OG తర్వాత సుజిత్ ప్లాన్ అదేనా..?
ఈ సినిమాలో ప్రియాంక అరుల్ మోహన్ హీరోయిన్ గా నటిస్తుండగా థమన్ మ్యూజిక్ అందిస్తున్నారు.
By: Tupaki Desk | 25 Jan 2024 2:45 AM GMT
ప్రభాస్ తో సాహో చేశాక దాదాపు 3, 4 ఏళ్లు గ్యాప్ తీసుకున్న డైరెక్టర్ సుజిత్ ప్రస్తుతం పవన్ కళ్యాన్ తో ఓజీ సినిమా చేస్తున్నాడు. డివివి దానయ్య నిర్మిస్తున్న ఈ సినిమాను సుజిత్ ఫ్యాన్స్ అంచనాలకు ఏమాత్రం తగ్గకుండా తెరకెక్కిస్తున్నట్టు తెలుస్తుంది. ఓజీ ఫస్ట్ గ్లింప్స్ తోనే సినిమా రేంజ్ ఎలాంటిదో రుచి చూపించాడు సుజిత్. ఒక అభిమాన హీరోని ఫ్యాన్స్ ఎలా చూడాలని అనుకుంటాడో అలా సుజిత్ పవన్ కళ్యాణ్ ని చూపించబోతున్నారని తెలుస్తుంది. ఈ సినిమాలో ప్రియాంక అరుల్ మోహన్ హీరోయిన్ గా నటిస్తుండగా థమన్ మ్యూజిక్ అందిస్తున్నారు.
ఈ సినిమాను ఈ ఇయర్ ఎండింగ్ కల్లా రిలీజ్ చేయాలని సుజిత్ ప్లాన్ చేస్తున్నారు. పవన్ సీన్స్ కొన్ని పెండింగ్ ఉండగా మిగతా వర్క్ అంతా కూడా సుజిత్ ఫినిష్ చేస్తున్నట్టు తెలుస్తుంది. ఇక ఇదిలా ఉంటే సుజిత్ OG పూర్తి చేసిన వెంటనే ఎక్కువ గ్యాప్ లేకుండా మరో సినిమా చేసే ప్లానింగ్ లో ఉన్నాడట. ఆల్రెడీ ఆ సినిమాకు కథ రెడీ అయ్యిందట. ఓజీ తర్వాత మరోసారి ప్రభాస్ తో కలిసి సినిమా చేయాలనే ఆలోచనలో ఉన్నాడు సుజిత్.
సాహో చేస్తున్న టైం లోనే ప్రభాస్ కు మరో కథ వినిపించాడట సుజిత్ అయితే ఆ కథ నచ్చిన ప్రభాస్ కలిసి చేద్దామని అన్నాడట. సాహో తర్వాత వరుస పాన్ ఇండియా సినిమాలు చేస్తూ వస్తున్నాడు ప్రభాస్. అయితే ప్రస్తుతం సెట్స్ మీద ఉన్న కల్కి, రాజా సాబ్ పూర్తైతే సలార్ 2 ఒక్కటే ఉంటుంది. స్పిరిట్, హను రాఘవపుడి సినిమాలు ఉన్నాయి. అయితే వాటితో పాటు సుజిత్ సినిమా కూడా లైన్ లో పెడుతున్నాడట.
సాహో సినిమా కమర్షియల్ లెక్కలు ఎలా ఉన్నా బాహుబలి తర్వాత ప్రభాస్ రేంజ్ కి తగినట్టుగా సుజిత్ టేకింగ్ రెబల్ ఫ్యాన్స్ ని మెప్పించింది. ఇక మరోసారి ఈ ఇద్దరు కలిసి సినిమా చేస్తే అది వేరే లెవెల్ లో ఉంటుంది. సాహో తర్వాత ఆఫ్టర్ లాంగ్ గ్యాప్ OG చేస్తున్న సుజిత్ పవన్ సినిమా రిలీజ్ తర్వాత పెద్దగా లేట్ చేయకుండా నెక్స్ట్ సినిమా చేస్తాడని తెలుస్తుంది. OG, ప్రభాస్ సినిమా ఇలా సుజిత్ ప్లానింగ్ చూస్తుంటే ఫ్యాన్స్ కి గూస్ బంప్స్ తెప్పిస్తుంది. పవన్ తర్వాత ప్రభాస్ ఈ రేంజ్ ప్లానింగ్ ఏ స్టార్ డైరెక్టర్ కి కూడా ఉండదని చెప్పొచ్చు.
