ప్ర‌భాస్ రికార్డులను కొడుతున్నాడ‌ని చెప్ప‌డ‌మే వింత!

షారుఖ్ ఖాన్ నటించిన జవాన్ .. ప్ర‌భాస్ న‌టించిన స‌లార్ సెప్టెంబ‌ర్ లో విడుద‌ల‌కు సిద్ధ‌మైన సంగ‌తి తెలిసిందే. ఈ సీజ‌న్ లో మోస్ట్ అవైటెడ్ చిత్రాలుగా ఇవి పాపుల‌ర‌య్యాయి. ప్రీరిలీజ్ బిజినెస్ లో ఇప్ప‌టికే ఇవి సంచ‌ల‌నాలు న‌మోదు చేసాయి. భారీ మొత్తాల‌ను వెచ్చించి ఏరియా హ‌క్కుల‌ను కొనుగోలు చేస్తున్నార‌ని ప్ర‌చారం ఉంది.

అయితే ఫ్యాన్స్ న‌డుమ ఒక ఆస‌క్తిక‌ర చ‌ర్చ సాగుతోంది. ఈ రెండిటిలో ఏది క్రేజీ సినిమా? ఎవ‌రు ఎవ‌రి రికార్డును కొట్టేస్తారు? అంటూ ఒక‌టే ఉత్కంఠ నెల‌కొంది. జ‌వాన్ -స‌లార్ రెండిటిపైనా భారీ అంచనాలున్నాయి.అయితే సోష‌ల్ మీడియాల్లో షారుఖ్ ఖాన్ ఒక‌డుగు ముందున్నాడ‌ని తెలుస్తోంది.

అత‌డు న‌టించిన‌ జవాన్ చిత్రం స‌లార్ కంటే ఒక అడుగు ముందుకు వేసింది. 254K ఇంప్రెషన్‌లతో సాలార్ గతంలో నెలకొల్పిన రికార్డును అధిగమించి.. 258K కంటే ఎక్కువ ఇంప్రెషన్‌లను సంపాదించిన ఏకైక భారతీయ చిత్రంగా జ‌వాన్ రిక‌ర్డుల్లో నిలిచింది.

జ‌వాన్ లో కింగ్ ఖాన్ షారూఖ్ స్పై పాత్ర‌లో న‌టిస్తున్నారు. అత‌డు ర‌క‌ర‌కాల గెట‌ప్పుల‌తో ఆశ్చ‌ర్య‌ప‌ర‌చ‌నున్నాడు. ఇది అట్లీ మార్క్ మాస్ యాక్ష‌న్ ఎంట‌ర్ టైన‌ర్. సెప్టెంబర్ 7న ఈ చిత్రం హిందీ-తెలుగు స‌హా అన్ని భార‌తీయ భాష‌ల్లో విడుద‌ల‌వుతోంది.

మ‌రోవైపు ప్ర‌భాస్ స‌లార్ ని కేజీఎఫ్ ద‌ర్శ‌కుడు ప్ర‌శాంత్ నీల్ తెర‌కెక్కించారు. ఇది మాస్ యాక్ష‌న్ ఎంట‌ర్ టైన‌ర్ల‌కే బాస్ గా నిల‌వ‌నుంద‌న్న గుసగుస వినిపిస్తోంది. సెప్టెంబర్ 28 న స‌లార్ ప్రపంచవ్యాప్తంగా థియేట‌ర్ల‌లో విడుద‌ల కానుంది. జవాన్ త‌ర్వాత భారీ ఓపెనింగుల‌తో పాటు ఇత‌ర రికార్డుల‌ను బ్రేక్ చేసే స‌త్తా ప్ర‌భాస్ సినిమాకే ఉందన‌డంలో సందేహం లేదు. ప్ర‌భాస్ కంటే ఎంతో సీనియ‌ర్ న‌టుడు, ఎదురేలేనివాడు అయిన కింగ్ ఖాన్.. ప్ర‌భాస్ రికార్డుల‌తో పోటీప‌డుతున్నాడ‌ని చెప్పుకోవ‌డ‌మే ఒక వింత‌.