అటు విజయ్.. ఇటు దుల్కర్.. గేట్ రెడీ!

తెలుగు సినిమా రంగంలో విజయ్ దేవరకొండ మాస్ హీరోగా తనకంటూ ప్రత్యేకమైన ఇమేజ్‌ని సాధించాడు. వరుసగా హిట్లతో మార్కెట్‌ను పెంచుకుంటూ వస్తున్న ఈ హీరో, ఆ మధ్యకాలంలో కొంత తగ్గినా సరికొత్త ప్రయోగాలతోనే ముందుకు సాగుతూనే ఉన్నాడు. ఇక తనకి ఉన్న సినిమాలతో బిజీగా ఉండగానే తాజాగా సంగీత రంగంలోకి కూడా అడుగుపెడుతున్నాడు. అందుకు కారణం మ్యూజిక్ డైరెక్టర్ జస్లీన్ రాయల్‌తో చేస్తున్న ప్రత్యేక మ్యూజిక్ అల్బమ్.

ఈ కొత్త మ్యూజిక్ ప్రాజెక్ట్‌లో జస్లీన్ రాయల్‌తో పాటు విజయ్ దేవరకొండ, దుల్కర్ సల్మాన్ కూడా భాగస్వామ్యం అవుతున్నారని తెలుస్తోంది. జస్లీన్ ఇటీవల ఈ ప్రాజెక్ట్ గురించి తన సోషల్ మీడియా వేదికగా కొన్ని ఫోటోలు పంచుకున్నారు. వీటిలో విజయ్ దేవరకొండ, దుల్కర్ సల్మాన్, మరియు జస్లీన్ రాయల్ ఒకే ఫ్రేమ్‌లో కనిపించడంతో అభిమానుల్లో భారీ అంచనాలు ఏర్పడ్డాయి. ఈ ఫోటోకు సంబంధించిన అప్డేట్ ను నవంబర్ 15న విడుదల చేయబోతున్నట్లు జస్లీన్ హింట్ ఇచ్చారు.

జస్లీన్ రాయల్ తన గత సంగీత ప్రాజెక్ట్ 'హీరియే' పాటతో దేశవ్యాప్తంగా మంచి గుర్తింపు తెచ్చుకుంది. ఇప్పుడు ఆమె విజయ్ దేవరకొండతో కలిసి పనిచేయడం తెలుగు ప్రేక్షకుల్లో కొత్త అంచనాలను నెలకొల్పుతోంది. జస్లీన్ తన ఫోటోలో “నా సూపర్ స్టార్ ఫ్రెండ్ దుల్కర్ సల్మాన్‌తో గ్లోబల్ చార్ట్‌బస్టర్ 'హీరియే'ను రూపొందించాను. మీరందరూ చాలా ఆదరించారు. ఇప్పుడు మా వెనుక ఎవరున్నారు?” అంటూ ఇదివరకే ఒక ఫొటో వదిలారు. ఇక ఆ పిక్‌లో విజయ్ దేవరకొండ అని హింట్ చేశారు.

ఇక తాజా అప్‌డేట్ ప్రకారం, నవంబర్ 15న విడుదల కానున్న ఈ మ్యూజిక్ ఆల్బమ్ అన్ని వర్గాల్లో ప్రేక్షకుల అంచనాలను తారాస్థాయికి తీసుకువెళ్తుందని ఆమె నమ్మకంతో చెబుతోంది. విజయ్ దేవరకొండ తన సినిమాలతో మంచి పేరు తెచ్చుకున్నప్పటికీ, మ్యూజిక్ ప్రాజెక్ట్‌లో కనిపించడం అభిమానులకు సరికొత్త అనుభూతిని ఇస్తుంది. ముఖ్యంగా, జస్లీన్ రాయల్ వంటి ప్రతిభావంతురాలు సంగీతాన్ని అందిస్తుండటంతో, ఈ ప్రాజెక్ట్‌పై భారీ అంచనాలు నెలకొన్నాయి.

ఈ ప్రాజెక్ట్‌తో విజయ్ దేవరకొండ తన క్రియేటివిటీని కొత్త కోణంలో ప్రదర్శించబోతున్నాడని అనిపిస్తోంది. జస్లీన్ రాయల్ మరియు దుల్కర్ సల్మాన్‌ వంటి ప్రతిభావంతుల కలయిక ఈ ప్రాజెక్ట్‌కి మరింత ప్రత్యేకతను జోడించనుంది. ఇప్పటికే ఈ ముగ్గురు ఫోటోలు సోషల్ మీడియాలో వైరల్ అవుతున్నాయి. మరి అవుట్ ఫుట్ ఏ విధంగా క్లిక్కవుతుందో చూడాలి.