'లియో' సాంగ్ ని జాఫర్ గ్యాంగ్ దులిపేసిందే
తాజాగా 'లియో' సినిమాలో ఓ పాట‌కి త‌న డాన్స్ గ్యాంగ్ తో రీల్ చేసి అల‌రించాడు. అనిరుద్ సంగీతం అందించిన 'బాదాస్' పాట‌కి సాధిక్ అండ్ టీమ్ త‌మ‌దైన మార్క్ స్టెప్పుల‌తో మెప్పించారు.
By: Tupaki Desk | 12 Oct 2023 3:30 PM GMT
కోలీవుడ్ న‌టుడు జాఫర్ సాధిక్ ఇప్పుడెంత ఫేమ‌స్ అన్న‌ది చెప్పాల్సిన ప‌నిలేదు. 'విక్ర‌మ్'..'జైల‌ర్' సినిమాలో బాగా ఫేమ‌స్ అయిన న‌టుడు. సినిమాలో అత‌డు చిన్న స‌న్నివేశంలో క‌నిపించినా! సినిమాకే హైలైట్. జాఫర్ సాదిక్ మరుగుజ్జు అయినప్పటికీ అతని నటన డాన్స్ ప్రేక్షకులను మెప్పించింది. త‌న‌లో ఆ లోపం సినిమాలో అవ‌కాశాలు క‌ల్పిస్తుంది. న‌టుడిగా జాప‌ర్ కి మును ముందు మంచి లైఫ్ ఉంది.
ఇత‌ర భాష‌ల్లోనూ అవ‌కాశాలు అందుకుంటున్నాడు. ఇక సాధిక్ న‌టుడి కంటే ముందు మంచి డాన్స‌ర్. త‌న‌లో ఆస్కిల్ అంత‌వ‌ర‌కూ తీసుకెళ్లింది. డాన్స్ షోస్ లో పాల్గొన‌డం..అక్క‌డ స‌క్సెస్ అవ్వ‌డంతోనే న‌టుడిగా అవ‌కాశాలు వ‌చ్చాయి. న‌టుడిగా బిజీ అయ్యాడ‌ని డాన్సు మాత్రం వద‌ల్లేదు. ప్రియురాలితో క‌లిసి ఇన్ స్టా డాన్స్ కి సంబంధించి రీల్స్ చేస్తూనే ఉంటాడు. ఇప్పుడా యాక్టివిటీ ఇంకా స్పీడ‌ప్ అయింది.
సౌత్ లో బాగా పేమ‌స్ అవ్వ‌డంతో రీల్స్ కూడా ఎక్కువ‌గా చేస్తున్నాడు. ఆర‌క‌మైన పాపులారిటీతోనూ బాగానే సంపాదిస్తున్నాడు. తాజాగా 'లియో' సినిమాలో ఓ పాట‌కి త‌న డాన్స్ గ్యాంగ్ తో రీల్ చేసి అల‌రించాడు. అనిరుద్ సంగీతం అందించిన 'బాదాస్' పాట‌కి సాధిక్ అండ్ టీమ్ త‌మ‌దైన మార్క్ స్టెప్పుల‌తో మెప్పించారు. సాధిక్ త‌న స్పెప్పుల‌తో మ‌రోసారి ప్రోఫెష‌న‌ల్ డాన్స‌ర్ అనిపించాడు.
సాధిక్ డాన్సులో మంచి గ్రేస్...ఎన‌ర్జీ ఉంది. ఆ ప‌క్క‌నే ప్రియురాలు సిద్దిక గ్యాంగ్ లో సింగిల్ లేడీ. అందులో క‌నిపించేది అంతా 20-25 లోపున్న కుర్ర వాళ్లే. ప్ర‌స్తుతం ఈ వీడియో నెట్టింట వైర‌ల్ అవుతుంది. ఇక సాధిక్-సిద్దిక జంట‌గా చాలా వీడియోలు..డాన్సు షోలు చేసారు. ఆ జోడీకి నెట్టింట మంచి పాపులారిటీ ఉంది.
