వీడియో: స‌ముద్రంలో జాన్వీ మున‌క‌లు.. టెన్ష‌న్‌లో ఖుషి

జాన్వీ కపూర్- ఖుషీ కపూర్ సిస్ట‌ర్స్ హంగామా గురించి తెలిసిందే. ఆ ఇద్ద‌రూ ఓ చోట చేరితే అల్ల‌రే అల్ల‌రి. ఓవైపు కెరీర్ నావ‌ను సాఫీగా న‌డిపించేస్తూనే ఒంట‌రి దీవుల‌ విహారయాత్రల్లో ఫుల్ గా చిల్ చేస్తున్నారు. ఇప్పుడు సిస్ట‌ర్స్ నీలి స‌ముద్రంలో ఊహించ‌ని విన్యాసాల‌తో షాకిచ్చారు. జాన్వీ నీటిలో మునిగిపోతుంటే, అక్క‌కు ఏమ‌వుతుందోన‌నే టెన్ష‌న్ లేకుండా ఖుషీ ఏం చేస్తోందో చూసారుగా...! అయితే ఇది ఫేమ‌స్ క‌ర్ధాషియ‌న్ సిస్ట‌ర్స్ యాక్ట్ కి పునఃసృష్టి.

క‌పూర్ సిస్ట‌ర్స్ ప్ర‌స్తుతం బికినీ బీచ్ వెకేష‌న్ లో ఫుల్ గా చిల్ చేస్తున్నారు. ఈ వెకేష‌న్‌లో కిమ్ కర్దాషియాన్ ఐకానిక్ 'డైమండ్ ఇయర్రింగ్ ఇన్ ది ఓషన్' మూవ్ మెంట్‌ని పునఃసృష్టించారు. జాన్వీ కపూర్ -ఖుషీ కపూర్ తమ సెలవుల్లో కర్దాషియన్‌ల మాదిరి గూఫీ వీడియోతో అల‌రించారు. జాన్వీ కపూర్, ఖుషీ కపూర్ సిస‌లైన కర్దాషియన్‌లుగా మారారు. 2019 వీడియో నుండి కిమ్ కర్దాషియాన్‌ను లిప్ సింక్ చేస్తున్న జాన్వీ స్విమ్‌వేర్‌తో సముద్రంలో మున‌క‌లు వేస్తూ క‌నిపించింది. ఈ వీడియో లో జాన్వీ ఇలా అంది.''నా చెవిపోగు పోయింది. ఓహ్ మై గాడ్, నేను ఏడుస్తాను, నా డైమండ్ చెవిపోగులు'' అని ఏడుపు మొహం పెడుతూ నీటిలో ఈత కొట్టే ప్ర‌య‌త్నం చేసింది.

ఇంత‌లోనే ఖుషీ కపూర్ తన హోటల్ బాల్కనీ నుండి బయటకు వచ్చి కోర్ట్నీ కర్దాషియాన్ ని అనుక‌రించింది. ''ఏమైంది నీకు?'' అని ప్ర‌శ్నిస్తూ లిప్ సింక్ చేసింది. జాన్వి మరోసారి కిమ్‌ని అనుకరిస్తూ ''నా డైమండ్ చెవిపోగు సముద్రంలో ప‌డిపోయింది, అది పోయింది'' అని ఆవేద‌న చెందుతోంది. ''చ‌నిపోతున్న‌వారు ఉన్నారు!'' అని ఖుషి నిర్లిప్తంగా చెప్పడంతో వీడియో ముగుస్తుంది. ఈ వీడియోను షేర్ చేసిన‌ ఖుషీ ఒక వెర్రి నవ్వు ఈమోజీ, డైమండ్ ఎమోజీని జోడించింది.

ఈ పోస్ట్ కి సెల‌బ్రిటీల నుంచి అద్భుత స్పంద‌న వ‌చ్చింది. స‌హ న‌ట‌వార‌సురాలు షానయ కపూర్ ఏడుపు ఎమోజీలతో స్పందించారు. సంజయ్ కపూర్ - మహీప్ కపూర్ ఏడుపు ఎమోజీలను షేర్ చేసారు. ఆలియా కశ్యప్ `ఐకానిక్` అని రాశారు. లాక్‌డౌన్ సమయంలో అమ్మాయిల ఐకానిక్ టిక్‌టాక్‌లను ఇది నాకు గుర్తు చేసింద‌ని ఒక‌రు రాసారు.

జాన్వీ కపూర్-ఖుషీ కపూర్ గురించి ప‌రిచ‌యం అవ‌స‌రం లేదు. జాన్వీ - ఖుషీ ప్రముఖ సినీ నిర్మాత బోనీ కపూర్ - దివంగత నటి శ్రీదేవి కుమార్తెలు. ప్ర‌స్తుతం ఈ ఇద్ద‌రూ న‌ట‌నా కెరీర్ ప‌రంగా బిజీగా ఉన్నారు. జాన్వీ క‌పూర్ ఇటీవ‌లే టాలీవుడ్ చిత్రం దేవ‌ర‌తో పాన్ ఇండియా హిట్ అందుకుంది. త‌దుప‌రి వ‌రుస చిత్రాల్లో న‌టిస్తూ బిజీగా ఉంది. ఖుషి క‌పూర్ ది ఆర్చీస్ త‌ర్వాత సినిమాలు వెబ్ సిరీస్ ల‌తో బిజీ అయింది.