రాజధాని కోసం డాకు మహరాజ్!

నందమూరి బాలకృష్ణ హీరోగా బాబీ దర్శకత్వంలో తెరకెక్కుతోన్న మూవీ ‘డాకు మహారాజ్’ సంక్రాంతి రేసులో ప్రేక్షకుల ముందుకి రాబోతోంది. పీరియాడికల్ జోనర్ లో రియల్ లైఫ్ బందిపోటు దొంగ కథతో ఈ సినిమాని బాబీ సిద్ధం చేస్తున్నారు. సితార ఎంటర్టైన్మెంట్స్ ఈ సినిమాని భారీ బడ్జెట్ తో నిర్మించింది. ఇదిలా ఉంటే ఈ మూవీ పైన భారీ అంచనాలు నెలకొని ఉన్నాయి. ఇప్పటికే మూవీ టీజర్ ప్రేక్షకుల ముందుకొచ్చింది.

ఈ సినిమాలో ఊర్వశీ రౌతేలా, చాందిని చౌదరి, ప్రగ్యా జైస్వాల్ కీలక పాత్రలలో కనిపించబోతున్నారు. ‘వాల్తేరు వీరయ్య’ లాంటి బ్లాక్ బస్టర్ తర్వాత బాబీ చేస్తోన్న ఇదే కావడం విశేషం. ఇదిలా ఉంటే త్వరలో ఈ మూవీ ప్రమోషన్స్ ని మేకర్స్ స్టార్ట్ చేయబోతున్నారు. ఇక ‘డాకు మహారాజ్’ మూవీ ప్రీరిలీజ్ ఈవెంట్ ని అమరావతిలో నిర్వహించాలని ప్లాన్ చేస్తున్నారు. ఏపీ రాజధానిగా అమరావతిని డెవలప్ చేసే ప్రయత్నంలో కూటమి ప్రభుత్వం ఉంది.

అలాగే అమరావతి బ్రాండ్ ని మరింతగా ఎస్టాబ్లిష్ చేయాలని అనుకుంటున్నారు. ఈ నేపథ్యంలో నిర్మాత నాగవంశీ కూడా ‘డాకు మహారాజ్’ ప్రీరిలీజ్ ఈవెంట్ ని నిర్వహించడం ద్వారా అమరావతి బ్రాండింగ్ ప్రమోషన్ లో భాగస్వామ్యం కావాలని అనుకుంటున్నట్లు టాక్ వినిపిస్తోంది. అక్కడ నిర్వహిస్తే పవన్ కళ్యాణ్, చంద్రబాబుని ఈ ఈవెంట్ కి చీఫ్ గెస్ట్స్ గా తీసుకురావొచ్చని భావిస్తున్నారు.

అలాగే బాలకృష్ణ కూడా టీడీపీ ఎమ్మెల్యేగా కూటమి ప్రభుత్వంలో భాగమై ఉన్నారు. అమరావతిలో ‘డాకు మహారాజ్’ ప్రీరిలీజ్ ఈవెంట్ నిర్వహిస్తే పవన్, చంద్రబాబు, బాలయ్యని ఒకే స్టేజ్ పైన చూసే అవకాశం ఉంటుందని కొన్ని కామెంట్స్ వినిపిస్తున్నాయి. కానీ ఇది సాధ్యమయ్యే అవకాశాలు తక్కువ. ఒకవేళ నిజమైతే అది సినిమాకి అదనపు అడ్వాంటేజ్ అవుతుందని మేకర్స్ భావిస్తున్నారు. ఇది సక్సెస్ అయితే భవిష్యత్తులో మరింత మంది అమరావతిలో ప్రీరిలీజ్ ఈవెంట్స్ నిర్వహించడానికి ముందుకొచ్చే అవకాశం ఉంటుంది.

ఇదిలా ఉంటే ‘డాకు మహారాజ్’ మూవీ పోస్ట్ ప్రొడక్షన్ దశలో ఉంది. ఈ నెల ఆఖరులో మూవీ ప్రీరిలీజ్ కి సంబంధించి అప్డేట్ ని మేకర్స్ ఇచ్చే ఛాన్స్ ఉందని టాక్ వినిపిస్తోంది. ఇక బాలయ్య ప్రస్తుతం బోయపాటి శ్రీను దర్శకత్వంలో ‘అఖండ 2’ మూవీ చేస్తున్నారు. ఈ మూవీ షూటింగ్ త్వరలో ప్రారంభం కాబోతున్నట్లు తెలుస్తోంది. సంక్రాంతి రేసులో ఈ ఏడాది రామ్ చరణ్ ‘గేమ్ చేంజర్’, బాలయ్య ‘డాకు మహారాజ్’ పోటీ పడుతున్నాయి. ఈ రెండింటిలో ఏది సంక్రాంతి విన్నర్ ఆవుతుందనేది చూడాలి.