స్పై భామ సీనియ‌ర్ల‌నూ వ‌ద‌ల‌డం లేదే!

నిఖిల్ హీరోగా న‌టించిన 'స్పై 'తో ప‌రిచ‌య‌మైన ఐశ్వ‌ర్య‌మీన‌న్ సుప‌రిచిత‌మే. అమ్మ‌డు తొలి సినిమాతోనే మంచి పెర్పార్మ‌ర్ గా గుర్తింపు ద‌క్కించుకుంది. కానీ రెండ‌వ ఛాన్స్ అందుకోవ‌డానికి చాలా స‌మ‌యం ప‌ట్టింది. ప్ర‌స్తుతం అమ్మ‌డు 'భ‌జే వాయువేగం' అనే సినిమాలో న‌టిస్తోంది. ఇందులో సొగ‌స‌రి కార్తికేయ‌కు జోడీగా న‌టిస్తోంది. వాస్త‌వానికి అమ్మ‌డికి ఇదే తొలి సినిమా అవ్వాలి. స్పై కంటే ముందు ఈ సినిమాకే సైన్ చేసింది. కానీ ప్రాజెక్ట్ డిలే అవ్వ‌డం స్పై ప‌ట్టాలెక్క‌డం వేగంగా జ‌ర‌గ‌డంతో అదే డెడ్యూ అయింది.

'భ‌జే వాయు వేగం'తో మెప్పించ‌డానికి రెడీగా ఉంది. అలాగే త‌మిళ లోనూ కొంత మంది యంగ్ హీరోల‌తో సినిమాలు చేస్తుంది. ఇలా అమ్మ‌డు త‌న 29 ఏళ్ల వ‌య‌సుకు త‌గ్గ పాత్ర‌లు చేసుకుంటూ వెళ్తోంది? అనుకుంటే మాత్రం పొర‌బ‌డిన‌ట్లే...? ఎందుకంటే యంగ్ హీరోల‌తోనే కాదు సీనియ‌ర్ హీరోల‌తోనూ అమ్మ‌డు రొమాన్స్ సై అంటూ దూసుకుపోతుంది. ఈ నిర్ణ‌యం రీసెంట్ గా తీసుకున్న‌ద‌ట‌. మ‌ల‌యాళం స్టార్ మ‌మ్ముట్టితోనూ ఓ సినిమా చేస్తుందిట‌.

ఇద్ద‌రి వ‌యసు వ్య‌త్యాసం భారీగా ఉన్నా అన్నిర‌కాల పాత్ర‌ల‌తో పాటు..సీనియ‌ర్ల‌తో న‌టిస్తే అదో ప్ర‌త్యేక‌మైన గౌర‌వంగానూ ఉంటుంద‌ని య‌స్ చెప్పిందిట‌. అలాగే త‌మిళ్ లోనూ కొంత మంది సీనియ‌ర్ హీరోల‌తో ప‌ని చేస్తుంద‌ని స‌మాచారం. అయితే ఇత‌ర భాష‌ల మాదిరి టాలీవుడ్ లో సీనియ‌ర్ల‌తో అవకాశాలు అంత ఈజీ కాదు. ఇక్క‌డ స‌క్సెస్ ఉంటేనే సీనియ‌ర్ హీరోల‌కు ప్ర‌మోట్ అవుతారు. కానీ ఐశ్య‌ర్య ఇంకా ఇక్క‌డ ప్రూవ్ చేసుకోలేదు.

'భ‌జే వాయువేగం'తో సక్సెస్ అందుకుని అటుపై మ‌రో రెండు..మూడు విజ‌యాలు అందుకుంటేనే టాలీవుడ్ సీనియ‌ర్ల‌కు ప్ర‌మోట్ అవ్వ‌డానికి అవ‌కాశం ఉంటుంది. ప్ర‌స్తుతం ఐశ్వ‌ర్య కాన్సంట్రేష‌న్ అంతా తెలుగు సినిమాల‌పైనే ఉన్న‌ట్లు తెలుస్తోంది. ఇత‌ర భాష‌ల్లో అవ‌కాశాలు వ‌చ్చినా సెల‌క్టివ్ గా వెళ్తోంది. కంగారు ప‌డి సైన్ చేయడం క‌న్నా ఆచితూచి అడుగులు వేసే క్ర‌మంలో కొన్ని అవ‌కాశాలు వ‌దులుకున్న‌ట్లు ఈ సంద‌ర్భంగా గుర్తు చేసుకుంది.