ప్రాజెక్ట్ మొదలయ్యే దాకా డౌట్లు తప్పవా..?

సినిమాలో తను తెసుకునే రెమ్యునరేషన్ కి పూర్తి స్థాయిలో న్యాయం చేసే హీరోయిన్స్ లో బుట్ట బొమ్మ పూజా హెగ్దే ఒకరు. అమ్మడు సినిమాలో ఉంది అంటే గ్లామర్ విషయంలో ఎలాంటి ఢోకా లేదని అనిపిస్తుంది. చేసేది ఎలాంటి పాత్ర అయినా పూజా బేబీ చేసే థై షో కుర్రాళ్లకు సూపర్ కిక్ ఇస్తుంది. తెలుగులో చేసిన ఫస్ట్ రెండు సినిమాలు పెద్దగా ఆడకపోయినా అల్లు అర్జున్ తో చేసిన దువ్వాడ జగన్నాథం తో అమ్మడు పాపులారిటీ సంపాదించింది. అప్పటి నుంచి రాధే శ్యాం వరకు వరుసగా స్టార్ సినిమాల్లో నటిస్తూ సత్తా చాటింది.

ఐతే రాధే శ్యాం సూపర్ హిట్ అయితే ఏమో కానీ అది నిరాశ పరచడం అమ్మడి కెరీర్ మీద ఎఫెక్ట్ పడేసింది. అటు తమిళ్ లోనూ బీస్ట్ దెబ్బ కొట్టింది. అందుకే పూజాకి ఆఫర్లు కరువయ్యాయి. మహేష్ గుంటూరు కారం సినిమాలో మొదట హీరోయిన్ గా ఓకే అనుకున్నా ఎందుకో చివర్లో ఆమెను తీసి శ్రీలీలని పిక్ చేసుకున్నారు. ప్రస్తుతం తెలుగులో ఛాన్స్ వస్తే మళ్లీ తన టాలెంట్ చూపించాలని చూస్తుంది పూజా హెగ్దే.

నాగ చైతన్యతో విరూపాక్ష డైరెక్టర్ కార్తీక్ దండు చేస్తున్న సినిమాలో పూజా హెగ్దే నటిస్తుందని టాక్ ఉంది. పూజాతో ఒక లైలా కోసం సినిమా చేసిన నాగ చైతన్య మళ్లీ ఇన్నాళ్లకు జత కడుతున్నాడు. ఐతే పూజాకి నిజంగానే ఆ సినిమా ఆఫర్ వచ్చిందా ఇది కూడా అన్ని సినిమాల్లానే ఒక గాలి వార్తా అన్నది తెలియాల్సి ఉంది.

పూజా సినిమా న్యూస్ లు అన్నీ ఒకటి అంటే మరోటి జరుగుతుంది. అందుకే చైతన్య సినిమా మొదలయ్యే దాకా పూజాని కన్ఫర్మ్ అని చెప్పడం కష్టం. ఈసారి ఛాన్స్ వస్తే మాత్రం అటు యాక్టింగ్ తోనే కాదు గ్లామర్ షోలో కూడా పూజా బేబీ అదరగొట్టాలని చూస్తుంది. ఇక ఈమధ్యనే సూర్య 44వ సినిమాలో ఛాన్స్ అందుకుంది పూజా హెగ్దే. దీనితో పాటు హిందీలో కూడా ఒక సినిమా చేస్తుంది. తెలుగులో తిరిగి పూజా ఫాం లోకి వస్తే మాత్రం అమ్మడి ఫ్యాన్స్ కి పండగే అని చెప్పొచ్చు. బుట్ట బొమ్మ సినిమాలకు కాస్త గ్యాప్ ఇచ్చినా తన ఫోటో షూట్స్ తో మాత్రం కావాల్సినంత ఎంటర్టైన్మెంట్ అందిస్తుంది. పూజా ఫోటో షూట్స్ ఆమె అభిమానులకు కన్నుల విందు కలిగిస్తుంది.