కల్కి.. అది మాత్రం నెవ్వర్ బిఫోర్

యంగ్ రెబల్ స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కుతోన్న పాన్ వరల్డ్ మూవీ కల్కి 2898ఏడీ. ఈ మూవీ పోస్ట్ ప్రొడక్షన్ వర్క్ ప్రస్తుతం శరవేగంగా కొనసాగుతోంది. భారీ బడ్జెట్ తో అశ్వినీ దత్ ఈ చిత్రాన్ని నిర్మిస్తోన్న సంగతి తెలిసిందే. ఇదిలా ఉంటే జూన్ 27న ప్రపంచవ్యాప్తంగా 22 భాషలలో ఈ చిత్రం రిలీజ్ కానుంది. దీపికా పదుకునే, దిశా పటాని ఈ చిత్రంలో హీరోయిన్స్ గా నటిస్తున్నారు.

ఇండియన్ మైథాలజీ బేస్ చేసుకొని ఫ్యూచరిస్టిక్ కాన్సెప్ట్ మూవీగా ఈ చిత్రాన్ని నాగ్ అశ్విన్ తెరకెక్కించారు. ఈ మూవీ కోసం సరికొత్త ప్రపంచాన్ని క్రియేట్ చేశారు. భవిష్యత్తు ప్రపంచాన్ని ఫిక్షనల్ గా చూపించబోతున్నారు. ఈ నేపథ్యంలో ఇండియన్ ఫస్ట్ ఫ్యూచరిస్టిక్ కాన్సెప్ట్ మూవీగా ఈ సినిమా ఉండబోతోంది. ఇదిలా ఉంటే కల్కి 2898ఏడీ నుంచి ఫస్ట్ సింగిల్ ని రిలీజ్ చేయడానికి చిత్ర యూనిట్ రెడీ అవుతోంది.

సంతోష్ నారాయణన్ ఈ చిత్రానికి సంగీతం అందిస్తున్న సంగతి తెలిసిందే. ఆయన మ్యూజిక్ అంటేనే ప్రత్యేకమైన ఫీల్ ఉంటుంది. ఈ నేపథ్యంలో కల్కి 2898ఏడీ మూవీ కోసం ఎలాంటి సాంగ్స్ ని ఆయన అందించారనే ఆసక్తి అందరిలో నెలకొని ఉంది. ప్రభాస్, దిశా పటాని మీద చిత్రీకరించిన సాంగ్ మూవీలో చాలా ప్రత్యేకంగా ఉండబోతోందంట.

గ్రాండ్ స్కేల్ పై విజువల్ ట్రీట్ తో ఈ సాంగ్ ఉండబోతోందనే మాట వినిపిస్తోంది. సాంగ్ లోనే ఓ కొత్త లోకాన్ని నాగ్ అశ్విన్ చూపిస్తాడని చిత్ర యూనిట్ నుంచి వస్తోన్న టాక్. కచ్చితంగా నెవ్వర్ బిఫోర్ అనే స్థాయిలో ఫస్ట్ సింగిల్ ఉండటం గ్యారెంటీ అని సినీ విశ్లేషకులు సైతం అంటున్నారు. నాగ్ అశ్విన్ కూడా ఈ మూవీ విజువల్ ఎఫెక్ట్స్ విషయంలో నెగిటివిటీ రాకుండా ఉండటం కోసం చాలా జాగ్రత్తలు తీసుకున్నారు.

ఇప్పటికే రిలీజ్ చేసిన పోస్టర్స్, గ్లింప్స్ లతో కల్కి 2898 ఏడీ ఎలా ఉండబోతోందనేది ఒక క్లారిటీ వచ్చేసింది. త్వరలో రిలీజ్ కాబోయే ఫస్ట్ సింగిల్ కూడా ఎవ్వరు ఎక్స్ పెక్ట్ చేయని రీతిలో ఉండబోతోందని ప్రచారం నడుస్తోంది. ఈ నేపథ్యంలో సాంగ్ పై ఎక్స్ పెక్టేషన్స్ పెరిగిపోయాయి. మరి నాగ్ అశ్విన్ ఈ సాంగ్ లో ఎలాంటి అద్భుతాన్ని చూపించబోతున్నాడు అనేది తెలుసుకోవడం డార్లింగ్ అభిమానులు ఆసక్తిగా ఎదురుచూస్తున్నారు.