చెబుతున్నారు. యశ్‌ రాజ్‌ ఫిల్మ్స్ బ్యానర్‌ లో రూపొందుతున్న ఈ ప్రతిష్టాత్మక మూవీ వచ్చే ఏడాది ఆగస్టు 15న ప్రేక్షకుల ముందుకు రాబోతుంది.

ఎన్టీఆర్‌ ఆర్‌ఆర్ఆర్ సినిమా తర్వాత పాన్ ఇండియా స్థాయిలో మంచి క్రేజ్‌ ను దక్కించుకున్నారు. ఆ క్రేజ్ డబుల్‌ అయ్యే విధంగా దేవర ఉంటుందని అంతా భావించారు. కానీ నార్త్‌ లో దేవర సినిమా ప్రభావం ఎక్కువ చూపించలేదు. అందుకే వార్‌ 2 తో ఎన్టీఆర్‌ మరోసారి ఉత్తర భారతంను షేక్ చేయడం ఖాయం అనే అభిప్రాయంను ఇండస్ట్రీ వర్గాల వారు వ్యక్తం చేస్తున్నారు. సోషల్‌ మీడియాలో వార్‌ 2 కి సంబంధించిన ఏ చిన్న అప్‌డేట్‌ వచ్చినా దేశ వ్యాప్తంగా వైరల్‌ అవ్వడం మనం చూస్తూ ఉన్నాం. ఒక వైపు వార్‌ 2 లో నటిస్తూనే మరో వైపు ప్రశాంత్‌ నీల్‌ సినిమాకు సైతం గ్రీన్‌ సిగ్నల్‌ ఇచ్చిన ఎన్టీఆర్‌ వచ్చే ఏడాదిలో ఆ సినిమాను సెట్స్ పైకి తీసుకు వెళ్లబోతున్నారు. 2026 లో ఎన్టీఆర్, ప్రశాంత్‌ నీల్‌ కాంబో మూవీ విడుదల అయ్యే అవకాశాలు ఉన్నాయి.