గ‌తంలో బ్రేక‌ప్.. కానీ మ‌ళ్లీ మాజీతో జాన్వీ?

త‌నదైన అందం, ప్ర‌తిభ‌తో యువ‌త‌రం మ‌న‌సులు గెలుచుకుంటోంది జాన్వీ క‌పూర్. అతిలోక సుంద‌రి శ్రీ‌దేవి త‌న‌య‌గా సినీరంగంలో ప్ర‌వేశించినా, ఇప్పుడు న‌టిగా త‌న‌దైన ముద్ర వేసేందుకు ప్ర‌య‌త్నిస్తోంది. బాలీవుడ్ లో కొన్ని వ‌రుస చిత్రాల్లో ప్ర‌యోగాత్మ‌క పాత్ర‌ల‌తో ఆక‌ట్టుకున్న ఈ స్టార్ కిడ్, ఇప్పుడు టాలీవుడ్ లో ఎన్టీఆర్ స‌ర‌స‌న దేవ‌ర చిత్రంలో న‌టిస్తోంది. త‌దుప‌రి టాలీవుడ్ కోలీవుడ్ లో బిగ్ కెరీర్ ని జాన్వీ ఆశిస్తోంది.

అయితే జాన్వీ క‌పూర్ ప్రైవేట్ లైఫ్ గురించి ఇటీవ‌ల ర‌క‌ర‌కాల గుస‌గుస‌లు వినిపిస్తున్నాయి. జాన్వీ డేటింగ్ లో ఉంద‌ని, త‌న స్నేహితుడు శిఖ‌ర్ ప‌హారియా తో ప్రేమ‌లో ఉంద‌ని ప్ర‌చారం ఉంది. శిఖర్ మహారాష్ట్ర మాజీ ముఖ్యమంత్రి సుశీల్ కుమార్ షిండే మాతృ మనవడు. అతను చురుకైన పోలో ప్లేయర్. పరోపకారి కూడా.. ఇంతకుముందు శిఖర్ పహారియా తాను జాన్వీ కపూర్‌తో డేటింగ్ చేస్తున్నట్లు స్పష్టంగా ధృవీకరించారు. వీరిద్దరూ గతంలో రిలేషన్‌షిప్‌లో ఉన్నారు, కానీ విడిపోయారనే ప్ర‌చారం ఉంది.

బ్రేక‌ప్ త‌ర్వాత కూడా ఆ ఇద్ద‌రి మ‌ధ్యా మంచి స్నేహం ఉంది. ఇంతుకుముందు శిఖర్ పహారియా జాన్వీ కపూర్‌కి రొమాంటిక్ ఫోటోతో పుట్టినరోజు శుభాకాంక్షలు తెలిపారు. అలాగే శిఖర్ పహారియా 26వ పుట్టినరోజున జాన్వీ క‌పూర్ ఒక అంద‌మైన‌ ఫోటోతో అత‌డికి శుభాకాంక్షలు తెలిపారు. దీంతో వారు రిలేషన్‌షిప్‌లో ఉన్నారనే ఊహాగానాలు ఊపందుకున్నాయి. ఇద్దరూ ఒకానొక‌ప్పుడు కలిసి ఉన్నారు, కానీ విడిపోయారు. ఆ త‌ర్వాత శిఖర్ కొత్త పోస్ట్ ఈ జంట‌ తిరిగి కలిసి ఉండవచ్చని హింట్ ఇచ్చింది. ఇప్పుడు మ‌రోసారి శిఖ‌ర్ ప‌హారియాతో జాన్వీ క‌పూర్ పార్టీ మూడ్ లో ఉన్న ఫోటోగ్రాఫ్ అంత‌ర్జాలంలో వైర‌ల్ గా మారింది. దీంతో ఈ ఫోటోని షేర్ చేస్తూ అభిమానులు ఇప్పుడు ర‌క‌ర‌కాల కామెంట్లు చేస్తున్నారు.

జాన్వీ-శిఖర్ సంబంధాన్ని ఇన్‌స్టాగ్రామ్‌లో అధికారికం చేసారా? అంటూ ఫోటోగ్రాఫ‌ర్ వైర‌ల్ భ‌యానీ ఇప్పుడు కొత్త డిబేట్ కి తెర తీసాడు. ఈ జంట‌ పరిహాసానికి సంబంధించిన కొత్త ఫోటో ఇప్పుడు వైరల్ అవుతుంది. #జాన్వీకపూర్ #శిఖర్పహరియా.. అంటూ అత‌డు ఇన్ స్టాలో ఆ ఫోటోని షేర్ చేసాడు. దీనికి అభిమానుల నుంచి ర‌క‌ర‌కాల కామెంట్లు వినిపిస్తున్నాయి. నటనా సామర్థ్యం లేని ఆమె కెరీర్ సూపర్ ఫ్లాప్, వీటన్నింటి న‌డుమా డేటింగ్ చేయడంలో మాత్రమే జాన్వీ పాపుల‌రైంది.. అంటూ ఒక‌రు వ్యాఖ్యానించారు. అయితే నెగెటివ్ కామెంట్లు చేయొద్ద‌ని జాన్వీ అభిమానులు అత‌డిపై విరుచుకుప‌డ్డారు.

శిఖర్ పహారియా గురించి అన్నీ..

జాన్వీ కపూర్‌తో డేటింగ్‌లో ఉన్న శిఖర్ పహారియా, మహారాష్ట్ర మాజీ ముఖ్యమంత్రి సుశీల్‌కుమార్ షిండే మాతృ మనవడు. అతడు 1996లో సంజయ్ - స్మ్రుతి దంపతులకు జన్మించాడు. అతడి తల్లిదండ్రులు వెంటనే విడిపోయారు. ప‌హారియా తండ్రి వ్యాపారవేత్త. శిఖర్ అత్త ప్రణతి షిండే మహారాష్ట్ర నుంచి మూడుసార్లు ఎమ్మెల్యేగా గెలిచారు. తన గ్రాడ్యుయేషన్ పూర్తి చేసిన తర్వాత, శిఖర్ లండన్‌లోని ఒక అంతర్జాతీయ కంపెనీలో పెట్టుబడి విశ్లేషకుడిగా పనిచేశాడు. 2018లో అతడు తన సోదరుడు వీర్‌తో కలిసి వినోదం - గేమింగ్ కంపెనీని స్థాపించాడు.

శిఖర్ ప్రతిభావంతుడైన పోలో ఆటగాడు. అంతర్జాతీయ టోర్నీల్లో దేశానికి ప్రాతినిధ్యం వహించాడు. దాతృత్వ కార్యక్రమాల్లో కూడా పాల్గొంటున్నాడు. శిఖర్ గతంలో మహిళా సాధికారత కోసం కృషి చేశారు. అతడు పర్యావరణవేత్తలు, NGOలతో కూడా సన్నిహితంగా పనిచేస్తాడు.

శిఖర్ గురించి బోనీకి తెలుసు:

ఇటీవల జాన్వీతో పాటు తండ్రి బోనీ కపూర్ - సోదరి ఖుషీ కపూర్ విమానాశ్రయంలో కనిపించారు. ముగ్గురూ ఫ్యామిలీ హాలిడే ట్రిప్‌కి వెళ్లారు. ఆస‌క్తిక‌రంగా వీరితో పాటు శిఖర్ పహారియా కూడా కనిపించాడు. ముంబైలోని కజిన్ రియా కపూర్ నివాసంలో జాన్వీ కపూర్ శిఖర్ పహారియాను తన కుటుంబ విందుకు తీసుకువెళ్లింది. ప్రైవేట్ వేడుక‌కు అర్జున్ కపూర్, ఖుషీ కపూర్, అన్షులా కపూర్ కూడా హాజరయ్యారు. జాన్వీ, శిఖర్ ఒకే కారులో వచ్చారు. జాన్వీ ఆ స‌మ‌యంలో సిగ్గుపడుతూ క‌నిపించింది. శిఖర్ కూడా జాన్వీతో ఎంతో స‌న్నిహితంగా ఉన్నాడు. జాన్వీ కూడా తన చేతితో ముఖాన్ని దాచుకునే ప్రయత్నం చేసిందని ప్ర‌చార‌మైంది. శిఖ‌ర్ రెగ్యుల‌ర్ గా క‌పూర్ ఫ్యామిలీ ఈవెంట్ల‌లో ప్ర‌త్య‌క్ష‌మ‌వుతుండ‌డం అది కూడా జాన్వీతో క‌లిసి షికార్ చేస్తుండ‌డంతో ఆ ఇద్దరి న‌డుమా ఏదో ఉందంటూ ప్ర‌చారం సాగుతోంది.