బాస్ లేడీ బ‌రిలో దిగితే బంతాటే

మాస్ గాడ్ నందమూరి బాలకృష్ణ హీరోగా సక్సెస్ ఫుల్ డైరెక్టర్ అనిల్ రావిపూడి దర్శకత్వంలో షైన్ స్క్రీన్స్ బ్యానర్ పై తెర‌కెక్కిన‌ మూవీ `భగవంత్ కేసరి`. శ్రీలీల కీలక పాత్రలో నటిస్తుండగా కాజల్ అగర్వాల్ కథానాయికగా నటిస్తోంది. ఈ సినిమా ప్రమోషన్ కంటెంట్ భారీ బజ్ క్రియేట్ చేసింది. దసరా కానుకగా అక్టోబర్ 19న భగవంత్ కేసరి విడుదల కానుంది. ఇటీవ‌ల ప్ర‌మోష‌న్స్ లో పాల్గొంటున్న కాజ‌ల్ రెగ్యుల‌ర్ గా కొత్త లుక్స్ తో మ‌తులు చెడ‌గొడుతున్నారు. తాజా లుక్ ట్రెండీగా యువ‌త‌రం గుండెల్లోకి దూసుకెళ్లింది. రెడ్ ఫ్యాంట్, బ్లూ టాప్ పై బ్లేజ‌ర్ తో బాస్ లేడీని త‌ల‌పించింది కాజ‌ల్.

కాజ‌ల్ అగ‌ర్వాల్ మాట్లాడుతూ ఈ సినిమా కోసం పనిచేసిన అనుభవాలను షేర్ చేసారు. భగవంత్ కేసరి మహిళా శక్తి , మహిళా సాధికారతను ఆవిష్క‌రించే కథ. అలాంటి కథలో భాగం కావడం ఎలా? ఈ కథను ఎంచుకోవడానికి ఇదే కారణం. భగవంత్ కేసరి కాన్సెప్ట్ నాకు బాగా నచ్చింది. ఆడబిడ్డలను ధైర్యంగా పెంచడం, మహిళా సాధికారత గురించి మాట్లాడాల్సిన అవసరం నేటి సమాజంలో ఎంతైనా ఉంది. ఇలాంటి కథలు చెప్పేందుకు మన సూపర్‌స్టార్లు ముందుకు రావడం ఆనందంగా ఉంది. నా క్యారెక్టర్ ఎలా ఉంటుందో అనే దానికంటే ఈ కథ చెప్పాలి అనే ఫీలింగ్ కలిగింది. ఇలాంటి మంచి సందేశం ప్రజల్లోకి వెళ్లాలి. ఇంత గొప్ప సినిమాలో భాగమైనందుకు ఆనందంగా ఉంది... అని అన్నారు.

బాలకృష్ణతో పని అనుభ‌వం గురించి మాట్లాడుతూ "ఆయ‌న‌ చాలా స్వీట్ అండ్ ఫ్రెండ్లీ. అతను గొప్ప హాస్య స్వ‌భావం కలవాడు. అన్నింటికంటే మించి ఆయన చాలా నిజాయితీపరుడు. ఆయనతో పనిచేయడం ఆనందంగా ఉంది. మా మధ్య కొన్ని ఫన్నీ సీన్స్ ఉన్నాయి. వాటిని ప్రేక్షకులు బాగా ఎంజాయ్ చేస్తారు.. అని తెలిపారు.

శ్రీలీలతో స్క్రీన్ షేర్ చేసుకోవడం ఎలా అనిపించిందో మాట్లాడుతూ... శ్రీలీల చాలా ప్రతిభావంతురాలు. చాలా ఎనర్జిటిక్. సెట్స్‌లో చాలా యాక్టివ్‌గా ఉంటుంది. ఆమెకు మంచి పాత్రలు చేయాలనే కోరిక ఉంది. ఇందులో విజ్జి పాప పాత్ర కథలో చాలా ముఖ్యమైనది. తప్పకుండా ఈ పాత్ర తనకు మంచి పేరు తెస్తుంది. న‌వ‌త‌రం న‌టిగా చాలా మంచి భవిష్యత్తు ఉంది... అని తెలిపారు.

భగవంత్ కేసరి ఎలా ఉండబోతోంది? అన్న‌దానిపై మాట్లాడుతూ.. ఇది పవర్ ప్యాక్డ్ మూవీ. ఎమోషన్స్ , యాక్షన్ అద్భుతంగా ఉన్నాయి. బలమైన సందేశం కూడా ఉంది. ప్రతి ఒక్కరు తప్పక చూడాల్సిన సినిమా ఇది... అని వెల్ల‌డించారు.