సమంతతో డేటింగ్ న్యూస్.. అతని బ్యాక్ గ్రౌండ్ ఏంటంటే..

రాజ్ నిడుమోరు అంటే సినీ ప్రియురాలికి పెద్దగా తెలియకపోవచ్చు. కానీ రాజ్ అండ్ డీకే అంటే వెంటనే గుర్తు పడతారు. బాలీవుడ్ లో టాప్ డైరెక్టర్స్ లలో ఈ దర్శకద్వయం ఉంది. చేసినవి తక్కువ సినిమాలే అయిన కమర్షియల్ గా మంచి సక్సెస్ అందుకున్నారు. సినిమాలు, వెబ్ సిరీస్ ల తో బిజీగా ఉన్నారు. ఓ వైపు దర్శకత్వం వహిస్తూనే మరో వైపు నిర్మాతలుగా కూడా మూవీస్, వెబ్ సిరీస్ లు తెరకెక్కిస్తున్నారు. ఫ్లేవర్స్ అనే హాలీవుడ్ మూవీ మొదటిగా వీరిద్దరూ చేశారు.

అయితే రాజ్ నిడుమోరు గురించి ఇప్పుడు సోషల్ మీడియాలో ఎక్కువగా వెతుకుతున్నారు. అతని బ్యాగ్రౌండ్ ఏంటనేది తెలుసుకోవడానికి ప్రయత్నం చేస్తున్నారు. గత కొద్ది రోజులుగా సోషల్ మీడియాలో స్టార్ హీరోయిన్ సమంత, రాజ్ నిడుమోరు రిలేషన్ లో ఉన్నట్లు గాసిప్స్ వినిపిస్తున్నాయి. ముఖ్యంగా బిటౌన్ లో ఈ ప్రచారం ఎక్కువగా జరుగుతోంది. నాగ చైతన్య, శోభిత నిశ్చితార్ధం తర్వాత సమంత, రాజ్ నిడుమోరు గురించి ఈ ఫేక్ ప్రచారం తెరపైకి వచ్చింది.

మొదట నాగ చైతన్య, శోభిత ప్రేమలో ఉన్నట్లు వార్తలు రాగా అవి నిజం కాకపోవచ్చని కూడా మరిక టాక్ కూడా వచ్చింది. ఆ విషయంలో ఆ ఇద్దరు పెద్దగా స్పందించలేదు. ఇక సమంత , రాజ్ విషయంలో కూడా అదే జరుగుతుందేమో అనేలా ఫేక్ వార్తలు క్రియేట్ చేస్తున్నారు. ఈ నేపథ్యంలో సమంత ఫ్యాన్స్ తో పాటు తెలుగు సినీ ప్రియులు రాజ్ నిడుమోరు గురించి గూగుల్ లో వెతుకుతున్నారు.

రాజ్ నిడుమోరు స్వస్థలం తిరుపతి. అతను శ్రీ వెంకటేశ్వర యూనివర్సిటీలో ఇంజనీరింగ్ చేసి తరువాత సాఫ్ట్ వేర్ జాబ్ కోసం అమెరికా వెళ్లారు. అక్కడ కొంతకాలం ఉద్యోగం చేసిన తర్వాత తన స్నేహితుడు కృష్ణ డీకే తో కలిసి హాలీవుడ్ లో ఫ్లేవర్స్ మూవీ చేశారు. తరువాత హిందీలోకి 99 సినిమాతో అడుగుపెట్టారు. ఈ సినిమా సక్సెస్ కావడంతో బాలీవుడ్ లో కెరియర్ ని కొనసాగిస్తున్నారు.

రాజ్ అండ్ డీకే దర్శకత్వంలో హిందీలో తెరకెక్కిన షార్ ఇన్ ది సిటీ చిత్రాన్ని తెలుగులో శర్వానంద్ హీరోగా డి ఫర్ దోపిడీ పేరుతో రీమేక్ చేశారు. ఈ చిత్రాన్ని రాజ్ అండ్ డీకే నిర్మించారు. ఈ చిత్రం కమర్షియల్ గా సక్సెస్ కాలేదు. నెట్ ఫ్లిక్స్ కోసం తెలుగులో చేసిన సినిమా బండి కరోనా లాక్ డౌన్ టైంలో చాలా మందికి కనెక్ట్ అయ్యింది. ఓవరాల్ గా వీరు 9 సినిమాల వరకు చేశారు.

అలాగే ది ఫ్యామిలీ మెన్ వెబ్ సిరీస్ ని రాజ్ అండ్ డీకే రెండు సిరీస్ లు గా చేసి సూపర్ సక్సెస్ అందుకున్నారు. తరువాత ఫర్జీ, గన్స్ అండ్ గులాబ్స్, సిటాడెల్: హానీ బన్నీ వెబ్ సిరీస్ లు వీరి నుంచి వచ్చాయి. ది ఫ్యామిలీ మెన్ 2, సిటాడెల్ సిరీస్ లలో సమంత కీలక పాత్రలో నటించింది. ఈ నేపథ్యంలోనే సమంత, రాజ్ నిడుమోరు ప్రేమలో ఉన్నట్లు ఫేక్ ప్రచారం జోరుగా సాగుతోంది.