కాజల్ కారవాన్‌ లోకి దూసుకు వెళ్లిన వ్యక్తి...!

టాలీవుడ్‌ చందమామ కాజల్‌ అగర్వాల్‌ పెళ్లి తర్వాత మళ్లీ బిజీ అయ్యేందుకు ప్రయత్నాలు చేస్తుంది. ఇంతకు ముందు తో పోల్చితే కమర్షియల్ సినిమాల్లో, స్టార్‌ హీరోలకు జోడీగా నటించే అవకాశాలు రాకపోవచ్చు అనేది ఇండస్ట్రీ వర్గాల టాక్. అయినా కూడా కాజల్ తన ప్రయత్నాలు తాను చేసుకుంటూ వెళ్తుంది.

తాజాగా లేడీ ఓరియంటెడ్‌ మూవీ సత్యభామ సినిమాను ఈ అమ్మడు చేసింది. తెలుగు లో ఈ సినిమాను ఈ వారంలోనే భారీ ఎత్తున విడుదల చేయబోతున్నారు. పెద్ద సినిమాలు పోటీ లేకపోవడంతో ఎక్కువ సంఖ్యలో థియేటర్లు లభించే అవకాశాలు ఉన్నాయని చిత్ర యూనిట్‌ సభ్యులు అంటున్నారు.

సత్యభామ సినిమా ప్రమోషన్‌ లో భాగంగా కాజల్ అగర్వాల్‌ ఈ మధ్య రెగ్యులర్‌ గా మీడియా ముందుకు వస్తుంది. ఆమెకు సంబంధించిన పలు విషయాలు నెట్టింట వైరల్‌ అవుతున్నాయి. తాజాగా మరోసారి కాజల్ అగర్వాల్‌ కి సంబంధించిన ఒక వార్త అందరి దృష్టిని ఆకర్షిస్తోంది.

తాజా ఇంటర్వ్యూలో కాజల్‌ అగర్వాల్‌ మాట్లాడుతూ.. తాను ఎదుర్కొన్న ఫన్నీ సంఘటనల గురించి చెప్పుకొచ్చింది. అందులో ప్రధానంగా తాను ఒక సినిమా షూటింగ్ సమయంలో కారవాన్‌ లో ఉన్నాను. ఒక్కసారిగా కారవాన్ లోకి ఒక వ్యక్తి దూసుకు వచ్చాడు.

ఎవరు నువ్వు అంటూ నేను గట్టిగా అరుస్తూనే ఉన్నాను, అతడు స్పీడ్ గా తన షర్ట్‌ బటన్స్ విప్పి తన ఛాతి పై వేయించుకున్న టాటూను చూపించాడు. ఆ టాటూ లో ఉన్నది నేను. నా ఫేస్ ను టాటూ గా వేయించుకున్నాడు. షాక్ అయ్యాను. ఇలాంటివి చేయడం ఏమాత్రం కరెక్ట్‌ కాదు అన్నాను.

అతడు అసిస్టెంట్‌ డైరెక్టర్ అని తెలిసింది. నా పై అతడు చూపించిన అభిమానంకు నిజంగా షాక్‌ అయ్యాను.