తారక్- నీల్ ప్రాజెక్ట్.. కొత్త అప్డేట్ ఏంటంటే?

టాలీవుడ్ స్టార్ హీరో జూనియర్ ఎన్టీఆర్.. రీసెంట్ గా దేవర మూవీతో మంచి హిట్ అందుకున్న విషయం తెలిసిందే. మాస్ డైరెక్టర్ కొరటాల శివ దర్శకత్వం వహించిన ఆ సినిమా.. బాక్సాఫీస్ వద్ద భారీ వసూళ్లు సాధించింది. అయితే దేవర అయ్యాక తారక్.. తన అప్ కమింగ్ మూవీస్ పై దృష్టి పెట్టారు. ప్రస్తుతం తన బాలీవుడ్ డెబ్యూ మూవీ వార్-2 షూటింగ్ లో పాల్గొంటున్నారు. రీసెంట్ గా అందుకు సంబంధించిన పిక్స్ కూడా లీక్ అయ్యాయి.

బ్రహ్మస్త్రతో తెలుగు సినీ ప్రియులకు పరిచయమైన అయాన్ ముఖర్జీ దర్శకత్వం వహిస్తున్న ఆ సినిమాలో హృతిక్ రోషన్ హీరోగా నటిస్తున్నారు. తారక్ నెగిటివ్ షేడ్స్ ఉన్న స్పై రోల్ లో యాక్ట్ చేస్తున్నారని టాక్ వినిపిస్తోంది. ఆ సినిమా కోసం మేకోవర్ చేసుకున్న తారక్.. బాలీవుడ్ లో తనదైన ముద్ర వేసుకోవాలనుకుంటున్నారు. అయితే ఆయన చేతిలో కోలీవుడ్ స్టార్ డైరెక్టర్ ప్రశాంత్ నీల్ ప్రాజెక్ట్ కూడా విషయం తెలిసిందే.

గత ఏడాది తారక్, నీల్ ప్రాజెక్ట్ అనౌన్స్మెంట్ రాగా.. రీసెంట్ గా హైదరాబాద్ లోని రామానాయుడు స్డూడియోస్ లో పూజా కార్యక్రమాలు జరిగాయి. అతి తక్కువ సమక్షంలో జరిగిన ఆ వేడుక తర్వాత రెగ్యులర్ షూటింగ్ స్టార్ట్ అవుతుందని అనుకున్నారు. కానీ ఇప్పటికీ మొదలుకాలేదు. అక్టోబర్ లో దసరా తర్వాత ఫస్ట్ షెడ్యూల్ జరుగుతుందని కొద్ది రోజుల క్రితం జోరుగా ప్రచారం జరిగినా.. అది కార్యరూపం దాల్చలేదు.

ఇప్పుడు నీల్, తారక్ ప్రాజెక్టు షూటింగ్ కు సంబంధించిన లేటెస్ట్ అప్డేట్ సోషల్ మీడియాలో వైరల్ అవుతోంది. నవంబర్ చివర్లో చిత్రీకరణ మొదలవుతుందని తెలుస్తోంది. అందుకు తగ్గ ఏర్పాట్లలో ప్రశాంత్ నీల్ బిజీగా ఉన్నారని సమాచారం. కానీ ఎన్టీఆర్ మాత్రం కాస్త ఆలస్యంగా సెట్స్ లోకి అడుగుపెట్టనున్నారని టాక్ వినిపిస్తోంది. 2025 సంక్రాంతి తర్వాత షూటింగ్ లో పాల్గొంటారని వార్తలు వస్తున్నాయి.

ఇంతలో వార్-2కు సంబంధించి తన షూటింగ్ పార్ట్ ను పూర్తి చేసుకుంటారని, కొంత గ్యాప్ తీసుకుని నీల్ మూవీ సెట్స్ లోకి వస్తారని సమాచారం. తన లుక్ ను కూడా మార్చుకోవడానికి సమయం సరిపోతుందని భావిస్తున్నారట. అదే సమయంలో భారీ బడ్జెట్ తో రూపొందనున్న నీల్, తారక్ ప్రాజెక్టు 2026 జనవరి 9వ తేదీన సంక్రాంతి కానుకగా రిలీజ్ చేయనున్నట్లు మేకర్స్ ఇప్పటికే ప్రకటించారు. మరి షూటింగ్ ఎప్పుడు మొదలవుతుందో వేచి చూడాలి.