బాల‌య్య వార‌సుడి కోసం ఖుషీని దించుతున్నారా?

ఎట్ట‌కేల‌కు న‌ట‌సింహ బాల‌కృష్ణ త‌న‌యుడు మోక్ష‌జ్ఞ ఎంట్రీ ఖ‌రారైన సంగ‌తి తెలిసిందే. త‌న‌యుడిని బాల‌య్య యంగ్ మేక‌ర్ ప్ర‌శాంత్ నీల్ చేతుల్లో పెట్టి బాధ్య‌తా నీదేనంటూ సీన్ లోకి వ‌చ్చారు. ఎంతో మంది మేక‌ర్స్ ఉన్నా? బాల‌య్య ఏరికోరి మ‌రీ ప్ర‌శాంత్ నీల్ ని సెల‌క్ట్ చేసుకున్నారు. అత‌డి ట్యాలెంట్ నిమెచ్చి ఇచ్చిన అవ‌కాశం. ప్రశాంత్ వ‌ర్మ `హ‌నుమాన్` తో పాన్ ఇండియాలో సంచ‌ల‌నం సృష్టించ‌డం తోనే ఇదంతా సాధ్య‌మైంది.

మ‌రి మోక్ష‌జ్ఞ‌ని వెండి తెరపై ఎలా ఆవిష్క‌రిస్తాడు? అన్న‌ది చూడాలి. బాల‌య్య అభిమానులు మాత్రం ఎంతో ఎగ్జైట్ మెంట్ తో ఎదురు చూస్తున్నారు. ఇదంతా ఒకే. మ‌రి మోక్ష‌జ్జ హీరోయిన్ సంగ‌తేంటి? అంటే ఇదీ చిన్న విష‌యం కాదు. నంద‌మూరి వార‌సుడు కాబ‌ట్టి ప్ర‌తీ విష‌యంలో పిన్ టూ పిన్ జాగ్ర‌త్త‌లు త‌ప్ప‌నిస‌రి. హీరోయిన్ ఎంపిక అంటే ఎన్నో విష‌యాలు ప‌రిగ‌ణ‌లోకి తీసుకోవాల్సి ఉంటుంది.

అలా ఆలోచించిన ప్ర‌శాంత్ నీల్...మోక్ష‌జ్ఞ‌కి జోడీగా ఖుషీ క‌పూర్ అయితే ఎలా ఉంటుంది? అన్న ప్ర‌పోజ‌ల్ బాల‌య్య ముందుకు తీసుకెళ్లిన‌ట్లు లీకులందుతున్నాయి. ఈ ప్ర‌పోజ‌ల్ కి బాల‌య్య కూడా పాజిటివ్ గా స్పందించారుట‌. ఇదే నిజ‌మైతే ఖుషీకి సైతం టాలీవుడ్ నుంచి ఇది అవ‌కాశమే అవుతుంది. ఇప్ప‌టికే బాల‌వుడ్ లో `ది అర్చీస్` లో న‌టించింది. కానీ హీరోయిన్ గా మాత్రం క‌ర‌ణ్ జోహార్ బ్యాన‌ర్ లోనే లాంచ్ అవుతుంది. ఖుషీతో క‌ర‌ణ్ డెబ్యూని స్పెష‌ల్ గా ప్లాన్ చేసి దించుతున్నారు.

స‌రిగ్గా ఇదే స‌మ‌యంలో టాలీవుడ్ డెబ్యూ సైతం ప్రతిష్టాత్మ‌క సినిమా అయితే అంత‌కు మించిన ల‌క్కీ గాళ్ల్ ఎవ‌రుంటారు? ప్ర‌స్తుతం ఈ విష‌యంపై మేక‌ర్స్ ఖుషీ క‌పూర్ తండ్రి బోనీక‌పూర్ తో చ‌ర్చ‌లు జ‌రుపు తున్న‌ట్లు స‌మాచారం. కాంబినేష‌న్ సెట్ అయితే గ‌నుక వెండి తెరపై మోక్ష‌జ్ఞ‌, ఖుషీ క‌పూర్ జోడీ ఎంతో అందంగా ఉంటుంది. ఇప్ప‌టికే సిస్ట‌ర్ జాన్వీ క‌పూర్ `దేవ‌ర‌`తో టాలీవుడ్ లో లాంచ్ అవుతోన్న సంగ‌తి తెలిసిందే.