మ‌రో రీమేక్ లో జాన్వీక‌పూర్!
అతిలోక సుంద‌రి శ్రీదేవి ముద్దుల త‌న‌య జాన్వీ క‌పూర్ కెరీర్ దేదీప్య‌మానంగా సాగిపోతుంది.
By: Tupaki Desk | 4 Nov 2024 4:45 AM GMT
అతిలోక సుంద‌రి శ్రీదేవి ముద్దుల త‌న‌య జాన్వీ క‌పూర్ కెరీర్ దేదీప్య‌మానంగా సాగిపోతుంది. బాలీవుడ్ తో పాటు టాలీవుడ్ లోనూ తిరుగు లేని నాయిక‌గా దూసుకుపోతుంది. ఇటీవ‌లే `దేవ‌ర`తో తొలి బ్లాక్ బ‌స్ట‌ర్ అందుకుంది. ఆ సినిమా రిలీజ్ కి ముందే ఆర్సీ 16లోనూ ఛాన్స్ అందుకుంది. ఇంకా అమ్మ‌డు ఒకే చెప్పాలి గానీ అమ్మ‌డితో సినిమాలు చేయ‌డానికి ద‌ర్శ‌క, నిర్మాత‌లు, హీరోలు వెయిట్ చేస్తున్నారు. ఇంకా చెప్పాలంటే బాలీవుడ్ కంటే టాలీవుడ్ లో మెరుగైన అవ‌కాశాలు వ‌స్తున్నట్లే క‌నిపిస్తుంది.
తాజాగా సొగ‌స‌రి మ‌రో రీమేక్ సినిమాకి సైన్ చేసిన‌ట్లు తెలుస్తోంది. కోలీవుడ్ లో తెర‌కెక్కిన `ఈరం` ఎంత పెద్ద విజ‌యం సాధించిందో తెలిసిందే. ఆదిపీనిశెట్టి హీరోగా న‌టించిన ఈ సినిమా తెలుగులో `వైశాలి`గా రిలీజ్ అయింది. స‌స్పెన్స్ థ్రిల్ల‌ర్ ఇక్క‌డా మంచి విజ‌యం సాధించింది. ఇప్పుడీ చిత్రాన్ని బాలీవుడ్ లో రీమేక్ చేస్తున్నారు. దాదాపు 15 ఏళ్ల త‌ర్వాత రీమేక్ చేయ‌డం విశేషం. ఇందులో జాన్వీ క‌పూర్ ని మెయిన్ లీడ్ కి ఎంపిక చేసిన‌ట్లు స‌మాచారం.
ఈ సినిమాతో ఛాయాగ్రాహ‌కుడు మ‌నోజ్ ప‌ర‌మహంస ద‌ర్శ‌కుడిగా ప‌రిచ‌మ‌వుతున్నాడు. కొంత మంది భామ‌ల్ని ప‌రిశీలించిన‌ప్ప‌టికీ మెయిన్ లీడ్ కి జాన్వీ అయితే వైశాలి పాత్ర‌కి ప‌ర్పెక్ట్ గా సెట్ అవుతుంద‌ని ఆమెతో సంప్ర దింపులు జ‌రిపి ఒప్పించిన‌ట్లు తెలుస్తోంది. సినిమాలో ఈ పాత్ర ఎంతో కీల‌క‌మైన‌ది. గృహిణి రోల్ అయినా? క‌థ అంతా ఆమె చుట్టూనూ తిరుగుతుంది. అనుమానం అనే కాన్సెప్ట్ కి థ్రిల్ల‌ర్ అంశాల్ని జోడించి రూపొందించిన చిత్ర‌మిది.
మ‌రి హిందీ రీమేక్ లో ఏమే మార్పులు చేస్తున్నారో చూడాలి. అలాగే ఆదిపినిశెట్టి పోషించిన పాత్ర‌లో బాలీవుడ్ నుంచి ఏ హీరో ద‌క్కించుకుంటాడో చూడాలి. ఆది పినిశెట్టి రోల్ కంటే నంద రోల్ కూడా ఎంతో కీల‌క‌మైన‌ది. ఇందులో వైశాలి భ‌ర్త పాత్ర పోషించింది నంద పాత్ర అన్న సంగ‌తి తెలిసిందే. అలా ఓ ముగ్గురు మ‌ధ్య తిరిగే క‌థ ఇది.
