హిట్ వచ్చిన కాజల్ కి యూజ్ కాలేదు

స్టార్ హీరోయిన్ గా సౌత్ ఇండియాలో సుదీర్ఘ కాలం పూర్తి చేసుకున్న అందాల భామ కాజల్ అగర్వాల్. ఈ అమ్మడు స్టార్ హీరోలు అందరితో కూడా సుమారు నటించింది అని చెప్పొచ్చు. అలాగే తెలుగు, తమిళ్ తో పాటు హిందీ భాషలో కూడా చాలా మూవీస్ చేసింది. ప్రస్తుతం పెళ్లి చేసుకున్న ఈ అందాల భామకి కొడుకు కూడా ఉన్నాడు. అయిన ఈ బ్యూటీ నటిగా తన కెరియర్ ని కొనసాగిస్తోంది.

అయితే ప్రస్తుతం సీనియర్ హీరోయిన్ కేటగిరీలో చేరిపోయిన కాజల్ అగర్వాల్ కి సీనియర్ హీరోలకి జోడీగానే అవకాశాలు వస్తున్నాయి. ఆచార్య మూవీలో చిరంజీవికి జోడీగా కాజల్ అగర్వాల్ ని పెట్టి కొన్ని సీక్వెన్స్ తెరకెక్కించిన మళ్ళీ ఫైనల్ కాపీలో ఆమె పాత్రని పూర్తిగా తొలగించేసారు. ఇప్పుడు భగవంత్ కేసరి చిత్రంలో కాజల్ అగర్వాల్ ని బాలయ్యకి జోడీగా అనిల్ రావిపూడి ఎంపిక చేశారు.

మూవీ మొత్తం చూసుకుంటే కాజల్ అగర్వాల్ గట్టిగా నాలుగు, ఐదు సన్నివేశాలకి మాత్రమే పరిమితం అయ్యింది. అవి కూడా సినిమాకి ఏ విధంగా కూడా ఉపయోగం లేనివని చెప్పాలి. నిజానికి సినిమాలో ఆమె పాత్ర కూడా అంత బలంగా ఏమీ లేదు. అలా అని గ్లామర్ పరంగా కాజల్ అగర్వాల్ పాత్రని వినియోగించుకున్నారా అంటే అది జరగలేదు.

మూవీలో ఆమె పాత్ర కేవలం సపోర్టింగ్ రోల్ తరహాలోనే ఉంది తప్ప హీరోయిన్ స్థాయిలో లేదని చెప్పాలి. నిజానికి కాజల్ అగర్వాల్ గ్లామర్ పరంగా ఇప్పటికి వన్నె తగ్గని అందాలతో మెరిసిపోతోంది. కరెక్ట్ గా ఉపయోగించుకుంటే గ్లామర్ రోల్స్ కోసం ఈమెని మరికొంతకాలం యూజ్ చేసుకోవచ్చు. అవకాశాలు వస్తున్న కూడా చెప్పుకోదగ్గ పాత్రలు పడకపోతే హీరోయిన్ గా నటించి కూడా అనవసరం అవుతుంది.

ఈ చిత్రంలో కాజల్ అగర్వాల్ పరిస్థితి అదే. ఆమె హీరోయిన్ గా నటించిన కూడా ఏ మాత్రం మూవీ ఆమెకి ప్లస్ కాలేదు. స్టార్ హీరోయిన్ గా ఉన్న ఆమె ఇమేజ్ ని భగవంత్ కేసరి మూవీ మరికొంత క్రిందికి దించింది అని చెప్పొచ్చు. ప్రస్తుతం కాజల్ అగర్వాల్ ఇండియన్ 2 మూవీలో హీరోయిన్ గా చేస్తోంది. అలాగే సత్యభామ అనే ఫిమేల్ సెంట్రిక్ మూవీ ఒకటి చేస్తోంది. ఈ సినిమాలు ఆమెని ఎంత వరకు నిలబెడతాయో చూడాలి.