స్టార్ హీరో మెగా ఆఫ‌ర్‌ని తిర‌స్క‌రించిన న‌టి?

ఆ ఇద్ద‌రూ వెండితెర‌పై రొమాన్స్ చేస్తే కాసుల పంటే. బాక్సాఫీస్ బంప‌ర్ హిట్ గ్యారెంటీ. ప్రేమ‌జంట అంటే ఇలా ఉండాలి! అనేంత‌గా ఆ ఇద్ద‌రూ ఒదిగిపోయి న‌టించారు. కొన్ని సంవ‌త్స‌రాల పాటు ఒకే థియేట‌ర్ లో ఆడిన సినిమా డిడిఎల్‌జే లో వీరు జంట‌గా న‌టించారు. ఈ సినిమాలో షారూఖ్‌- కాజోల్ జంట న‌ట‌న ప్రేమికుల హృద‌యాల‌ను మీటుతుంది.

ఆ త‌ర్వాత కూడా షారూఖ్‌- కాజోల్ జంట‌గా న‌టించిన సినిమాలు ప్ర‌జాద‌ర‌ణ పొందాయి. కార‌ణం ఏదైనా కానీ ఓ భారీ చిత్రంలో షారూఖ్ కి సోద‌రిగా న‌టించే అవ‌కాశాన్ని కాజోల్ సునాయాసంగా తిర‌స్క‌రించింది. షారూఖ్ ఖాన్ - ఐశ్వర్యారాయ్ ప్రధాన పాత్రలలో నటించిన `జోష్` చిత్రం గుర్తుంది క‌దా? ఈ చిత్రానికి అమీర్ ఖాన్ సోదరుడు మన్సూర్ ఖాన్ దర్శకత్వం వహించారు. ఈ చిత్రంలో వారు అన్నదమ్ములుగా నటించారు.

షారూఖ్ సోదరి షెర్లీ పాత్రకు ఐశ్వర్య రాయ్ మొదటి ఎంపిక కానే కాదు.. ఈ పాత్ర కోసం దర్శకుడు మొదట స్టార్ హీరోయిన్ కాజోల్‌ని సంప్రదించగా ఆమె ఆఫర్‌ను తిరస్కరించింది. క‌థ విన్న త‌ర్వాత‌ కాజోల్ నవ్వుతూ నేను షారూఖ్‌ సోదరిగా నటించాలనుకుంటున్నారా? .. సరే అయితే అది నా కలలో కూడా జరగదు! అని నిర్మొహ‌మాటంగా చెప్పేసింద‌ట‌. ఈ విషయాన్ని దర్శకుడు తాజాగా ఓ ఇంటర్వ్యూలో వెల్లడించాడు.

ఈ చిత్రంలో షారూఖ్‌, ఐశ్వర్య తోబుట్టువులుగా నటించారు కానీ అది బాక్సాఫీస్ వద్ద పెద్దగా ఆడలేదు. అయితే ఖాన్ నటనకు అతడి అభిమానుల నుండి మంచి ప్ర‌శంస‌లు ద‌క్కాయి. షారూఖ్‌- కాజోల్ బాలీవుడ్ శాశ్వతమైన ప్రేమ‌జంట‌. వారిని తోబుట్టువుల పాత్రలో ఊహించుకోవ‌డం క‌ష్టం.