2028 లోనే సుక్కు.. చరణ్..?

పుష్ప 1 తో పాన్ ఇండియా హిట్ అందుకున్న డైరెక్టర్ సుకుమార్ పుష్ప 2 ని పూర్తి చేసే పనుల్లో బిజీ బిజీగా ఉన్నాడు. చూస్తుంటే పుష్ప 2 రిలీజ్ ముందు రోజు వరకు ఆ సినిమా కోసం సుక్కు వర్క్ చేసేలా ఉన్నాడు. పాన్ ఇండియా లెవెల్ లో పుష్ప 2 కి వచ్చిన బజ్ కి తగినట్టుగా సినిమాను ఉంచాలని సుకుమార్ గట్టి ప్రయత్నాలు చేస్తున్నాడు. అందుకే డే అండ్ నైట్ కష్టపడుతున్నాడని తెలుస్తుంది. సినిమా రిలీజ్ కు ఇంకా 8 రోజులు మాత్రమే ఉండగా మంగళవారం సినిమా చివరి రోజు షూట్ కంప్లీట్ చేశారు. సో కంప్లీట్ ఎడిటింగ్ చేసి సినిమా సెన్సార్ చేయించి ఫస్ట్ కాపీ రెడీ చేయాలి.. ఇదంతా ఒక వారం లోనే చేయాల్సి ఉంది.

పుష్ప 2 కోసం 3 ఏళ్లుగా కష్టపడుతున్న సుకుమార్ సినిమా రిలీజ్ తర్వాత ఒక 6 నెలలు గ్యాప్ తీసుకునే ఛాన్స్ ఉంది. ఐతే తన నెక్స్ట్ సినిమా గ్లోబల్ స్టార్ చరణ్ తో ఫిక్స్ చేసుకున్నాడు సుకుమార్. సో సుకుమార్ చరణ్ మళ్లీ కలిసి మరో సినిమా చేయనున్నారు. చరణ్ సినిమాకు సంబందించిన కథా చర్చలతో 6 నెలలు టైం వెచ్చించాలని చూస్తున్నట్టు తెలుస్తుంది. ఆ తర్వాత ఆ సినిమా ప్రీ ప్రొడక్షన్ వర్క్ మొదలవుతుంది.

ఐతే చరణ్ ఈలోగా బుచ్చి బాబుతో సినిమా చేస్తున్నాడు. బుచ్చి బాబు సినిమా కూడా భారీ బడ్జెట్ తో వస్తుంది కాబట్టి ఈ సినిమా విషయంలో కూడా చాలా కేర్ తీసుకునే అవకాశం ఉంది. చరణ్ బుచ్చి బాబు సినిమా 2026 రిలీజ్ అనుకున్నా. ఆ నెక్స్ట్ సుకుమార్ చరణ్ సినిమాకు మరో ఏడాది షూటింగ్ పట్టే అవకాశం ఉంది. రాజమౌళి తర్వాత సినిమాను చాలా టైం తీసుకుని చేసే డైరెక్టర్స్ లో సుకుమార్ ఉంటాడు. అంత టైం తీసుకుంటాడు కాబట్టే సినిమాలు బ్లాక్ బస్టర్ అవుతున్నాయి.

సుకుమార్ చరణ్ ఆల్రెడీ రంగస్థలంతో సెన్సేషనల్ హిట్ అందుకున్నారు. ఈ కాంబో మళ్లీ రిపీట్ అవుతుంది అంటే ఆ సినిమాపై అంచనాలు తారాస్థాయిలో ఉన్నాయి. కచ్చితంగా ఈసారి చరణ్ తో చేసే సినిమా గ్లోబల్ ఆడియన్స్ ని రీచ్ అయ్యేలా ఉంటుందని తెలుస్తుంది. 2025 చివర్లో ఈ సినిమా సెట్స్ మీదకు వెళ్లినా రెండేళ్లు టైం పడుతుంది కాబట్టి ఈ సినిమా 2027 లేదా 2028 లో అయినా రిలీజ్ అయ్యే ఛాన్స్ ఉంది.

ఈలోగా చరణ్ బుచ్చి బాబు సినిమా రిలీజ్ చేసేలా ప్లాన్ చేస్తున్నాడు. సుకుమార్ చరణ్ సినిమా మాత్రం నెక్స్ట్ లెవెల్ లో ఉండబోతుందని తెలుస్తుంది. మరి సుక్కు ఈ సినిమాను ఎలా ప్లాన్ చేస్తున్నాడు అన్నది చూడాలి.