కల్కి తర్వాత భాగాల్లో హీరోలు మారుతారా..?

మహానటి తర్వాత చాలా గ్యాప్ తీసుకున్న డైరెక్టర్ నాగ్ అశ్విన్ తన నెక్స్ట్ సినిమాతో హాలీవుడ్ రేంజ్ అటెంప్ట్ చేస్తాడని ఎవరు ఊహించలేదు. తను రాసుకున్న కథకు వైజయంతి బ్యానర్ సపోర్ట్ ఇవ్వగా 500 కోట్ల పైన బడ్జెట్ తో కల్కి అంటూ భారీ సినిమానే తెరకెక్కించాడు నాగ్ అశ్విన్. కల్కి 2898 AD సినిమా మరో 20 రోజుల్లో ప్రేక్షకుల ముందుకు వస్తుంది. ఈ సినిమాపై ఇప్పటికే అంచనాలు తారాస్థాయిలో ఉండగా వాటికి తగినట్టుగానే సినిమా నుంచి ప్రచార చిత్రాలు వస్తున్నాయి.

కల్కి సినిమాటిక్ యూనివర్స్ ని నాగ్ అశ్విన్ భారీ ప్లానింగ్ తోనే మొదలు పెట్టాడు. ఐతే కల్కి 2898 AD మొదటి పార్ట్ కాగా ఈ సినిమా చివర్లో మరో పార్ట్ కి సంబందించిన క్లూస్ ఇస్తారని తెలుస్తుంది. ఇక కల్కి ఫ్రాంచైజీలలో కేవలం ప్రభాస్ ఒక్కడే హీరోగా చేస్తాడా లేదా నాగ్ అశ్విన్ ఈ సీక్వెన్స్ లో వేరే హీరోలను కూడా తీసుకుంటాడా అన్న చర్చ మొదలైంది. ఊహించిన దాని కన్నా చాలా పెద్ద స్కేల్ లో కల్కిని తెరకెక్కించాడు నాగ్ అశ్విన్.

ఈ ఫ్రాంచైజీ మీద ఉన్న అంచనాలకు తగినట్టుగా సీక్వెన్స్ లో హీరోలను మారుస్తూ వస్తే మాత్రం బాక్సాఫీస్ లు షేక్ అవ్వడంలో డౌట్ లేదని చెప్పొచ్చు. ఇప్పటికే ప్రభాస్ కల్కి మొదటి పార్ట్ పాన్ వరల్డ్ వైడ్ గా భారీ టార్గెట్ ని ఫిక్స్ చేసుకుంది. సినిమా ఎలా ఉంటుంది అంటూ వదిలిన శాంపిల్ యానిమేటెడ్ వీడియోనే వావ్ అనిపించగా ఇక సినిమా నెక్స్ట్ లెవెల్ లో ఉండబోతుందని తెలుస్తుంది.

కల్కి ఫ్రాంచైజీలలో మన టాలీవుడ్ స్టార్స్ ఒక్కొక్కరు మారుతూ వస్తుంటే మాత్రం ఈ సినిమా చరిత్రలో సరికొత్త రికార్డులను తిరగరాస్తుందని చెప్పొచ్చు. మరి నాగ్ అశ్విన్ ప్లాన్ ఏంటో కానీ కల్కి పై వస్తున్న ఈ ఊహాగానాలు అన్నీ నిజం అవ్వాలని తెలుగు ఆడియన్స్ తో పాటుగా పాన్ ఇండియా లెవెల్ లో సినీ ప్రియులు కోరుతున్నారు. నాగ్ అశ్విన్ కనిపించేంత చిన్నవాడేం కాదని లిరిక్ రైటర్ రామజోగయ్య శాస్త్రి అన్నట్టుగా కల్కి మనకు కనిపించేది అంతా జస్ట్ చిన్న టీజర్ మాత్రమే అసలు సినిమా వేరే లెవెల్ లో ఉంటుందని అంటున్నారు. ఆ ఎక్స్ పీరియన్స్ టేస్ట్ చేసేందుకు ప్రతి సినీ అభిమాని ఎదురుచూస్తున్నాడు.