ఆరోజే కల్కి రిలీజ్, అంత స్పెషల్ ఏంటో తెలుసా?

ప్రభాస్ హీరోగా నటిస్తున్న తాజా చిత్రం కల్కి 2898 AD. మొన్నటి వరకు ప్రాజెక్ట్ కే పేరిట ఈ మూవీని పిలుస్తూ వచ్చారు. కాగా, అమెరికాలో 'శాన్ డియాగో కామిక్ కాన్‌' ఈ వెంట్ లో మూవీ టైటిల్ తో పాటు, గ్లింప్స్ కూడా విడుదల చేశారు. ఇటీవల టీజర్ విడుదల చేయగా, అది విపరీతంగా ఆకట్టుకుంది.

తాజాగా, ఈ మూవీ నుంచి ఓ క్రేజ్ అప్ డేట్ బయటకు వచ్చింది. దాని ప్రకారం, ఈ మూవీ ని రెండు భాగాలుగా తెరకెక్కిస్తున్నారట. ఇప్పటికే ఈ మూవీ ఎప్పుడు విడుదల చేస్తారా అని చాలా మంది ఆసక్తిగా ఎదురుచూస్తున్నారు. ఈ క్రమంలో ఈ మూవీ మొదటి భాగాన్ని ఓ ప్రత్యేకమైన రోజున విడుదల చేయాలని అనుకుంటున్నారట.

ఇప్పటి వరకు తెలిసిన సమాచారం ప్రకారం, ఈ మూవీ రెండు భాగాలుగా తీస్తున్నారని, మొదటి భాగం వచ్చే ఏడాది ప్రేక్షకుల ముందుకు తీసుకురావాలని ప్లాన్ చేస్తున్నారు. దాదాపు మే 9వ తేదీన ఈ మూవీ ప్రేక్షకుల ముందుకురానుంది. ఈరోజే విడుదల చేయడానికి ఓ ముఖ్య కారణం ఉంది. ఈ మే9వ తేదీన నిర్మాత అశ్వినీ దత్ కి చాలా స్పెషల్ రోజు అట.

ఆయన నిర్మాణ రంగం నుంచి వచ్చిన జగదీక వీరుడు, అతి లోక సుందరి, మహానటి సినిమాలు ఇదే రోజున విడుదలయ్యాయి. ఈ రెండు సినిమాలు బ్లాక్ బస్టర్ గా నిలిచాయి. దీంతో, ఈ రోజున విడుదల చేస్తే, ఈ మూవీ కూడా మంచి హిట్ అవుతుందని ఆయన భావిస్తున్నారట. అందుకే, ఈ మేరకు నిర్ణయం తీసుకున్నారని సమాచారం. కల్కి చిత్రానికి నాగ అశ్విన్ దర్శకత్వం వహిస్తుండగా, సంతోష్ నారాయణ్ సంగీతం అందిస్తున్నారు.

ఇదిలా ఉండగా, దాదాపు ప్రభాస్ సినిమాలన్నీ రెండు భాగాలుగా వస్తున్నాయి. ఇప్పటికే, సలార్ కూడా రెండు భాగాలు అని ప్రకటించారు. ఇక, ఇప్పుడు కల్కి కూడా రెండు భాగాలుగా చేస్తుండటం విశేషం. కల్కి మొదట పోస్టర్ చూసినప్పుడు చాలా మంది విమర్శించారు. కానీ, టీజర్ చూశాక అందరి నోళ్లు మూతపడ్డాయి. ఇక, మూవీ చూసిన తర్వాత ప్రభాస్ క్రేజ్ మరింత పెరిగే అవకాశం ఉందని తెలుస్తోంది.