ర‌ష్మిక ఆ భామ‌నే ఫాలో అవుతోందా

నేష‌న‌ల్ క్ర‌ష్ బ్యూటీ ర‌ష్మిక మంద‌న్నా .. లేడీ సూప‌ర్ స్టార్ స్ట్రాట‌జీని ఫాలో అవుతుందా? ప్లానింగ్ అంతా ఆమె ద‌గ్గ‌ర నుంచే కాపీ కొడుతుందా? అంటే అవున‌నే తెలుస్తోంది. లేడీ సూప‌ర్ స్టార్ న‌య‌న‌తార కెరీర్ బ్యాలెన్స్ ముందుకు తీసుకెళ్తోన్న సంగ‌తి తెలిసిందే. త‌మిళ్ మిన‌హా ఏ భాష‌లోనూ సినిమాలు చేయ‌కుం డా కేవ‌లం అక్క‌డే రెండు ర‌కాల సినిమాలు చేస్తోంది. ఓవైపు హీరోల‌తో క‌మ‌ర్శియ‌ల్ చిత్రాలు చేస్తూనే మరోవైపు లేడీ ఓరియేంటెడ్ చిత్రాల్లోనూ న‌టిస్తోంది.

నాలుగేళ్ల‌గా అమ్మ‌డు ఇదే స్ట్రాట‌జీని అనుస‌రిస్తుంది. ఈ మ‌ధ్య‌నే `జ‌వాన్` తో బాలీవుడ్ లోనూ అడుగు పెట్టింది. అక్క‌డ కొత్త అవ‌కాశాలు వ‌స్తున్నాయి. ఈ నేప‌థ్యంలో స్ట్రాట‌జీ మారుస్తుందా? కొత్త ప్లానింగ్ ఏదైనా చేస్తుందా? అన్న‌ది చూడాలి. అయితే ఈ విష‌యంలో న‌య‌న‌తార స్ట్రాట‌జీని తెలివిగా ఫాలో అవుతుంది ర‌ష్మిక మంద‌న్న‌. అమ్మ‌డు బాలీవుడ్ కి వెళ్లినంత మాత్రాన టాలీవుడ్ ని అశ్ర‌ద్ద చేయ‌లేదు.

రెండు భాష‌ల్ని బ్యాలెన్స్ చేస్తూ సినిమాలు చేస్తోంది. ఇంకా చెప్పాలంటే? న‌య‌న్ కంటే ఇంకాస్త యాక్టివ్ గా ప‌నిచేస్తుంది అనొచ్చు. క‌మ‌ర్శియ‌ల్ సినిమాల‌తో పాటు...లేడీ ఓరియేంటెడ్ చిత్రాలు ఈ మ‌ధ్య‌నే బాగానే ప‌ట్టాలెక్కిస్తుంది. అలాగే కీల‌క‌మైన పాత్ర‌ల్లో న‌టించే ఛాన్స్ వ‌స్తే ఆ ర‌కంగానూ మిస్ చేసుకోవ‌డం లేదు. చిన్న పాత్ర అయినా బ‌లంగా ఉంది అంటే నో అన‌కుండా చేస్తుంది. `సీతారామం`లో హీరోయిన్ కాక‌పోయినా ఆప్రీన్ రోల్ తో ఎంత‌గా క‌నెక్ట్ అయిందో తెలిసిందే.

ఒకేసారి ఇన్ని ర‌కాల పాత్ర‌లు పోషించ‌డం అంటే చిన్న విష‌యం కాదు. ఎంతో క‌మిట్ మెంట్..డెడికేష‌న్ ఉండాలి. ఇవ‌న్నీ రష్మిక‌లో దండీగా ఉన్నాయి. ఫీమేల్ సెంట్రిక్ చిత్రాలు ఇప్పుడిప్పుడే మొద‌లు పెడుతుంది. వాటి ఫ‌లితాలు ఎలా ఉంటాయి? అన్న‌ది చూడాలి. చురుకైన న‌టి. యువ‌త‌ని ఆక‌ర్షించే ల‌క్ష‌ణాలు ఎన్నో ఉన్నాయి. ఆ క్రేజ్ ని తెలివిగా ఎన్ క్యాష్ చేసుకునే స్ట్రాట‌జీ ర‌ష్మిక ద‌గ్గ‌ర ఉంది.