'యాత్ర 2' కోసం జీవాకు మమ్ముట్టి సలహా!
రంగం` ఫేం జీవా న‌టించిన రాజకీయ నేప‌థ్య చిత్రం `యాత్ర 2`. ఈ చిత్రంలో ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి పాత్రను పోషిస్తున్నారు.
By: Tupaki Desk | 1 Feb 2024 6:25 AM GMT
రంగం` ఫేం జీవా న‌టించిన రాజకీయ నేప‌థ్య చిత్రం `యాత్ర 2`. ఈ చిత్రంలో ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి పాత్రను పోషిస్తున్నారు. ఈ చిత్రానికి ప్రీక్వెల్ జగన్ మోహన్ రెడ్డి తండ్రి, దివంగత రాజకీయ నాయకుడు వైఎస్ రాజశేఖర రెడ్డి జీవిత‌క‌థ‌తో తెర‌కెక్కింది. ఇందులో మాలీవుడ్ సూపర్ స్టార్ మమ్ముట్టి ప్ర‌ధాన పాత్రను పోషించారు. రాజకీయ నాయకుడి పాత్రలో నటించ‌డం వ్య‌క్తిగ‌తంగా న‌ష్ట‌మా? అని మమ్ముట్టిని ప్ర‌శ్నించ‌గా, ఆయ‌న తనకు ఇచ్చిన సలహాను జీవా ఇటీవల గుర్తు చేసుకున్నాడు.
జీవా మాట్లాడుతూ మమ్ముట్టితో తాను క‌లిసి ప‌ని చేసాన‌ని అన్నారు. 2000లో ఆనందం చిత్రం కోసం క‌లిసి ప‌ని చేసామ‌ని, ఆ తర్వాత మమ్ముట్టితో ఈ సమావేశం మొదటిది అని తెలిపారు. రెండు దశాబ్దాల తర్వాత వారు మళ్లీ `యాత్ర 2` సెట్‌లో మళ్లీ కలిశారు. మమ్ముట్టితో గడిపిన సమయం చాలా తక్కువ అని జీవా పేర్కొన్నాడు. అయితే సినిమాలో రాజకీయ నాయకుడి పాత్రను పోషించడం త‌న వ్యక్తిగత జీవితాన్ని ప్రభావితం చేస్తుందా? అని ఆరా తీసే అవకాశాన్ని స‌ద్వినియోగం చేసుకున్నాడు. దానికి సమాధానంగా, సూపర్ స్టార్ మమ్ముట్టి చాలా సింపుల్ గా, ``ఏం సమస్య? మ‌నం కేవలం నటులం మాత్ర‌మే`` అని అన్నారు. నటీనటులు వారికి న‌చ్చిన పాత్రల్లో న‌టిస్తారని.. రాజకీయ నాయ‌కులుగా న‌టించినంత మాత్రాన రాజకీయ అనుబంధం ఉన్న‌ట్టు కాద‌ని ..వారికి మ‌ద్ధ‌తు ప‌లికిన‌ట్టు కాద‌ని మమ్ముట్టి అన్న‌ట్టు జీవా తెలిపారు. ప్రపంచమే న‌టుల‌కు వేదిక అని మమ్ముట్టి ఉద్ఘాటించారు. ``ఒక నటుడు రంగస్థలాన్ని ఉపయోగించాలి`` అని మమ్ముట్టి అన్న మాటలను జీవా ఇప్పుడు గుర్తు చేసుకున్నారు.
`యాత్ర 2` వైఎస్ జగన్ మోహన్ రెడ్డి రాజకీయ జీవితం ఆధారంగా రూపొందించిన బయోపిక్. 8 ఫిబ్రవరి 2024న విడుదల కానుంది. మహి వి రాఘవ్ దర్శకత్వం వహించిన ఈ చిత్రంలో కేతకి నారాయణ్ , మహేష్ మంజ్రేకర్ ముఖ్యమైన పాత్రల్లో నటిస్తున్నారు.
