తేజా సజ్జా సినిమాలో 'హనుమాన్' ఆయనేనా?

టాలీవుడ్ యంగ్ టాలెంటెడ్ డైరెక్టర్ ప్రశాంత్ వర్మ సినిమాటిక్ యూనివర్స్ లో భాగంగా వస్తున్న ఇండియన్ సూపర్ హీరో మూవీ 'హనుమాన్' వచ్చే సంక్రాంతి కానుకగా విడుదల కాబోతున్న విషయం తెలిసిందే. ఇప్పటికే ప్రమోషనల్ కంటెంట్ తో ఈ మూవీపై ఆడియన్స్ లో భారీ హైప్ క్రియేట్ అయింది తేజ సజ్జా హీరోగా నటించిన ఈ మూవీ ట్రైలర్ ని ఈరోజు రిలీజ్ చేశారు. ఈ ట్రైలర్ ఆడియన్స్ ని ఆకట్టుకోవడంతోపాటు సినిమాపై మరింత క్యూరియాసిటీని పెంచేసింది.

ట్రైలర్ చూసిన చాలామందికి ఈ సినిమా కథ ఎలా ఉండబోతుందో అర్థమైపోయి ఉంటుంది. హనుమాన్ స్టోరీ గురించి సింపుల్ గా చెప్పాలంటే ఓ సాధారణ కుర్రాడికి హనుమంతుడు సూపర్ పవర్ ఇస్తే ఏం జరుగుతుంది? అనేది ఈ సినిమా కథ. అయితే సినిమాలో హనుమంతుడి పాత్ర ఉంటుందని టీజర్, ట్రైలర్స్ లో కొన్ని షాట్స్ చూపించారు. ముఖ్యంగా ట్రైలర్లో హనుమంతుడు ఒక్కసారిగా కళ్ళు తెరిచే షాట్ అయితే గూస్ బంప్స్ తెప్పించింది.

సినిమాలో హీరో పాత్రకి ఎంత ఇంపార్టెన్స్ ఉందో హనుమంతుడి పాత్రకి కూడా అంటే ఇంపార్టెన్స్ ఉంటుందట. అయితే సినిమాకో హనుమాన్ పాత్రలో ఎవరు నటించారనే దాన్ని మాత్రం సస్పెన్స్ గా ఉంచారు.ఇదిలా ఇంతే ఈ సినిమాలో హనుమంతుడి పాత్రని మెగాస్టార్ చిరంజీవి పోషించారని, ఆయనే హనుమాన్ గా కనిపించబోతున్నారనే కామెంట్స్ ఎక్కువగా వస్తున్నాయి.

ఒక విధంగా చూస్తే ఇందులో నిజం లేకపోలేదు. ఎందుకంటే ఈ సినిమాలో హీరోగా నటిస్తున్న తేజా సజ్జా అప్పట్లో చిరంజీవి సినిమాల్లో చైల్డ్ ఆర్టిస్ట్ గా నటించాడు. దానికి తోడు ఈ సినిమా డైరెక్టర్ ప్రశాంతవర్మ మెగాస్టార్ కి అభిమాని. ఇక ఆంజనేయస్వామి అంటే మెగాస్టార్ చిరంజీవికి ఎంతో అభిమానం. జగదేకవీరుడు అతిలోకసుందరి సినిమాలో కొంచంసేపు హనుమంతుడిగా కనిపించాడు చిరు.

అలాగే హనుమాన్ అనే బాలల యానిమేషన్ సినిమాకి కూడా హనుమంతుడి మీద ఉన్న ఇష్టంతో వాయిస్ ఓవర్ ని కూడా ఇచ్చాడు. వీటన్నిటిని బట్టి చూస్తే ఇది నిజమేనేమో అనిపిస్తుంది. ఈ సినిమా క్లైమాక్స్ లో కొన్ని నిమిషాల పాటు హనుమంతుడు దర్శనం ఉంటుందని చెబుతున్నారు. మరి దీనిపై ముందు ముందు మేకర్స్ ఏమైనా అప్డేట్ ఇస్తారేమో చూడాలి.