నాలుగవ వారంలోనూ కలెక్షన్స్‌ జోరు

ఈ మధ్య కాలంలో ఎంత పెద్ద స్టార్‌ హీరో సినిమా అయినా మొదటి రెండు వారాలు మాత్రమే వసూళ్లు రాబట్టి.. ఆ తర్వాత థియేటర్ల నుంచి వెళ్లి పోతున్నాయి. చాలా అరుదుగా మాత్రమే మూడవ వారంలో, నాలుగో వారంలో బాక్సాఫీస్ వద్ద సందడి చేస్తున్న సినిమాలు వస్తున్నాయి. ఆ అరుదైన సినిమాల జాబితాలో షారుఖ్ ఖాన్‌, అట్లీల 'జవాన్‌' చిత్రం నిలిచింది అంటూ బాలీవుడ్ మీడియా సర్కిల్స్ లో టాక్‌ వినిపిస్తుంద.

బాలీవుడ్ మీడియా కథనాల ప్రకారం నాలుగవ వారంలో కూడా జవాన్ సినిమా పాన్‌ ఇండియా రేంజ్ లో మరియు ఓవర్సీస్ లో మంచి వసూళ్లు నమోదు చేస్తోంది. నాలుగవ మంగళవారం ఏకంగా రెండున్నర కోట్ల వసూళ్లను జవాన్ మూవీ దక్కించుకుంది. ఈ మధ్య కాలంలో నాలుగో వారంలో అది కూడా నాలుగవ మంగళవారం ఈ రేంజ్ లో వసూళ్లు సాధించడం గొప్ప విషయం.

జవాన్‌ సినిమా ఇప్పటికే వెయ్యి కోట్ల వసూళ్లు నమోదు చేసింది. బాక్సాఫీస్‌ వర్గాల ద్వారా అందుతున్న సమాచారం ప్రకారం జవాన్‌ సినిమా వసూళ్లు రూ.1100 కోట్ల కు చేరువ అయింది.

మరో వీకెండ్‌ వరకు జవాన్‌ కొనసాగి మొత్తంగా రూ.1200 కోట్ల వరకు సాధించే అవకాశాలు ఉన్నాయి అంటూ బాలీవుడ్‌ మీడియా వర్గాల వారు అభిప్రాయం వ్యక్తం చేస్తున్నారు.

ఇప్పటికే ఇండియన్ బాక్సాఫీస్ వద్ద అత్యధిక వసూళ్లు సాధించిన సినిమా గా జవాన్ నిలిచింది. ఇండియన్‌ బాక్సాఫీస్ వద్ద జవాన్‌ సినిమా ఇప్పటి వరకు దాదాపుగా రూ.615 కోట్ల ను దక్కించుకుంది. ఓవర్సీస్ లో ఈ సినిమా సాధిస్తున్న వసూళ్లు కూడా తక్కువేం లేవు. కనుక వెయ్యి కోట్ల క్లబ్‌ లో ఈ సినిమా చాలా ఈజీగానే చేరిందని బాక్సాఫీస్‌ వర్గాల వారు అంటున్నారు.