జవాన్ ఓపెనింగ్స్.. పఠాన్ రికార్డ్ బ్రేక్​..

'ప‌ఠాన్‌'తో మ‌ళ్లీ ఫామ్‌లోకి వ‌చ్చిన బాలీవుడ్ బాద్​షా షారుక్‌ ఖాన్.. ఈ సారి 'జ‌వాన్‌'గా అభిమానులు, ప్రేక్ష‌కుల ముందుకు వచ్చారు. ఈ చిత్రం కోసం అభిమానులు ఎంత ఆసక్తిగా ఎదురుచూశారనేది.. ఈ సినిమా అడ్వాన్స్ బుకింగ్సే చాటి చెప్పాయి. షారుక్‌ ఖాన్- తమిళ ద‌ర్శ‌కుడు అట్లీ క‌లిసి చేసిన సినిమా కావ‌డం వల్ల కేవలం నార్త్​లోనే కాకుండా సౌత్​లోనూ ఆస‌క్తిని, అంచ‌నాల్ని భారీగా పెంచింది.

అయితే నేడు(సెప్టెంబర్​ 7) అభిమానుల ముందుకు వచ్చిన అభిమానులు, సినీప్రియుల అంచనాలను అందుకుంది. తొలి షో నుంచి సూపర్ హిట్ టాక్​ను అందుకున్న ఈ చిత్రం దూసుకుపోతోంది. సినిమా చూసిన ప్రతిఒక్కరూ అద్భుతంగా ఉందని ప్రశంసిస్తున్నారు. సెలబ్రిటీలు కూడా స్పెషల్ స్క్రీనింగ్ వేసుకుని మరీ చూస్తున్నారు.

షారుక్‌ మాస్ అవ‌తార్, క‌థ‌నం, సినిమాటోగ్రఫీ, నేప‌థ్య సంగీతం, మాస్ అంశాలు బలంగా నిలిచాయని అంటున్నారు. ద్వితీయార్ధంలో కొన్ని స‌న్నివేశాలు మాత్రం సినిమాకు మైనస్ అని చెబుతున్నారు. ఫైనల్​గా జ‌వాన్... పైసా వ‌సూల్ యాక్షన్‌ ఎంటర్‌టైనర్‌ అని రివ్యూలు ఇస్తున్నారు. దీంతో షారుక్ పఠాన్ తర్వాత మరో విజయాన్ని తన ఖాతాలో వేసుకున్నట్టైంది.

ఈ సినిమా తొలి రోజు ఓపెనింగ్స్​ భారీ వచ్చి ఉంటాయని ట్రేడ్ వర్గాలు లెక్కల్ని అంచనాలు వేసేశాయి. పఠాన్ ఓపెనింగ్స్​ కన్నా ఎక్కువగా వసూలు చేశాయని చెబుతున్నారు. ఇండియాలోనే బిగ్గెస్ట్ ఓపెనింగ్​ సినిమాగా నిలుస్తుందని అంటున్నారు. తాజాగా అందిన సమాచారం ప్రకారం.. ఈ చిత్రం ఓపెనింగ్ డే(నేడు సెప్టెంబర్ 7) ఇండియా వైడ్​గా దాదాపు రూ. 65కోట్ల నెట్​ వసూలు చేసినట్లు తెలిసింది. ఈ సినిమాకు కృష్ణాష్టమి హాలీడే కావడం కూడా బాగా కలిసొచ్చింది. హిందీలోనే కాదు సౌత్ ఇండస్ట్రీలో కూడా మంచి ఓపెనింగ్స్ దక్కాయట. తెలుగు, తమిళ ఓపెనింగ్స్ ఆశించిన దాన్ని కన్నా ఎక్కువగా ఉన్నాయని చెబుతున్నారు.

మొత్తంగా ఈ సినిమా తొలి రోజు దేశవ్యాప్తంగా రూ.65కోట్ల వరకు నెట్ వసూలు చేసిందని అంటున్నారు. ఇండియన్ సినిమాలో బిగ్గెస్ట్ ఓపెనర్​గా నిలిచిందని చెబుతున్నారు. ఇక ఈ చిత్రంతోనే లేడీ సూపర్‌స్టార్‌ నయనతార బాలీవుడ్ అరంగేట్రం ఇచ్చింది. క్రేజీ మ్యూజిక్‌ డైరెక్టర్‌ అనిరుధ్‌ స్వరాలు సమకూర్చారు. విలక్షణ నటుడు​ విజయ్‌సేతుపతి ప్రతినాయకుడిగా నటించారు. దీపికా పదుకునే గెస్ట్ రోల్​లో యాక్షన్ సీక్వెన్స్​తో అదరగొట్టేసింది.