ఎన్టీఆర్- నీల్.. ఇది నిజమైతే ఊచకోతే..

యంగ్ టైగర్ ఎన్టీఆర్ మొత్తానికి ‘దేవర’ మూవీతో పాన్ ఇండియా రేంజ్ లో సోలోగా కమర్షియల్ సక్సెస్ ని అందుకున్నారు. ప్రస్తుతం హిందీలో అయాన్ ముఖర్జీ దర్శకత్వంలో ‘వార్ 2’ చిత్రంలో నటిస్తున్నారు. హృతిక్ రోషన్ తో కలిసి ఎన్టీఆర్ ఈ సినిమాలో స్క్రీన్ షేర్ చేసుకున్నారు. భారీ బడ్జెట్ తో స్పై యాక్షన్ థ్రిల్లర్ గా ఈ సినిమా తెరకెక్కుతోంది. దీని తర్వాత తారక్ ప్రశాంత్ నీల్ దర్శకత్వంలో తెరకెక్కుతోన్న చిత్రం చేయనున్నాడు. ఇప్పటికే ప్రశాంత్ నీల్ ఈ మూవీ షూటింగ్ స్టార్ట్ చేసారంట.

అయితే తారక్ 2025 జనవరి ఫెస్టివల్ తర్వాత షూటింగ్ లో జాయిన్ అవ్వబోతున్నట్లు టాక్ వినిపిస్తోంది. భారీ బడ్జెట్ తో మైత్రీ మూవీ మేకర్స్ ఈ చిత్రాన్ని నిర్మిస్తోంది. ఇదిలా ఉంటే మాఫియా బ్యాక్ డ్రాప్ కథతోనే ప్రశాంత్ నీల్ ఈ సినిమా కూడా చేయబోతున్నాడు. రియల్ లైఫ్ మాఫియా డాన్ స్టోరీ నుంచి స్ఫూర్తి పొంది ఈ కథని డెవలప్ చేసారంట. ఈ చిత్రంలో తారక్ కి జోడీగా ఎవరు నటిస్తున్నారనేది ఇంకా క్లారిటీ లేదు.

కన్నడ బ్యూటీ రుక్మిణీ వసంత్ పేరు అయితే ప్రముఖంగా వినిపిస్తోంది. ఇదిలా ఉంటే ఈ సినిమా గురించి మరో ఇంటెరెస్టింగ్ టాక్ తెరపైకి వచ్చింది. ప్రశాంత్ నీల్ ఈ చిత్రంలో మరో ఇంటరెస్టింగ్ క్యారెక్టరైజేషన్ డిజైన్ చేసాడంట. ఆ పాత్ర కోసం ఓ ప్రముఖ హీరోని సంప్రదిస్తున్నట్లు టాక్ నడుస్తోంది. మంచి ప్రాధాన్యత ఉన్న పాత్ర కావడంతో హీరోని తీసుకుంటే బాగుంటుందని భావించి ప్రశాంత్ నీల్ ట్రై చేస్తున్నట్లు ఇండస్ట్రీ వర్గాలలో అనుకుంటున్నారు.

అయితే ఈ సినిమా ఎన్టీఆర్ మూవీగానే ఉంటుందని, సపోర్టింగ్ రోల్ గా వేరొక హీరో పాత్ర ఉండే అవకాశాలున్నాయనే మాట వినిపిస్తోంది. త్వరలో దీనిపై స్పష్టత రావొచ్చని టాక్. ‘సలార్’ సినిమాలో డార్లింగ్ ప్రభాస్ తో పాటు మలయాళీ స్టార్ పృథ్వీరాజ్ సుకుమారన్ కీలక పాత్రలో నటించారు. ‘సలార్ పార్ట్ 1’ లో అతని క్యారెక్టర్ సెకండ్ హీరో తరహాలోనే ఉంటుంది. అయితే పార్ట్ 2లో మాత్రం విలన్ గా కనిపించబోతోందని తెలుస్తోంది.

అలాగే తారక్ సినిమాలో కూడా మరో హీరో క్యారెక్టర్ ని ప్రశాంత్ నీల్ పెడుతున్నాడా లేదంటే వేరే విధంగా ఆ పాత్రని చూపిస్తాడా అనేది తెలియాల్సి ఉంది. 300 కోట్లకి పైగా బడ్జెట్ తో తెరకెక్కుతోన్న ఈ సినిమాని 2026 సంక్రాంతికి రిలీజ్ చేయాలనే ప్లానింగ్ తో ప్రశాంత్ నీల్ తెరకెక్కిస్తున్నారు.