జగ్గు భాయ్ స్పెషల్ అనేది ఇందుకే..!

ఒకప్పుడు హీరోగా ఫ్యామిలీ ఆడియన్స్ ని మెప్పించిన జగపతి బాబు ప్రస్తుతం ప్రతి నాయకుడిగా ఇంకా సపోర్టింగ్ రోల్స్ చేస్తూ వస్తున్నారు. ఒక దశలో జగపతి బాబు లేని సినిమా లేదు అనేంతగా పాపులారిటీ తెచ్చుకున్నారు. విలన్ గా టర్న్ తీసుకున్నాక పదుల సంఖ్యలో సినిమాలు చేసిన జగపతి బాబు వాటిలో కొన్ని మాత్రమే జాబ్ శాటిస్ఫ్యాక్షన్ ఇచ్చాయి మిగతావన్నీ జేబు శాటిస్ఫ్యాక్షన్ మాత్రమే ఇచ్చాయని అన్నారు.

ఏది చెప్పాలనుకున్నా సరే స్ట్రైట్ గా మనసులో ఉన్నది చెప్పే జగపతి బాబు తన సోషల్ మీడియాలో కూడా తన కామెంట్స్ తో ప్రేక్షకులను అలరిస్తుంటారు. తను తాగే డ్రింక్.. తినే ఫుడ్.. ఇలా ప్రతి విషయాన్ని ఫాలోవర్స్ తో షేర్ చేసుకునే జగపతి బాబు లేటెస్ట్ గా తన ట్విట్టర్ అదే ఎక్స్ ఖాతాలో ఒక వీడియో షేర్ చేశారు. ప్రసాద్ ఐమాక్స్ లో కిడ్స్ జోన్ లో ఉన్న అన్ని ఆటలను ఆడేశారు జగపతి బాబు. పెద్దవాడికి బుల్లి కోరికలు అనే క్యాప్షన్ తో తను ఆడిన ఆటల వీడియో జత చేశారు.

తను ఏం చేసినా మనస్పూర్తిగా ఆస్వాధించడమే తన పని అనేలా ఈ ఏంజ్ లో చిన్నపిల్లల ఆట ఆడుతూ జగపతి బాబు చేస్తున్న హంగామా చూసి ఆయన ఫ్యాన్స్ కూడా ఖుషి అవుతున్నారు. సినిమాల్లో తాను ఎలాంటి పాత్రలు వేసినా తన రియాలిటీ చూపించడంలో ఎలాంటి మొహమాటాలు పడని జగపతి బాబు తన ఫాలోవర్స్ కి మాత్రం ఫుల్ జోష్ అందిస్తున్నారు.

తను చేసే పాత్రలు తనకు బోర్ కొడుతున్నాయని నిర్మొహమాటంగా చెబుతూ వస్తున్న జగ్గు భాయ్ ప్రత్యేకమైన పాత్రలకు ఎప్పుడూ రెడీ అంటుంటారు. తెలుగుతో పాటు, తమిళ, కన్నడ సినిమాల్లో తన మార్క్ నటనతో ఆకట్టుకుంటున్న జగపతి బాబు రాబోయే రోజుల్లో కూడా ఇంకా మరెన్నో పాత్రలు చేసి ప్రేక్షకులను అలరించాలని కోరుతున్నారు. ఈ ఇయర్ గుంటూరు కారం, ఫ్యామిలీ స్టార్ సినిమాల్లో నటించిన జగపతి బాబు ఈమధ్యనే సింబా అనే సినిమాతో వచ్చాడు.

రీసెంట్ గా రవితేజ మిస్టర్ బచ్చన్ సినిమాలో కూడా జగపతి బాబు నటించారు. ప్రస్తుతం పుష్ప 2 లో ఆయన ఇంపార్టెంట్ రోల్ ప్లే చేస్తున్నారు. రాబోయే సినిమాలు.. చేస్తున్న పాత్రలు వీటితో ప్రేక్షకులను మరింత రంజింప చేయాలని చూస్తున్నారు. ఐతే ఛాలెంజింగ్ రోల్స్ కోసం ఎంతో ఆసక్తిగా ఎదురుచూస్తానని ఆంధ్య ఓ ఇంటర్వ్యూలో చెప్పారు జగపతి బాబు.