విదేశీ మోడ‌ల్‌తో యంగ్ హీరో జోరుగా షికార్లు

బాలీవుడ్ స్టార్ హీరో షాహిద్ క‌పూర్ సోద‌రుడు, యువ‌హీరో ఇషాన్ ఖట్టర్ తన అసాధారణ సినిమా ఎంపికలతో పాటు వ్యక్తిగత విష‌యాల‌తోను నిరంత‌రం వార్తల్లో నిలుస్తున్నాడు. ధడక్‌లో జాన్వీ కపూర్‌తో అరంగేట్రం చేసిన ఇషాన్.. `ఖ‌లీ పిలీ` కోస్టార్ అనన్య పాండేతో డేటింగ్ చేస్తున్నట్లు పుకార్లు వచ్చాయి. అయితే వారిద్దరూ ఈ వార్తలను ధృవీకరించలేదు. ఖ‌లీ పిలీ రిలీజ‌య్యాక దారులు వేర‌య్యాయి.

ఆ ఇద్ద‌రూ ఎవ‌రికి వారు కెరీర్ ప‌రంగా బిజీ అయ్యారు. దాంతో అనన్య- ఇషాన్ విడిపోయారని వార్తలు వచ్చాయి. అనంతరం అన‌న్య పాండే పాపుల‌ర్ హీరో ఆదిత్య రాయ్ కపూర్‌తో డేటింగ్ చేస్తున్నట్లు పుకార్లు వచ్చాయి. ఇషాన్ తన లేడీ ల‌వ్ ను చాందినీ బైంజ్ లో కనుగొన్నట్లు వార్త‌లు వ‌చ్చాయి. ఇషాన్ స‌ద‌రు భామ‌తో ప‌లుమార్లు జంట‌గా క‌నిపించాడు. ఇషాన్ ఇటీవల తన బైక్‌పై మిస్టరీ లేడీ చాందీ బైంజ్‌తో కనిపించాడు. ఇంత‌లోనే ఈ జంట ప్రేమలో నిండా మునిగి ఉన్నారని ప్ర‌చారం మొద‌లైంది. చాలా వ‌ర‌కూ ఆ ఇద్ద‌రూ దాగుడు మూత‌లు ఆడేందుకు ఇష్ట‌ప‌డుతున్నారు.. వారిద్దరూ తమ సంబంధాన్ని ఇంకా అధికారికంగా ధృవీకరించలేదు.

అయితే చాందీ బైంజ్ ఎవరు? అంటూ ఇప్పుడు ఆరాలు కొన‌సాగుతున్నాయి. మహమ్మారి సమయంలో బాలీవుడ్‌లో కెరీర్‌ను కొనసాగించడానికి భారతదేశానికి వచ్చిన మలేషియా మోడల్ చాందీ బైంజ్. ఆమె మలేషియా సిరీస్ `గైబ్‌`లో న‌టించింది. భారతదేశంలోని అనేక వాణిజ్య ప్రకటనలలోను న‌టించింది.

కెరీర్ మ్యాట‌ర్ కి వ‌స్తే, ఇషాన్ తదుప‌రి పీరియడ్ డ్రామా `పిప్పా`లో న‌టిస్తున్నాడు. ఈ చిత్రంలో మృణాల్ ఠాకూర్ క‌థానాయిక‌గా న‌టించ‌నుంది. చాందీ బైంజ్ ప్ర‌స్తుతం హిందీ చిత్ర‌సీమ‌లో వెలుగులు ప్ర‌స‌రించేందుకు ఆస‌క్తిగా ఉంది.