రష్మికలా చేయడం ఆమెకు సాధ్యపడుతుందా..?

కన్నడ నుంచి వచ్చిన రష్మిక ఇప్పుడు పాన్ ఇండియా లెవెల్ లో దూసుకెళ్తుంది. కన్నడ నుంచి టాలీవుడ్ షిఫ్ట్ అయిన అమ్మడు ఇక్కడ వరుస సినిమాలతో స్టార్ క్రేజ్ తెచ్చుకుంది. ఆ తర్వాత బాలీవుడ్ లో అవకాశాలు అందుకుంది. అక్కడ మొదటి రెండు సినిమాలు పెద్దగా ఆకట్టుకోలేని రష్మిక తెలుగు సినిమా పుష్పతో బీ టౌన్ ఆడియన్స్ ను మెప్పించింది. ఇక రణ్ బీర్ కపూర్ యానిమల్ తో బ్లాక్ బస్టర్ అందుకుంది. యానిమల్ తో బాలీవుడ్ లో రష్మిక పేరు మారు మోగిపోయేలా చేసుకుంది.

యానిమల్ సినిమా కంప్లీట్ గా రణ్ బీర్ కపూర్ వన్ మ్యాన్ షోనే కానీ గీతాంజలి పాత్రలో రష్మిక తన మార్క్ చాటింది. సినిమాలో ఆమె ఉండటం వల్ల సినిమాకు ప్లస్ అయ్యింది. అలా తన ఖాతాలో బ్లాక్ బస్టర్ హిట్ పడింది. యానిమల్ హిట్ తో రష్మిక బాలీవుడ్ లో బిజీ హీరోయిన్ అయ్యింది. ఇక ఇప్పుడు రష్మిక దారిలో వెళ్తా అంటుంది మహానటి కీర్తి సురేష్. సౌత్ లో ఆల్రెడీ స్టార్ క్రేజ్ తెచ్చుకున్న కీర్తి సురేష్ బాలీవుడ్ లో కూడా సత్తా చాటాలని చూస్తుంది.

ఇన్నాళ్లు మలయాళం, తెలుగు, తమిళ సినిమాల్లో రాణించిన కీర్తి సురేష్ కెరీర్ లో ఫస్ట్ టైం హిందీలో బేబీ జాన్ సినిమా చేస్తుంది. తమిళ సూపర్ హిట్ సినిమా తెరికి రీమేక్ గా ఈ సినిమా వస్తుంది. సినిమాలో వరుణ్ ధావన్ హీరోగా నటిస్తున్నాడు. సౌత్ లో ఎక్కువగా కథాబలం ఉన్న పాత్రల్లో నటించి తన అభినయంతో మెప్పించిన కీర్తి సురేష్ బాలీవుడ్ వెళ్లాక నిర్ణయం మార్చుకుందని తెలుస్తుంది.

అమ్మడు అక్కడ గ్లామర్ రోల్స్ కి కూడా సై అనేస్తుందని తెలుస్తుంది. ప్రస్తుతం నేషనల్ వైడ్ గా ట్రెండింగ్ లో ఉన్న రష్మిక బాటలోనే అటు నటన, ఇటు గ్లామర్ రెండిటినీ బ్యాలెన్స్ చేయాలని చూస్తుంది కీర్తి సురేష్. మరి కీర్తి గ్లామర్ షో చేస్తే నెక్స్ట్ లెవెల్ లో ఉంటుంది. అమ్మడు కేవలం బాలీవుడ్ సినిమాల్లోనే గ్లామర్ షో చేస్తుందా లేదా సౌత్ ఆడియన్స్ కు తన అందాలను ప్రదర్శిస్తుందా అన్నది చూడాలి. రష్మిక రూట్ లో కీర్తి కూడా వెళ్తే మాత్రం మహానటి మాయలో పాన్ ఇండియా ఆడియన్స్ పడే ఛాన్స్ ఉంటుంది.