కభి అప్నే కభి సప్నే.. ఇలా షాక్ ఇచ్చారేంటి..?

ఐకాన్ స్టార్ అల్లు అర్జున్ కొత్త పోస్టర్ ఫ్యాన్స్ ని సర్ ప్రైజ్ చేసింది. క్రిష్ డైరెక్షన్ లో అల్లు అర్జున్ హీరోగా కబీ అప్నే కబీ సప్నే అనే పోస్టర్ ఒకటి రిలీజ్ చేశారు. క్రిష్ తో అల్లు అర్జున్ చేస్తున్న సినిమాగా కనిపిస్తుంది. పుష్ప 2 పూర్తి చేసే పనుల్లో బిజీగా ఉన్న అల్లు అర్జున్ ఆ సినిమా తర్వాత త్రివిక్రమ్ తో ప్రాజెక్ట్ ఓకే చేసుకున్నాడు. ఆ సినిమాతో పాటుగా లేటెస్ట్ గా క్రిష్ తో కబీ అప్నే కబీ సప్నే సినిమా అనౌన్స్ చేశారు.

పుష్ప 2 నెక్స్ట్ ఇయర్ ఆగష్టు రిలీజ్ ఫిక్స్ చేశారు. సో అప్పటిదాకా ఏ సినిమా మొదలు పెట్టే ఛాన్స్ లేదు. ఆల్రెడీ త్రివిక్రమ్ తోనే తన నెక్స్ట్ సినిమా అని చెప్పిన అల్లు అర్జున్ సడెన్ గా క్రిష్ తో సినిమా ప్రకటించడం ఫ్యాన్స్ ని షాక్ అయ్యేలా చేస్తుంది. అదీగాక క్రిష్ ఓ పక్క పవన్ కళ్యాణ్ తో చేస్తున్న హరి హర వీరమల్లు సినిమానే ఇంకా పూర్తి చేయలేదు. ఆ సినిమా మొదలై రెండేళ్లు అవుతున్నా సినిమా ఎక్కడి వరకు జరిగిందో తెలియదు.

ఈ టైం లో క్రిష్ తో అల్లు అర్జున్ సినిమా అంటే రిస్క్ అని చెప్పొచ్చు. క్రిష్ తో ఆల్రెడీ అల్లు అర్జున్ వేదం సినిమా చేశాడు. ఆ సినిమాలో అల్లు అర్జున్ తో పాటుగా మంచు మనోజ్ కూడా నటించాడు. మళ్లీ చాలా కాలం తర్వాత క్రిష్ డైరెక్షన్ లో అల్లు అర్జున్ సినిమా వస్తుంది. అయితే సైలెంట్ గా పోస్టర్ వదిలిన ఈ కాంబో మూవీ ఎప్పుడు మొదలవుతుంది. డైరెక్ట్ గా హిందీ టైటిల్ తోనే అల్లు అర్జున్ సినిమా చేయడంలో ప్లానింగ్ ఏంటన్నది తెలియాల్సి ఉంది.

పుష్ప 2 తర్వాత డైరెక్ట్ హిందీ సినిమా అయితే బెటర్ అని అల్లు అర్జున్ ఇలా ఫిక్స్ అయ్యి ఉండొచ్చని కొందరు అనుకుంటున్నారు. ఏది ఏమైనా క్రిష్, బన్నీ కాంబోలో వస్తున్న కబీ అప్నే కబీ కబీ సప్నే సినిమా కచ్చితంగా సంథింగ్ స్పెషల్ గా ఉండబోతుందని చెప్పొచ్చు. ఈ సినిమాకు సంబంధించిన పూర్తి డీటైల్స్ బయటకు రావాల్సి ఉంది. అల్లు అర్జున్ కబీ అప్నే కబీ సప్నే సినిమా పోస్టర్ మాత్రం సోషల్ మీడియాలో వైరల్ అయ్యింది.